Bičepangre 14:4 - O Debleskro Lab 2024 (Sinte-Manouche)

⁴ I menshe an ko foro djinan gar, koneske te patsenn le. His save, kay rikran kol biboldentsa khetne. Vavar rikran pen ap o Yezouseskre bičepangre.

O Debleskro Drom 2021 (Sinte)

⁴ I menshe an ko foro djinan gar, koneske te patsenn le. His sawe, kai rikran kol biboldentsa khetne. Wawar rikran pen ap o Jesuseskre bitchepangre.

Bičepangre 14:4 Iomraidhean Croise

Micha 7:6

An ko tsiro dikell o čavo tele ap peskro dadeste, i čay shounell gar ap peskri date, oun o čaveskri romni krell gar, hoy lakro romeskri day penell. Oun i djoungleder menshe hi kolla, kay djivenn khetne touha an yek kheer.

Louka 2:34

Oun o Simeon rakras o Debleskri barht pral lende vin oun penas ap i Mariate: “Pral kava čaveste rhoyrenn pen boud menshe an o them Israel. Ap leste sikrell pes, koon djal ap o Debleskro drom, oun koon perell o Debleskro dromestar tele.

Johanni 7:43

Kanna djinan i menshe gar, hoy čačo hi. Ko yek penas kava, ko vavar penas kova.

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Bičepangre 13:45

Har i bibolde kol boud menshen dikan, zilveran le ap kol douyende. Yon čingran ap o Pauleste, oun rakran i djoungele laba pral leste.

Bičepangre 13:50

Koy djan i pralstoune bibolde pash kol bravele djouvyende, kay lan i biboldengro patsepen an, ninna pash kol pralstunende an ko foro, rakran lentsa oun kran, te van le rhoyedo ap o Pauleste oun ap o Barnabeste. Oun khetne lentsa lan le len palla oun tradan len dran ko foro vin.

Bičepangre 14:14

Har o Barnabas oun o Paulo kova shounan, kran le pengre ripya paash oun stan mashkral kol menshende, oun dan gole:

Bičepangre 14:19

Koy van bibolde dran i forya Antiochia oun Ikonion an kava foro. Kolla lan boud menshen ap pengri rig, lan barra, vitsran i barrentsa ap o Pauleste, tserdan les dran o foro vin, oun dikan ap leste, oun penan: “Kova hi moulo.”

Bičepangre 14:2

Kol bibolde, kay van gar patslo, penan, te vals kova gar čačo, hoy o Paulo penas, oun kran, te van kolla, kay kek bibolde hi, rhoyedo ap i patslende.

Bičepangre 14:5

Kova djas yaake dour, kay čivan pen i bibolde khetne kolentsa, kay kek bibolde hi. Oun khetne lengre pralstunentsa kaman le ap kol douyende pre te djal, te denn le len i barrentsa moulo.

Bičepangre 19:9

Koy his ninna menshe pashel, kay kaman o Yezousestar či te djinell oun kaman gar ap leste te patsell. Oun glan i menshende rakran le djoungelo koova pral o patsepen ap o Yezouseste. Koy moukas o Paulo kol vavar patslentsa i biboldengri kangri, oun rakras hako dives an ko sikepaskro kheer, kay o Tiranno o sikepaskro hi.

Bičepangre 28:24

Boud lendar patsan leske oun penan: “Leskro hi čačo.” Vavar lendar patsan leske gar.

1. Korintarja 9:5

Hi men gar ko čačepen, te romedinerah nay i patsli djouvyat, oun te las lat mentsa, yaake har krenna kol vavar Yezouseskre bičepangre oun leskre phrala oun o Petro?

1. Tessalonikarja 2:14

Mire phrala, t'mare menshe lan t'men palla. Yaake djas t'menge har kol patsle biboldenge an o them Youdea. Lengre menshe, i bibolde, lan len ninna palla.