Bičepangre 14:17 - O Debleskro Lab 2024 (Sinte-Manouche)

¹⁷ Ninna te djinans t'mer či lestar, hounte dikans, kay o Devel djivella. Yob kras boud lačo koova t'menge. Yob dell t'men brishino dran o bolepen, te vell lauter ap i phoub baro. Yob dell t'mende te rhal, oun i barht an t'maro dji.”

O Debleskro Drom 2021 (Sinte)

¹⁷ Ninna te djinans tumer tchi lestar, hunte dikans, kai o Dewel djiwella. Job kras bud latcho koowa tumenge. Job dell tumen brishino dran o bolepen, te well lauter ap i phub baro. Job dell tumende te chal, un i bacht an tumaro dji.”

Bičepangre 14:17 Iomraidhean Croise

1. Rajengro liil 18:1

Pal i rah tsiro, an o triinto bersh, kay bokenn le, penas o baro Devel ap o Eliya: “Dja, mouk tout te dikell glan o Ahab. Me moukau o brishin te vell ap i phoub!”

Nehemia 9:25

Yon lan zorele forya dren, oun i lačo them, khera, hoy pherdo lačo koova his, pani, hoy dran vi-dine bare barra vas, drakengre rouka, djeteskre rouka, oun boud vavar rouka, hoy lačo rhapen hidjran. Oun yon rhan oun van čalo oun thoullo. Oun yon moukan les penge lačes te djal. Yaake baro his tiro lačepen ap lende.

Hiob 37:6

Ap o gib penell lo: Pere ap i phoub! Ap i volke: De zorelo brishin!

Hiob 5:10

Yob dell brishin ap i phoub, oun moukell pani ap o them te perell.

Debleskri gili 145:9

O baro Devel hi lačes ap hakeneste. Oun krell peskro dji pre halauterenge, kolen yob kras.

Debleskri gili 4:7

Boud penenna, koon moukell men lačepen dikell? Tou, baro Devel, mouk tiro lačepen har i momeli pral mende pre te djal!

Debleskri gili 52:1

I gili o rayeske pral i gipangre. O David kras kay gili,

Jesaja 22:13

Oun hoy krenn t'mer? T'mer sanenn oun khelenn, marenn groumyen oun bakren, rhan mass oun piyenn mool. T'mer penenn: “Moukenn men te rhal oun te piyell, taysar merah mer!”

Jesaja 40:21

Hayvan t'mer gar? Shounenn t'mer gar? Vas kova t'menge gar penlo glan rah tsiro? Djinenn t'mer gar, har i phoub kerdo vas?

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Jeremia 5:24

An pengro dji penenn le gar: Mer te dikas pre ap maro baro Debleste! Yob bičrell menge o brishin an o čačo tsiro, brishin an o vend oun brishin an i niyal, te vell men o djob rhapaske an ko čačo tsiro.

Ezekiel 34:26

Oun me čivau miri barht ap lende oun ap o tselo them, hoy troul miri berga hi. Oun dau brishin an o čačo tsiro. Kava lačo brishin krell,

Joel 2:23

Oun t'mer menshe dran o foro Sion, avenn barhtelo, oun givenn pral kova, hoy kras o baro Devel. Yob hi t'maro Devel, oun dell t'men doha brishin ap o čačo tsiro, har lo kras glan kova,

3. Mose 26:4

palle moukau me brishin te dell an ko tsiro, kay hounte vell. Oun o them moukell t'menge lauter bares te vell, oun i rouka hidjrenn pengre roukengre.

Mateo 5:45

Yaake han t'mer čačepah čave o baro Deblestar, kay hi t'maro dad an o bolepen. Yob moukella o kham pre te djal kol čilačenge oun kol lačenge. Oun yob dell brishin ap kolende, kay pal o čačepen djivenna, ninna ap kolende, kay čilačo koova krenna.

Louka 6:35

Me penau t'menge: Avenn lačes kolenge, kay hi čilačo ap t'mende! Krenn kolenge lačepen! Patsenn t'mare love vin ap kolende, kay t'mer gar djinenna, te lenn t'mer lendar čomone pale! Te krenna t'mer kova lauter, palle dell o Devel t'men peskro bravlepen an o bolepen, oun t'mer venn o baro Debleskre čave. O Devel hi ninna lačes ap kol menshende, kay čilače hi, oun kay parkrenn pen gar pash leste.

Bičepangre 14:18

Fothe o Paulo oun o Barnabas yaake rakran, kaman i menshe lenge firhen te marell. Oun o Paulo oun o Barnabas mangan len pengro tselo djiyestar, te krenn le kova gar.

Bičepangre 17:26

Ko Devel kras ko yek menshes, o Adames. Kolestar van i tsele menshe an hake themma ap i phoub. Yob das len i tsiro, har rah yon djivenna, oun ninna an havo them yon djivenna.

5. Mose 11:14

Palle dell yob o brishin ap t'maro them an peskro tsiro, an o niyal oun an o vend, te nay anenn t'maro djob dren, ninna t'mari mool oun djet.

5. Mose 28:12

Yob krell t'menge o bolepen pre oun dell brishin an o čačo tsiro ap t'maro them, oun čivell peskri barht ap halauter, hoy t'mer krenna. Oun t'mer patsenn i menshenge an boud themma. Lendar hounte patsenn t'menge či.

1. Timoteo 6:17

Pen kol bravelenge, te rikrenn yon pen gar bareder har vavar, oun te čivenn yon pengro patsepen gar ap o bravlepen, hoy gar ačella. Mer čivas maro patsepen ap o Debleste, kay dell men lauter djipaske, yaake te nay djivas barhteles.