Bičepangre 13:3 - O Debleskro Lab 2024 (Sinte-Manouche)

³ Oun yon rhan gomme i tikno tsiro či oun mangan o Debles an. Palle, čivan le i vasta ap lende oun penan: “Ačenn mo Debleha!” oun moukan len te djal.

O Debleskro Drom 2021 (Sinte)

³ Un jon chan gomme i tikno tsiro tchi un mangan o Debles an. Palle, tchiwan le i wasta ap lende un penan: “Atchenn mo Debleha!” un mukan len te djal.

Bičepangre 13:3 Iomraidhean Croise

4. Mose 27:23

oun čivas peskre vasta ap leste, oun čivas les an peskri boudi dren, yaake har o baro Devel leske kova penas.

Louka 2:37

Palle meras lakro rom. Oun kanna his li orhta-deesh-te-star bersha phouro. Oun yoy his o tselo dives oun i tseli rati an o Debleskro baro kheer, te mangell li o Debles an. Oun boud kope rhas oun piyas li či o Debleske.

Bičepangre 1:24

Palle mangan yon o Debles oun penan: “Ray, tou prindjreh i tsele menshengre djia. Sike mende, kones tou kol douyendar vin rodal,

Bičepangre 13:2

His i dives, kay sharan le o Debles oun rhan či, te venn le leske feteder koy. Koy penas lenge o Debleskro Dourho: “Bičrenn o Barnabes oun o Saules vin, te krenn le koy boudi, hoy me len dau. Me dom len gole, te krenn le kova.”

Bičepangre 13:4

O Debleskro Dourho bičras o Barnabes oun o Saules an o foro Seleucia. Oun palle ouleran le ap o shiffo an o them Ciprus.

Bičepangre 14:23

Oun an hake gaba oun forya, kay i patsle khetne van, rodas o Paulo oun o Barnabas phralen vin, te venn le phoureder mank i patslende. Oun o Paulo oun o Barnabas lan penge i tsiro, kay rhan le či o Debleske, oun mangan o Debles lauterenge, kay ap leste patslo van, te dell lo ap lende yak.

Bičepangre 14:26

Kote djan le ap o shiffo, oun van an o foro Antiochia. Kova his kava foro, kay bičran i patsle o Paules oun o Barnabes an vavar forya, te penan yon kote o lačo lab o Yezous Kristestar, oun yon mangan o Debles, te djal lo lentsa. Kay boudi his kanna kerdo.

Bičepangre 15:40

O Paulo rodas peske o Silases vin, oun djas peske leha. Oun kol patsle penan lenge: “O Devel djal t'mentsa!”

Bičepangre 6:6

Kol morshen anan le pash o Yezouseskre bičepangre. Kolla čivan i vasta ap lende, oun mangan o Debles, te dell lo len zoor oun gosvepen an lengri boudi.

Bičepangre 9:17

O Anania djas koy, vas an ko kheer, čivas i vasta ap o Sauleste oun penas: “Miro phraal Saulo, maro ray Yezous bičras man, kova, kay moukas pes ap ko drom toutar te dikell. Yob kamell, te dikess tou nay pale, oun te vess pherdo Debleskro Dourho.”

Remarja 10:15

Te vell kek bičedo pash lende, nay penell lenge kek o Yezous Kristestar. O Debleskro lab penella: Har barhtelo ham pral kolende, kay venn pash mende oun penenn menge o lačo lab!

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

1. Timoteo 5:22

Ma čip sik tire vasta ap yekeste pre! De yak, te vell i doosh i vavarestar gar ap toute! Rike tiro dji djoudjo!

2. Timoteo 1:6

Doleske mangau tout: Mouk koy zoor an toute te boudrell, hoy o Devel tout das! Tou lal koy zoor, har mangom o Debles touke, oun har čivom touke i vasta pre.

2. Timoteo 2:2

Tou hals pashel, har penom boud menshen o Debleskro lab. Kova, hoy shounal mandar, sike kanna vavar patslen, kay krenn, hoy tou lenge peneh, oun kolendar tou djineh, te hayvenn le mishto o Debleskro lab te penell!

3. Johanni 1:6

Yon penan toutar glan i patslende, kay kate khetne venna, havo baro kamlepen tout hi. Yon te djan ap pengro drom doureder, de len rhapen oun pipen peha, yaake har kova glan o Debleskre yaka mishto hi.

3. Johanni 1:8

Doleske hounte das mer save phralen kova, hoy len hounte vell djipaske. Yaake boudrah mer lentsa, te vell o Debleskro čačepen i menshenge penlo.