Bičepangre 13:15 - O Debleskro Lab 2024 (Sinte-Manouche)

¹⁵ Koy pal, har i bibolde dran kol lila glan draveran, hoy o Mose oun o Debleskre rakepangre činan, moukan lenge kol pralstoune pral i biboldengri kangri te penell: “Mare phrala, te kamenn t'mer menge i lab te penell, hoy krell men zorelo an o patsepen, penenn les menge!”

O Debleskro Drom 2021 (Sinte)

¹⁵ Koi pal, har i bibolde dran kol lila glan draweran, hoi o Mose un o Debleskre rakepangre tchinan, mukan lenge kol pralstune pral i biboldengri kangri te penell: “Mare phrala, te kamenn tumer menge i lab te penell, hoi krell men sorelo an o patsepen, penenn les menge!”

Bičepangre 13:15 Iomraidhean Croise

Markus 5:22

koy vas i pralstouno pral i biboldengri kangri. Leskro lab his Yayro. Har dikas lo o Yezouses, peras lo glan leste tele,

Louka 16:16

An o phouro tsiro rikran pen i menshe ap kova, hoy o Mose oun i Debleskre rakepangre penan. Har vas o Yohanni, vas o Debleskro nevo tsiro. Kanna vell i menshenge o lačo lab penlo, te dell o Devel i menshen pash peste gole, te djivenn le leha khetne an yek harmenatsyona. Oun hakeno kamell zoryah yaake dren te vell, har yob kamella.

Bičepangre 1:16

Mire phrala, kova, hoy an o Debleskro lab pral o Youdas činlo hi, hounte vas yaake. Glan rah tsiro penas o Debleskro Dourho o Davideske kova, hoy vella pral o Youdaseste. O Youdas sikras o drom kolende, kay tapran o Yezouses.

Bičepangre 13:27

Kolla, kay djivenn an o foro Yerusalem, oun lengre pralstoune hayvan gar, koon o Yezous hi. Yon hayvan vitar gar kol laba, hoy o Debleskre rakepangre pral leste penan, ninna te venn kal laba hako Debleskro dives an i biboldengre kangria dravedo. Har yon o Yezouses ap o troushel dan, kran yon kova, hoy o Debleskre rakepangre glan i rah tsiro penan.

Bičepangre 15:21

Kova, hoy o Mose penas, kova vell i menshenge an hake forya penlo. Hako Debleskro dives venn o Moseskre laba an i biboldengre kangria glan-dravedo.”

Bičepangre 15:7

Har yon pen i rah tsiro čingran, stas o Petro pre, oun penas: “Mire phrala, t'mer djinenna, kay o Devel rodas man glan rah tsiro vin, oun kamas, te penap me o lačo lab o Yezous Kristestar kolenge, kay kek bibolde hi. Oun kolla shounan oun patsan.

Bičepangre 18:17

Koy tapran kol bibolde o Sostenes, kol pralstounes pral i biboldengri kangri, oun dan les dava glan o Gallio, oun kova dikas kova, oun kras či.

Bičepangre 18:8

O Krispo, ko pralstouno pral i biboldengri kangri, vas peskre tsele menshentsa patslo ap o rayeste, o Yezouseste. Ninna boud menshe an o foro Korint van patslo oun moukan pen te taufrell.

Bičepangre 2:29

Oun o Petro penas doureder ap lende: “Morshale, mire phrala, moukenn man t'menge te penell, hoy man ap o dji hi. Maro baro ray David meras, oun vas paskedo. Leskro moulengro kheer nay dikenn t'mer kava dives.

Bičepangre 2:37

Har kol menshe kova shounan, djas lenge kova an lengro dji. Oun yon poučan o Petrestar oun kol vavar Yezouseskre bičepangrendar: “Morshale, mire phrala, hoy kras mer?”

Bičepangre 2:4

Oun yon van lauter pherdo Debleskro Dourho, oun rakran an vavar rakepen. Oun yon rakran ko rakepen, hoy o Debleskro Dourho len das.

Bičepangre 20:2

Kote djas lo an i gaba oun forya, kay i patsle khetne venna, oun das len zoor an lengro patsepen. Koy pal vas lo an o grichtikro them.

Bičepangre 22:1

T'mer morsha, phrala oun dada, shounenn, hoy kamau t'menge te penell!

Bičepangre 4:36

Yaake kras kova ninna o Yosef. Kova his i Levitari oun vas dran o them Ciprus. O Yezouseskre bičepangre dan les ninna Barnabas gole. Ko kharella ap lengro rakepen: O morsh, kay rakrell i menshentsa lačo, te hi lengro dji pharo.

Bičepangre 7:2

Koy penas o Stefano: “T'mer phrala oun dada, shounenn! Maro baro oun raylo Devel moukas pes maro dadestar Abraham te dikell an o them Mesopotamia. Ap ko tsiro djivas o Abraham gomme gar an o foro Haran.

Remarja 12:8

Pale vavar hayvenn i patslen an o dji te rakrell, te krenn le len zoreles an lengro patsepen. Kolla hounte krenn kova. Pale vavar denn i čorvelende čomone. Koon kova krella, hounte krell les dran i lačo dji. Kote, kay i patsle khetne venna, hi ninna pralstoune pral lende. Kolla hounte krenn pengri boudi o tselo djiyestar. Vavar patsle rikrenn pen ap i rig kolendar, kay djal lenge gar mishto. Koon kova krella, hounte krell les i barhtelo djiyeha.

1. Korintarja 14:3

Kova, kay penell i menshenge i lab, hoy vella o Deblestar, kova rakrell yaake ap i menshende, te vell lengro patsepen zoreles, oun te venn lengre djia barhteles oun zoreles.

2. Korintarja 3:14

Kolengre djia van har bar. Ninna kava dives hayvenn i bibolde gar, hoy an o Moseskre lila činlo hi pral o phouro drom, te shounenn le kol laba an i biboldengre kangria. Kova hi yaake, har te vell i diklo ap lengre yaka čiddo, te dikenn le gar. O Yezous Kristo kokres nay lell ko diklo lengre yakendar tele.

1. Tessalonikarja 2:3

Yaake nay dikenn t'mer, kova, hoy t'menge penam, vas gar dran i čilačo dji, oun hi kek rhorhepen. Vitar gar kamam t'men goseve labentsa te taprell.

Hebrearja 13:22

Mire phrala, me mangau t'men, shounenn ap kol laba, hoy me t'menge an kava tikno liil činom!