Bičepangre 13:11 - O Debleskro Lab 2024 (Sinte-Manouche)

¹¹ Kanna dikeh tou, har o ray Yezous touke i phagi della. Tou veh korelo, oun dikeh i tsiro o kham bouder gar.” Ap yek kopo vas lauter tamlo glan leskre yaka. Oun yob djas trouyel, te nay rodell lo yekes, kay lell les pash o vast.

O Debleskro Drom 2021 (Sinte)

¹¹ Kanna dikeh tu, har o rai Jesus tuke i phagi della. Tu weh korelo, un dikeh i tsiro o kham buder gar.” Ap jek kopo was lauter tamlo glan leskre jaka. Un job djas trujel, te nai rodell lo jekes, kai lell les pash o wast.

Bičepangre 13:11 Iomraidhean Croise

1. Mose 19:11

Palle kran le, te venn kol tsele morsha korelo, kay glan o kheer tardo hi. Lauter, tikne oun bare, dikan bouder či. Yaake nashte hatsan yon bouder gar o voudar.

2. Rajengro liil 6:8

Ko baro ray pral Syria his an o kourepen i Israelentsa, oun rakras peskre pralstoune lourdentsa, hoy yon nay krenna. Oun yob penas: “Mer khatrah men oun perah lenge koy čorrhanes an o doumo.”

Hiob 19:21

Mire mala, krenn t'mare djia mange pre! Avenn mange lačes! O Debleskro vast das man!

Debleskri gili 32:4

Miro Devel, dives oun rati his tiro vast phares ap mande čiddo, oun miri djipaskri zoor djas yaake peske mandar, har o zenlepen peskri zoor nashrella an o tato niyal.

Debleskri gili 38:2

Baro Devel, ma činge ap mande an tiri rholi! Ma de man i phagi an tiri rholi!

2. Mose 9:3

palle dikeh tou, te vell o baro Debleskro vast pral tire firhende: pral tire graya, tire bourike, tire khamele, tire groumya oun tire bakre oun bouzya. Yek baro nasslepen vell ap lende.

Jesaja 29:10

O baro Devel čivas i sopaskro dourho ap t'mende. O Debleskre rakepangre hounte vans t'mare yaka, – o Devel kras len korelo, oun i dikepangre dikenn bouder či, har te vals i diklo troul lengre yaka pandlo.

Johanni 9:39

Oun o Yezous penas: “Me vom ap kay phoub, te sikrap i menshen, koon i doosh ap peste anas, oun koon kek doosh ap peste anas, yaake kay kolla, kay dikenn nay gar, dikenn nay. Oun kolla, kay dikenn nay, kolende sikrau me, kay yon či dikenna.”

Bičepangre 9:17

O Anania djas koy, vas an ko kheer, čivas i vasta ap o Sauleste oun penas: “Miro phraal Saulo, maro ray Yezous bičras man, kova, kay moukas pes ap ko drom toutar te dikell. Yob kamell, te dikess tou nay pale, oun te vess pherdo Debleskro Dourho.”

Remarja 11:25

Mire phrala, me kamau t'menge i baro čačepen te penell, hoy djinenn i menshe gar. Te djinenn t'mer kova, palle penenn t'mer gar: “Har gosevo ham mer!” T'mer hounte djinenn, hoske hi boud bibolden i dji dran bar, oun patsenn gar ap o Yezous Kristeste. Kova ačella yaake rah, bis te van kol tsele menshe dran i vavar themma ap o Yezouseskro drom, kolendar o Devel kamell, te venn le pash leste.

Hebrearja 10:31

Havi bari phagi vell pral kolende, ap lende o djido Devel rhoyedo hi!

2. Petro 2:17

Kol menshe hi har i brounna, kay hi kek pani dren. Yon hi har o bolepen, kay dell kek brishin. Ap ko dives, kay lenn yon pengri phagi, venn le an i kali rat vitsedo.

1. Samuel 5:11

Koy dan le pale i tsele rayen pral i Filistarya khetne gole oun penan: “Bičrenn o morhton o Israeleskro Deblestar pale, kay lo vas, te marell lo men oun mare menshen gar.” I bari daar his an o tselo foro, fothe phares his o Debleskro vast ap lende čiddo.

1. Samuel 5:9

Oun har yon ko morhton kote anan, vas o baro Debleskro vast phares ap o foro, oun lauter, tikne oun bare lan ko djoungelo nasslepen. Oun i bari daar tapras len.