Bičepangre 12:9 - O Debleskro Lab 2024 (Sinte-Manouche)

⁹ Oun o Petro djas leha dran o stilepen vin. Yob djinas gar, kay kova lauter čačepen hi. Yob patsas, te dell lo souni.

O Debleskro Drom 2021 (Sinte)

⁹ Un o Petro djas leha dran o stilepen win. Job djinas gar, kai kowa lauter tchatchepen hi. Job patsas, te dell lo suni.

Bičepangre 12:9 Iomraidhean Croise

1. Mose 45:26

Oun yon penan ap leste: “O Yosef djivella. Oun yob hi o ray pral o tselo them Egiptia.” Koy ačas leskro dji tardo. Oun yob patsas len gar.

1. Mose 6:22

Oun o Noah kras lauter yaake, har o Devel leske penas.

Debleskri gili 126:1

I gili te givell ap o drom an Yerusalem. Har anas men o baro Devel pale pash i berga Sion, hams mer har save, hoy souni denna.

Johanni 2:5

Leskri day penas ap i boudepangre: “Krenn kova, hoy yob t'menge penella!”

Bičepangre 10:17

O Petro hayvas gar, hoske yob kova dikas, oun poučas pestar, hoy kamas o Devel leske te penell. Koy his i morsha, kay o Kornelio pal o Simoneskro kheer bičras, glan o voudar tardo.

Bičepangre 10:3

His i dives. His trinenge. Koy dikas ko morsh i Debleskro bolepaskres, har kova pash leste dren vas. Ko bolepaskro penas ap leste: “Kornelio!”

Bičepangre 11:5

“Me homs an o foro Yoppe,” penas yob, “oun mangom o Debles an. Koy moukas o Devel man čomone te dikell. Me dikom čomone har i bari plarhta. Koya vas ap star rigya rikedo, oun vas tele dran o bolepen pash mande.

Bičepangre 12:8

Oun ko bolepaskro penas ap leste: “Čip tiri dori troul tiro ripen, oun rib tire kirrha, oun čip tiri plaashka troul toute, oun am mantsa!” Oun yob kras kova.

Bičepangre 26:19

Doleske krom kova, baro Agrippa, hoy ko rakepen dran o bolepen mange penas.

Bičepangre 9:10

An o foro Damaskus his i patslo morsh. Kova kharas Anania. Kolestar moukas pes o ray Yezous an i souni te dikell. Oun yob penas: “Anania!” Oun o Anania penas: “Ake, hom, mo ray.”

Hebrearja 11:8

Ninna o Abraham patsas, hoy o Devel penas. Har yob leske penas: Dja an ko them, hoy me dau toute oun tire čavende, koy shounas o Abraham ap leste, oun djas dran peskro them vin, oun djinas gar, kay yob djala.