Bičepangre 12:8 - O Debleskro Lab 2024 (Sinte-Manouche)

⁸ Oun ko bolepaskro penas ap leste: “Čip tiri dori troul tiro ripen, oun rib tire kirrha, oun čip tiri plaashka troul toute, oun am mantsa!” Oun yob kras kova.

O Debleskro Drom 2021 (Sinte)

⁸ Un ko bolepaskro penas ap leste: “Tchip tiri dori trul tiro ripen, un rib tire kircha, un tchip tiri plaashka trul tute, un am mantsa!” Un job kras kowa.

Bičepangre 12:8 Iomraidhean Croise

Mateo 3:11

Me čivau t'men an o pani. Kova sikrella, kay t'mer moukan t'maro čilačo drom, oun djan kanna ap o Debleskro drom. Pal mande vell yek, kova hi zorleder har me. Oun me hom gar moldo, te hidjrap leskre kirrha leske. Kova čivell o Debleskro Dourho ap t'mende. Kova hi har i yag.

Louka 12:37

Barhtele hi kol boudepangre, kay sovenn gar, te vell lengro ray pale. Me penau t'menge: O ray penell lenge, te beshenn le pen tele, te rhan le. Oun yob pandell peske i damdira trouyel, oun hi lenge koy.

Bičepangre 12:7

Ap yek kopo his an ko stilepen i zoreli momeli, oun o Debleskro bolepaskro his koy tardo, oun das o Petres an i rig, djangras les pre, oun penas: “Ste sik pre!” Oun kol sasterne shelle peran leskre vastendar tele.

Bičepangre 12:9

Oun o Petro djas leha dran o stilepen vin. Yob djinas gar, kay kova lauter čačepen hi. Yob patsas, te dell lo souni.

Bičepangre 27:23

Kay rat vas i bolepaskro pash mande. Koles bičras miro Devel, koleske boudrau.

Bičepangre 8:26

O Debleskro bolepaskro penas ap o Filipo: “Ste pre oun dja ap ko drom, kay djal dran Yerusalem tele an ko foro Gaza. Ap ko drom hi gar boud menshe.”