Bičepangre 12:4 - O Debleskro Lab 2024 (Sinte-Manouche)

⁴ Har yon les tapran, vitsran le les an o stilepen. Oun o Herodes penas, te denn star kope star lourde yak ap leste. Star lourde dan i paash dives yak ap leste. Oun pal i paash dives dan vavar star lourde yak ap leste. Oun ninna yaake djas kova ratsyakro. Pal kol divessa, kay Passa kharenna, kamas o Herodes les glan i menshende te anell, te dell lo les glan lende i phagi.

O Debleskro Drom 2021 (Sinte)

⁴ Har jon les tapran, witsran le les an o stilepen. Un o Herodes penas, te denn star kope star lurde jak ap leste. Star lurde dan i paash diwes jak ap leste. Un pal i paash diwes dan wawar star lurde jak ap leste. Un ninna jaake djas kowa ratsjakro. Pal kol diwessa, kai Passa kharenna, kamas o Herodes les glan i menshende te anell, te dell lo les glan lende i phagi.

Bičepangre 12:4 Iomraidhean Croise

Ester 3:13

Koy dren his činlo: I tsele bibolde hounte venn maredo, terne oun phoure, ninna i čave oun djouvya, te ačell kek lendar bouder djido. Oun kova te vell ap yek dives, ap o deesh-te-triinto dives an o deesh-te-douyto čon. Kova hi o čon Adar. Oun i biboldengro koova nay lell hakeno peske. Oun naashepangre van kharedo, oun lenge vas penlo, te anenn le kol lila an i tsele themma, kay o Ahasveros baro ray hi.

2. Mose 12:1

Oun o baro Devel penas ap o Mose oun ap o Aron an o them Egiptia:

Gosewe laba 19:21

Boud koova hi, hoy i morsh peske glan lell an peskro dji; kokres kova vella, hoy o baro Debles glan hi yekeha.

Gosewe laba 27:1

Ma share tout pral kova, hoy hi tout glan o vavar dives! Tou djineh gar, hoy touke ko dives anell.

Ropaskre gilja 3:37

Koon hi kova, kay penas Kova te vell oun yaake vas. Hi kova gar o Devel, kay penell, te vell čomone?

Mateo 24:9

Palle taprenn le t'men, denn t'men dava, oun marenn t'men. Oun i menshe an i tsele themma venna rhoyedo ap t'mende doleske, kay patsenn t'mer ap mande.

Mateo 26:5

“Mer taprah les gar ap o Passa,” penan le, “te venn i menshe gar divyo oun rhoyedo ap mende.”

Markus 14:1

His douy divessa glan kol bare divessa, kay kharenna Passa oun glan kol divessa, kay rhan i bibolde kek shoutlo maro. Oun kol bare rashaya oun kol biboldengre čačepangre rodan i lačo tsiro, te taprenn le o Yezouses čorrhanes, te marenn le les.

Louka 21:12

Glan ko tsiro, kay kova lauter vella, lenn yon t'men palla, oun taprenn t'men. Yon anenn t'men glan i čačepangre an i biboldengre kangria oun vitsrenn t'men an o stilepen. T'mer patsenn ap mande. Doleske anenn le t'men glan i bare rayende oun glan i pralstunende, te rakrenn yon i phagi vin pral t'mende.

Louka 22:33

Penas o Petro: “Ray, me djoms touha an o stilepen oun an o merepen.”

Johanni 19:23

Kol lourde, kay o Yezouses ap o troushel dan, lan leskre ripya, oun kran dran lende star kotya. Oun hakeno las i kotar. Ko telstouno ripen his gar khetne sido. Kova his an yek kotar.

Johanni 21:18

Čačepah, me penau touke: Har tou terno hals, pandal tou tiri dori kokres troul tiro ripen, oun djal kote, kay tou kamal. Te val tou phouro, rikreh tou tire vasta glan toute, oun i vavar pandell tire vasta khetne, oun anell tout kote, kay tou gar kameh te djal.”

Bičepangre 12:3

Har o Herodes hayvas, kay kova mishto his an i biboldengre yaka, moukas yob ninna o Petres te taprell. Kova his an ko tsiro, kay rhan i bibolde kek shoutlo maro.

Bičepangre 12:5

Har o Petro an o stilepen his, mangan i tsele patsle pengro tselo djiyeha o Debles leske ap i rati oun ap o dives.

Bičepangre 4:28

Yaake kran yon kova, hoy tou glan i rah tsiro penal, te vell kova lauter yaake.

Bičepangre 4:3

Doleske tapran le len oun čivran len i rati an o stilepen.

Bičepangre 5:18

oun tapran len, oun vitsran len an o stilepen.

Bičepangre 8:3

O Saulo kras lauter, te nay marell lo i tsele patslen. Yob djas an i khera, las len koy vin, morshen har djouvyen, oun vitsras len an o stilepen.