Bičepangre 12:2 - O Debleskro Lab 2024 (Sinte-Manouche)

² Yob maras o Yohanneskro phrales, o Yakobes, o rhareha.

O Debleskro Drom 2021 (Sinte)

² Job maras o Johanneskro phrales, o Jakobes, o chareha.

Bičepangre 12:2 Iomraidhean Croise

1. Rajengro liil 19:1

Oun o Ahab penas i Isebel halauter, hoy o Eliya kras oun har maras yob i tsele rashayen o deblestar Baal o rhareha.

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

Jeremia 26:23

Kolla tapran o Ouries oun anan les pale pash o baro rayeste Yoyakim. Kova moukas les o rhareha moulo te dell oun pash i čorvelende te paskrell.

Mateo 20:23

“Hi čačo,” penas lo, “t'mer hounte lenna boud douka ap t'mende, yaake har me hounte lap len ap mande. Ninna te hi yaake, nay penau t'menge gar, koon beshell ap miri čači rig oun ap miri servi rig. Kova hi gar an miro vast. Miro dad an o bolepen rodas kolen vin, kay ap miri rig beshenna.”

Markus 10:35

Koy djan o Yakobo oun o Yohanni, – lengro dad hi o Zebedeo, – pash o Yezouseste oun penan ap leste: “Ray, mer kamah, te kress menge kova, hoy mer toutar mangah.”

Markus 10:38

Koy penas o Yezous ap lende: “T'mer djinenn gar, hoy t'mer mangenna mandar. Nay lenn t'mer kol douka ap t'mende, hoy me hounte lap ap mande? Nay djan t'mer yaake an o merepen, har me djau?”

Markus 10:39

Penan le: “Ava, kova nay krah mer.” Penas o Yezous ap lende: “T'mer hounte lenna boud douka ap t'mende, yaake har me hounte lap len ap mande. Oun t'mer hounte djan an o merepen, yaake har me hounte djap.

Bičepangre 12:1

An ko tsiro moukas o baro ray Herodes i patslen te stilell, oun moukas len dava te dell.

Hebrearja 11:37

Vavar van i barrentsa moulo vitsedo, an kotya činlo, oun o rhareha maredo. Vavar van palla lino. Len his kek kheer oun či te rhal. Lengre koola his dran bakrengre balla oun bouzyengre balla. Oun te van le tapedo, van le dino.