Bičepangre 12:10 - O Debleskro Lab 2024 (Sinte-Manouche)

¹⁰ Douy kope djan le pash kol lourdende pashel, kay yak dan. Oun kolla dikan len gar. Oun yaake van yon pash i baro sasterno voudar. Kova his ko voudar, hoy djas an o foro. Ko voudar djas kokres pre. Yon djan vin, oun van ap o drom. Har djan le i kotar drom, his ap yek kopo ko bolepaskro gar bouder koy.

O Debleskro Drom 2021 (Sinte)

¹⁰ Dui kope djan le pash kol lurdende pashel, kai jak dan. Un kolla dikan len gar. Un jaake wan jon pash i baro sasterno wudar. Kowa his ko wudar, hoi djas an o foro. Ko wudar djas kokres pre. Jon djan win, un wan ap o drom. Har djan le i kotar drom, his ap jek kopo ko bolepaskro gar buder koi.

Bičepangre 12:10 Iomraidhean Croise

1. Mose 40:3

oun čivas len stildo an ko kheer o pralstunestar i lourdendar. An ko stilepen his ninna o Yosef.

1. Mose 42:17

Oun yob čivas len an o stilepen. Koy ačan yon triin divessa.

Jesaja 21:8

Koy das ko morsh gole, kay yak dell: Ray, me hom ap miri platsa tardo o tselo dives, oun dau yak haki rati.

4. Mose 15:34

Oun yon čivan les stildo, oun djinan gar, hoy te krenn leha.

Johanni 20:19

Har rati his ap kava dives, – kova his i kourko – his o Yezouseskre mala khetne. I daryatar kol biboldendar his lengro voudar klidedo. Ap yek kopo vas o Yezous dren, oun djas mashkral lende, oun penas ap lende: “O Debleskri barht t'mentsa!”

Johanni 20:26

Oun pal orhta divessa his o Yezouseskre mala pale khetne an ko kheer. Oun o voudar his klidedo. Kava kopo his o Thomas pash lende. Ap yek kopo his o Yezous mashkral lende tardo, oun penas: “O Debleskri barht t'mentsa!”

Bičepangre 12:4

Har yon les tapran, vitsran le les an o stilepen. Oun o Herodes penas, te denn star kope star lourde yak ap leste. Star lourde dan i paash dives yak ap leste. Oun pal i paash dives dan vavar star lourde yak ap leste. Oun ninna yaake djas kova ratsyakro. Pal kol divessa, kay Passa kharenna, kamas o Herodes les glan i menshende te anell, te dell lo les glan lende i phagi.

Bičepangre 16:26

Ap yek kopo trissas i phoub, oun ko kheer, kay o stilepen his, peras khetne. I voudya stan pre, oun ap i stilde peran i sasterne shelle tele.

Bičepangre 5:19

An i rati vas i bolepaskro o Deblestar oun kras kol voudya an o stilepen pre, oun anas len vin, oun penas ap lende:

Debleskro tsiro 3:7

“Čin kava liil ap o Debleskro boudepaskro, kay dell yak ap i patslende an o foro Filadelfia: Kava penell o Debleskro čačepaskro. Koles hi o Davideskro klidepaskro an o vast. Yob te krell o voudar pre, palle nay krell les kek pale pandlo. Yob te krell o voudar pandlo, palle nay krell les kek pre.