Bičepangre 11:30 - O Debleskro Lab 2024 (Sinte-Manouche)

³⁰ Oun yon dan o Barnabes oun o Saules kol love, te denn yon kol love kolende, kay hi i phoureder mank i patslende an o them Youdea.

O Debleskro Drom 2021 (Sinte)

³⁰ Un jon dan o Barnabes un o Saules kol lowe, te denn jon kol lowe kolende, kai hi i phureder mank i patslende an o them Judea.

Bičepangre 11:30 Iomraidhean Croise

Bičepangre 12:1

An ko tsiro moukas o baro ray Herodes i patslen te stilell, oun moukas len dava te dell.

Bičepangre 12:25

O Barnabas oun o Saulo anan kol love i patslenge an o foro Yerusalem. Palle van le pale an o foro Antiochia. Lentsa djas o Yohanni Marko.

Bičepangre 14:23

Oun an hake gaba oun forya, kay i patsle khetne van, rodas o Paulo oun o Barnabas phralen vin, te venn le phoureder mank i patslende. Oun o Paulo oun o Barnabas lan penge i tsiro, kay rhan le či o Debleske, oun mangan o Debles lauterenge, kay ap leste patslo van, te dell lo ap lende yak.

Bičepangre 15:2

Har o Paulo oun o Barnabas kova shounan, penan le kol morshenge: “Hi gar čačo, hoy t'mer i patslenge penan!” Koy his len i baro čingepen lentsa. Koy pre penan lenge i phrala, te djan yon douy i vavar phralentsa an o foro Yerusalem pash o Yezouseskre bičepangre oun pash i phoureder mank i patslende, te poučenn le lendar, hoy yon pral kova penenna.

Bičepangre 15:23

An ko liil, hoy yon peha lan, his činlo: “Kava liil činan o Yezouseskre bičepangre oun i phoureder mank i patslende. Mer ham t'mare phrala oun činah kava liil ap i patslende, kay kek bibolde hi, oun kay djivenna an kol themma Antiochia, Syria oun Cilicia.

Bičepangre 15:4

Palle vas o Paulo oun o Barnabas pash i patslende an o foro Yerusalem. Oun i phoureder oun o Yezouseskre bičepangre his ninna kote, oun lan len o djiyestar pash pende pre. Oun o Paulo oun o Barnabas penan lenge, kay o Devel lentsa his, oun har boud koova yob mashkral kolende kras, hoy kek bibolde hi.

Bičepangre 15:6

Oun i Yezouseskre bičepangre oun i phoureder mank i patslende van khetne, te rakrenn le pral ko koova.

Bičepangre 16:4

An kol forya, kay yon van, dan yon i phralen ko liil, kay dren činlo hi, hoy o Yezouseskre bičepangre oun i phoureder mank i patslende an o foro Yerusalem vin kran. Oun yon penan lenge, te rikrenn le pen ap kol laba.

Bičepangre 20:17

Har hams an o foro Milet, bičras o Paulo yek phrales an o foro Efesus, oun moukas kol phoureden mank i patslende gole te dell, te venn le pash leste.

Bičepangre 21:18

O vavar dives djas o Paulo mentsa pash o Yakobeste. Oun i tsele phoureder mank i patslende van kote.

Bičepangre 4:36

Yaake kras kova ninna o Yosef. Kova his i Levitari oun vas dran o them Ciprus. O Yezouseskre bičepangre dan les ninna Barnabas gole. Ko kharella ap lengro rakepen: O morsh, kay rakrell i menshentsa lačo, te hi lengro dji pharo.

1. Timoteo 4:14

Ma biste koy boudi, hoy o Debleskro Dourho tout das, har kol phoureder phrala touke i vasta pre čivan, oun hoy yon pral toute glan-vi penan!

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.

1. Timoteo 5:19

Ma shoun ap yekeste, kay anell i doosh ap i phoureder pre, te hi gar douy, triin patsle koy, kay penenn kova nay ninna, hoy yob kras.

Tito 1:5

Me moukom tout an o them Kreta pale, te kress tou kova, hoy me bouder gar krom, oun te rodess tou phoureden vin mashkral i patslende an hako foro, te rikrenn le i patslen ap o čačo drom. Te kreh tou kova, ma biste, hoy me touke penom!

Jakobo 5:14

Te hi yek t'mendar nasselo, kharell lo kolen, kay hi i phoureder mank i patslende, te mangenn le o Debles leske, oun te makenn le les o djeteha dren an o Yezouseskro lab.

1. Petro 5:1

Kanna rakrau ap kolende, kay hi i phoureder mank t'mende. Me hom ninna i phoureder, oun dikom mire yakentsa, har o Yezous Kristo ap o troushel meras. Oun ap ko dives, kay vell peskro tselo raylepen diklo, hom me ninna pash leste. T'menge penau zoreles:

2. Johanni 1:1

Me, i phoureder, činau ap koy rayetsa, kolat o Devel peske vin rodas, oun ap lakre čavende. Me kamau t'men o tselo djiyestar, oun gar me kokres, ninna kol vavar, kay prindjrenn o čačepen, kamenn t'men o djiyestar.

3. Johanni 1:1

Me, i phoureder mank i patslende, činau touke, lačo Gayo, kava liil. Me kamau tout o tselo djiyestar.