Bičepangre 11:21 - O Debleskro Lab 2024 (Sinte-Manouche)

²¹ Oun o rayeskri zoor his lentsa. Oun boud kolendar, kay kek bibolde hi, van patslo, oun van ap o Yezouseskro drom.

O Debleskro Drom 2021 (Sinte)

²¹ Un o rajeskri soor his lentsa. Un bud kolendar, kai kek bibolde hi, wan patslo, un wan ap o Jesuseskro drom.

Bičepangre 11:21 Iomraidhean Croise

2. Familjakro liil 30:12

Oun o Debleskro vast his pral o them Youda, te kran le yek djiyeha, hoy o baro ray oun i pralstoune lenge penan, oun hoy o baro Devel lendar kamella.

Esra 7:9

Ap o ersto dives an o ersto čon kran le pen ap o drom, oun ap o ersto dives an o pančto čon van le an o foro Yerusalem. O Debleskro kamlo vast his pral leste.

Esra 8:18

Oun maro Debleskro kamlo vast his pral mende. Oun yon anan menge i gosevo morsh dran i familya Mali, i Levitari. O Levi his i čavo o Yakobestar. Kava morsh kharas Sherebya. Oun pash leste his leskre čave oun phrala. Khetne his le 18 (deesh-te-orhta) morsha.

Nehemia 2:18

Oun me penom lenge ninna, har lačes miro Devel ap miri rig vas, oun hoy o baro ray Artaxerxes ap mande penas. Kote penan le: “Avenn, kras men ap i boudi, te čivas lauter pale pre!” Oun yon kran yek o vavareske i vasta zoreles, te krenn le koy lači boudi.

Nehemia 2:8

Oun mouk ninna i liil te činell ap o Asaf, ko pralstouno pral o rayeskre vesha, te dell lo man kasht, te nay krap voudya o zorelo khereske, hoy pash o Debleskro kheer tardo hi, oun ninna kasht, te čivap i massouri troul o foro pale pre, oun kasht ko khereske, an koleste me palle djivau.” Oun o baro ray das kova lauter. Miro Debleskro lačo vast his mantsa.

Jesaja 53:1

Koon patsals kova, hoy mer kanna shounam! Koon hi kova, ap koleste sikras o baro Devel savi zoor?

Jesaja 59:1

Dik, o baro Debleskri moussi hi lengsto doha, te nay lell lo t'men dran o čilačepen vin! Oun leskre kanda hi gar pandlo, te nay shounell lo gar.

Louka 1:66

Oun lauterenge djas kova an o dji, kay kova shounan. Oun yon penan: “Hoy vell dran kava ternepen?” Oun lauter patsan, kay o Debleskri zoor ap o čaveste čiddo hi.

Bičepangre 11:24

O Barnabas his i lačo morsh. Yob his pherdo Debleskro Dourho. Oun les his i baro patsepen. Oun boud van patslo ap o ray Yezouseste.

Bičepangre 15:19

“Doleske penau me” penas o Yakobo, “mer hounte čivas gar o biboldengro čačepen ap i patslende, kay kek bibolde hi, te krenn le lauter yaake, har i bibolde krenna.

Bičepangre 2:47

Yon sharan o Debles, oun i tsele menshe dikan lačes ap lende. Oun hako dives van vavar menshe koy pashel, hoy patslo van.

Bičepangre 4:4

Boud kolendar, kay shounan kol laba, hoy o Petro penas, van patslo. Nay his panč zerya menshe.

Bičepangre 5:14

Boud morsha oun djouvya patsan ap o Yezouseste oun van i patslentsa khetne.

Bičepangre 6:7

O Debleskro lab vas boud oun boudeder menshenge penlo, oun boud van patslo. An o foro Yerusalem van ninna boud rashaya patslo.

Bičepangre 9:35

Koy dikan le les lauter, kay an i forya Lidda oun Saron djivenna. Oun yon dan pengro djipen o Yezouseste, maro rayeste.

1. Tessalonikarja 1:5

Har vam pash t'mende, oun penam t'menge o Debleskro lačo lab, koy penam gar leskro lab kokres, na-a, koy dikan t'mer ninna o Debleskri zoor an halauter, hoy yob mashkral t'mende kras. Oun o Debleskro Dourho rakras ap t'mende, oun t'mer hayvan, leskro lab hi čačo. Ninna djinenn t'mer, har djivam maro djipen pash t'mende, oun sikram t'men o Debleskro drom.