Bičepangre 10:9 - O Debleskro Lab 2024 (Sinte-Manouche)

⁹ O vavar dives, har yon pash o foro Yoppe van, djas o Petro ap o kheer pral pre, te mangell lo o Debles an. His rhapaskro tsiro.

O Debleskro Drom 2021 (Sinte)

⁹ O wawar diwes, har jon pash o foro Joppe wan, djas o Petro ap o kheer pral pre, te mangell lo o Debles an. His chapaskro tsiro.

Bičepangre 10:9 Iomraidhean Croise

2. Samuel 11:2

His yek dives, har i rati vas, stas o David dran peskro čiben pre, oun djas pral ap peskro kheer. Koy dikas yob pral tele, oun dikas i djouvyat, kay thovell pes. Oun koy djouvel his shoukar.

Debleskri gili 55:17

Me dau ap miro Debleste gole. Oun o baro Devel lell man vin dran lengre vasta.

Jeremia 19:13

Oun kol khera an Yerusalem oun kol khera kol bare rayendar an o them Youda, kolla venn ninna pale-čiddo har koy platsa Tofet, – i tsele khera, kay yon pral pre i tsele bolepangre momelenge soungepaskro koova rhačran oun i vavar rhorhene deblenge mool vin čoran.

Jeremia 32:29

Oun kol lourde dran o them Babilonia, kay troul kava foro tardo hi, venna dren, oun rhačrenn kava foro tele kol tsele kherentsa, kay vas ap i dache soungepaskro koova rhačedo o rhorheno debleske Baal, oun mool vin čoredo kol vavar rhorhene deblenge. Doleske vas i rholi an mande.

Daniel 6:10

Yaake moukas o baro ray kava lab pre te činell oun čivas peskro lab tele.

Zefanja 1:5

Me marau lauteren, kay pral ap pengre khera i bolepangre momlia an-mangenn. Ninna kolen marau, kay vitsrenn pen tele glan mande, oun denn pen sovel ap mande, oun ap i vavar rig denn le pen sovel ap ko moulo debleste, kay kharell Milkom.

Mateo 20:5

Har o paash dives trouyel his, djas lo pale an o foro dren, hatsas vavaren, kay hi len kek boudi, oun bičras len ninna ap peskro kotar them. Ninna har trinenge his, kras yob kova yaake.

Mateo 24:17

Kova, kay pral ap o kheer hi, hounte djal bouder gar an peskro kheer dren, te lell lo peskro koova vin.

Mateo 27:45

His deesh-te-douyenge, koy vas o dives kalo har i rat an o tselo them. Oun kova ačas yaake bis trinenge.

Mateo 6:6

Tou te rakreh o Debleha, palle dja an tiri isema, klide o voudar pal toute, oun kote rake o Debleha! Oun o baro Devel, kay hi tiro dad an o bolepen, dikell tout kote. Oun yob dell o lačepen pale, hoy tou kral.

Markus 1:35

Oun taysarlake, glan o dives, stas lo pre, oun djas kote, kay lo kokres hi. Oun kote rakras lo o Debleha.

Markus 6:46

Har yob bičras len pestar, djas lo ap i berga, te rakrell lo o Debleha.

Bičepangre 10:3

His i dives. His trinenge. Koy dikas ko morsh i Debleskro bolepaskres, har kova pash leste dren vas. Ko bolepaskro penas ap leste: “Kornelio!”

Bičepangre 6:4

Mer kamah o Debles an-mangell, oun i menshenge o Debleskro lab te penell.”

Efesarja 6:18

Rakrenn hako tsiro o Debleha! Mangenn lestar kova, hoy o Debleskro Dourho an t'mare djia čivella! Ma moukenn tele te mangell les i tsele patslenge!

1. Timoteo 2:8

Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.

1. Samuel 9:25

Palle djan le pale i pralstouni platsa tele an o foro, oun kran o Sauleske i čiben pral ap o kheer.