Bičepangre 1:9 - O Debleskro Lab 2024 (Sinte-Manouche)

⁹ Har yob kova penas, vas yob glan lengre yaka an o bolepen hadedo, oun i folka las les pre.

O Debleskro Drom 2021 (Sinte)

⁹ Har job kowa penas, was job glan lengre jaka an o bolepen hadedo, un i wolka las les pre.

Bičepangre 1:9 Iomraidhean Croise

Debleskri gili 68:18

Boud zerya vourdya hi o Debles. Lentsa vas lo ap i berga Sinay, oun djal dren an peskro kheer.

2. Mose 19:9

Kote penas o baro Devel ap o Mose: “Shoun, an i pessi folka khatemen vau me pash toute. Yaake te nay shounenn i tsele Israelitarya, hoy me touke penau, yaake te patsenn le tout hako tsireske.” Oun o Mose penas o baro Debleske, hoy i Israelitarya penan.

2. Mose 34:5

O baro Devel vas an i folka tele, djas pash o Moseste oun kharas peskro lab Baro Devel.

Jesaja 19:1

Kate sikrell o Devel, hoy pral o them Egiptia vella: O baro Devel oulerell ap i sik folka oun vell pral o them Egiptia. Oun i tsele rhorhene debla an Egiptia trissenna glan leste. Oun i Egiptarenge perell o dji an i rholopya.

Daniel 7:13

Oun me dikom an kava dikepen an i rat yekes, kay vi-dikas har i mensho. Kova vas mank i volke bis pash ko phoureste, oun vas glan leste anlo.

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Louka 21:27

Oun palle dikenn i tsele menshe o Menshengro Čaves, har vell lo ap i folka bari zoryah oun raylepen.

Johanni 6:62

Hoy krans t'mer, te dikans t'mer, te djal o Mensheskro Čavo pale an o bolepen?

Bičepangre 1:11

Kolla penan: “Morshale dran o them Galilea, hoske han t'mer koy tardo, oun dikenn an o bolepen? Kava Yezous, kay djas t'mendar krik an o bolepen, kova vell yaake dran o bolepen pale, har dikan t'mer les an o bolepen te djal.”

Bičepangre 1:2

yaake rah har yob gomme gar an o bolepen djas. Glan kova, kay djas lo an o bolepen, rakras lo kolentsa, kolen yob vin rodas, te venn le leskre bičepangre, oun penas lenge an i zoor, hoy das les o Debleskro Dourho, hoy yon hounte krenna.

1. Tessalonikarja 4:17

Palle vah mer, kay ham gomme djido, lentsa khetne pre hadedo oun ap i volke pash o rayeste, o Yezouseste, an o bolepen anlo. Oun pash leste ačah hako tsiro.

1. Timoteo 3:16

Čačepah, an maro patsepen hi i baro čačepen: O Debleskro čavo vas i mensho. Hoy yob kras, hi čačo. Ko sikras men o Debleskro Dourho. I bolepangre dikan ap leste. An i tsele themma rakran le lestar. Ap i tseli phoub patsan le ap leste. An o bolepen las les o Devel pash peste.

Debleskro tsiro 1:7

Dikenn, yob vella dran o bolepen, oun hakeno dikell les, ninna kolla, kay les ap o troushel dan. Oun an hake themma rovenn le pral leste, oun penenn le: “Patsams mer ap leste!” Ava, yaake hounte vell kova. Amen.

Debleskro tsiro 11:12

Oun kol douy shounan i zorelo rakepen dran o bolepen, hoy ap lende penas: “Avenn kate pre!” Oun yon djan an o bolepen pre. Oun lauter kolla, hoy rhoyedo ap lende his, dikan kova.

Debleskro tsiro 14:4

Kolengro djipen hi djoudjo. An kek tsireske van le khetne i djouvyah. Oun yon djan o terno bakreske palla, kay yob ninna djala. Dran i menshende ap kay phoub las yob len khetne peske oun o Debleske.