Bičepangre 1:8 - O Debleskro Lab 2024 (Sinte-Manouche)

⁸ Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

O Debleskro Drom 2021 (Sinte)

⁸ Ap tumende well o Debleskro Ducho un dell tumen i bari soor. Palle rakrenn tumer mandar an o foro Jerusalem, un an o tselo them Judea, un an o them Samaria, un ap i tseli phub.”

Bičepangre 1:8 Iomraidhean Croise

Debleskri gili 22:27

Mou rhan i čorvele oun venn čalo! Oun kolla, kay ap o baro Debleste gole denna, mou sharenn les! Lenge te vell i djipen, hoy gar pre-herella!

Debleskri gili 98:3

Yob bistras gar peskro lačepen o khereske Israel, oun rikrell peskro lab, hoy das lo lende. I tseli phoub dikas, har las lo len vin dran o čilačepen.

Jesaja 42:10

Givenn o baro Debleske i nevi gili! Sharenn les ap i tseli phoub bis an i palstoune themma! Sharenn les, t'mer, kay ap o baro pani oulerenn, oun t'mer lauter, kay an o baro pani djivenn! Ninna t'mer, kay an o panyeskre themma djivenn, sharenn les!

Jesaja 49:6

Yob penas: Kova hi gar doha, te hal miro boudepaskro, te čivess o them Israel pale pre, oun aness kolen pale pash mande, kay o Yakobeskre čavendar pral ačan. Na-a, me krau ninna, te vess i momeli i tsele natsyonenge, hoy sikrell halauterenge ap i phoub, kay lau len dran o čilačepen vin.

Jesaja 52:10

Glan i yaka i menshendar an i tsele themma sikrell o baro Devel peskri zoor, kolah yob peskre menshen vin lell dran o pandepen. Ap i tseli phoub dikenn le, har maro Devel peskre menshen khere anell.

Jesaja 66:19

Oun me čivau i sikepen pre mank lende. Oun kolendar, kay djides ačan, bičrau me pash i menshende an themma Tarsis, Poul oun Loud, Meshek, Rosh, Toubal, Yavan oun pash kolende dour vergel o baro pani, kay mandar gomme či shounan, oun miro raylepen gomme gar dikan. Oun mire bičepangre penenn kol menshenge, har raylo me hom.

Jeremia 16:19

Baro Devel, tou deh man zoor oun deh garda ap mande. Pash toute nay vau me oun khatrau man an i bibarht. Dran i tsele themma ap i phoub venn i menshe pash toute, oun penenn: Kol debla mare phourendar hi lauter rhorhepen, či-moldo hi le, oun nay venn gar ap mari rig.

Micha 3:8

Man hi i bari zoor. O baro Devel čivas peskro dourho an mande. oun kras miro dji pherdi zoor, te rakrap o čačepen vin, te penap o Yakobeskre čavenge pengri doosh, ava, te sikrap i Israelenge kay le o Debleskro dromestar tele djan.

Zakarie 4:6

“Kol efta momlia hi o baro Debleskre yaka, hoy lauter dikenn, hoy ap i phoub djala.”

Mateo 24:14

Ap i tseli phoub vell i menshenge ko lačo lab penlo, kay o Devel kamell len dran o čilačepen te lell oun kamell lengro ray te vell. I menshe an hake themma hounte shounenn ko lab. Oun palle vell ko tsiro, kay hi o Devel o ray pral lauterende.

Mateo 28:19

Doleske djan pash i menshende an hake themma, oun penenn lenge mire laba, te patsenn le ap mande! Taufrenn len ap o lab o dadestar, o čavestar oun o Debleskro Dourho!

Markus 16:15

Oun yob penas ap lende: “Djan pash i tsele menshende ap i phoub oun sikrenn hakeneste miro drom!”

Louka 1:35

O bolepaskro penas ap late: “O Debleskro Dourho oun leskri zoor vell pral toute. Doleske vell o ternepen o Deblestar oun vell Debleskro čavo kharedo.

Louka 10:19

Shounenn: Me dom t'men i zoor pral o bengeskri tseli zoor. T'mer stakrenna ap i sapa oun ap i skorpione. Oun kek nay doukrell t'men.

Louka 24:29

Yon rikran les pale, oun penan ap leste: “Ač pash mende! I rati vella, oun vell tamlo.” Koy djas yob lentsa an o kheer,

Johanni 15:27

Ninna t'mer, kay hans o tselo tsiro pash mande, penenn i menshenge mandar, hoy t'mer dikan oun shounan.”

Bičepangre 1:22

ko tsirestar, kay moukas yob pes o Yohannestar te taufrell, bis ap ko dives, kay vas lo mendar an o bolepen lino. Kava morsh hounte penell mentsa khetne i menshenge, kay o Yezous i moulendar pre stas.

Bičepangre 1:5

Har o Yohanni taufras t'men, čivas lo t'men an o pani. O Devel čivell o Debleskro Dourho ap t'mende. Oun o tsiro vell sik, kay kova vella.”

Bičepangre 13:31

O Yezous moukas pes boud kope peskre malendar te dikell. Yon hi kolla, kay pash leste an o them Galilea his, oun leha khetne an o foro Yerusalem van. Kolla dikan, kay yob pale djido vas, oun penenn kova kanna i menshenge.

Bičepangre 2:32

Kava Yezouses moukas o Devel i moulendar pre te stell. Kova djinah mer. Mer halauter dikam les djido.

Bičepangre 22:15

Tou hounte rakress lestar glan i tsele menshende oun peness, hoy tou dikal oun shounal.

Bičepangre 3:15

Ko rayes, kay o djipen della, maran t'mer. Koles moukas o Devel i moulendar pre te stell. Kova djinah mer, mer dikam les.

Bičepangre 4:33

Bari zoryah penan o Yezouseskre bičepangre i menshenge, kay o Yezous i moulendar pre stas, oun i menshe hayvan o Debleskro lačepen.

Bičepangre 5:32

Kova dikam mer oun penah nay t'menge, oun o Debleskro Dourho ninna. Koles dell o Devel kolende, kay shounenn ap leste.”

Bičepangre 6:8

O Stefano his i morsh pherdo Debleskro lačepen oun Debleskri zoor. Yob kras boud baro oun zorelo koova an o Debleskri zoor mank i biboldende.

Bičepangre 8:1

His mishto an o Sauleskre yaka, te maran le les. Pal ko dives lan le i patslen zoreles palla an o foro Yerusalem. Oun i patsle nashan an o them Youdea oun an o them Samaria. I Yezouseskre bičepangre ačan an o foro Yerusalem.

Remarja 10:18

Kanna poučau t'mendar: Shounan i bibolde ko lab gar? Ava! Yon shounan kova lauter. Yaake hi činlo an o Debleskro lab: Ap i tseli phoub shounan le ko rakepen. An i tsele themma vas ko lab penlo.

Remarja 15:19

Oun yob sikras peskri zoor, har kras o Debleskro Dourho baro koova, hoy kek vavar nay krella. Yaake penom o lačo lab o Yezous Kristestar an o tselo them troul o foro Yerusalem bis an o them Illirikum.

Kolossarja 1:23

Yek koova hounte krenn t'mer: Ačenn ap o Yezouseskro drom! Patsenn zoreles ap leste! Moukenn gar tele, te dikenn ap kova, hoy t'men hi pash o Debleste! Rikrenn zoreles ap leskro lačo lab, hoy t'menge penlo vas! Ko lab vas penlo ap i tseli phoub. Ninna me, o Paulo, hounte penap ko lab i menshenge. Kova hi miri boudi.