Bičepangre 1:13 - O Debleskro Lab 2024 (Sinte-Manouche)

¹³ An o foro Yerusalem djan le an ko kheer, an koy pralstouni isema, kay yon khetne ačan: O Petro, o Yohanni, o Yakobo, o Andreas, o Filipo, oun o Thomas, o Bartolomeo, oun o Mateo, oun o Yakobo, koleskro dad o Alfeo hi, oun o Simon, kay hi kol menshendar, kay kharenna Zelotarya, oun o Youdas, o Yakobeskro čavo.

O Debleskro Drom 2021 (Sinte)

¹³ An o foro Jerusalem djan le an ko kheer, an koi pralstuni isema, kai jon khetne atchan: O Petro, o Johanni, o Jakobo, o Andreas, o Filipo, un o Thomas, o Bartolomeo, un o Mateo, un o Jakobo, koleskro dad o Alfeo hi, un o Simon, kai hi kol menshendar, kai kharenna Zelotarja, un o Judas, o Jakobeskro tchawo.

Bičepangre 1:13 Iomraidhean Croise

Mateo 9:9

Pal kova djas o Yezous doureder. Oun yob dikas i morshes pash i kheer beshdo. Kova his i biboldo, kay las i biboldendar love i Remaryenge dren. Leskro lab hi Mateo. Oun o Yezous penas ap leste: “Am, dja mantsa!” Oun yob stas pre oun djas leha.

Markus 14:15

Oun yob sikrell t'mende i bari isema pral an ko kheer. Kote hi beshepangre oun lauter hoy men hounte vell. Kote krenn menge o rhapen!”

Markus 14:33

Oun yob las o Petres peha, ninna o Yakobes oun o Yohannes. Oun i bari daar vas ap leste, oun yob trissas.

Markus 2:14

Oun har yob yaake kote djas, dikas lo i morshes, kova kharas Levi. Leskro dad hi o Alfeo. O Levi his pash ko kheer beshdo, kay las yob love i Remaryenge dren. Penell o Yezous ap leste: “Am, dja mantsa!” Oun yob stas pre, oun djas leha.

Markus 5:37

Oun o Yezous moukas kokres o Petres, oun o Yakobes, oun koleskro phrales, o Yohanni, leha te djal.

Markus 9:2

Oun pal shob divessa las o Yezous o Petres peha, ninna o Yakobes oun o Yohannes, oun anas len ap i bari berga. Kek vavar djas lentsa. Oun glan lengre yaka las lo i bolepaskro raylepen.

Louka 22:12

Oun yob sikrell t'mende i bari isema, pral an ko kheer. Kote hi beshepangre tardo. Kote krenn o rhapen!”

Johanni 11:16

Penas o Thomas, koles dan le ninna Didimo gole, ap leskre malende: “Avenn, mer djah ninna leha, te meras leha!”

Johanni 14:22

“Ray, hoske kameh tou mende te sikrell, koon tou hal, oun gar i vavar menshende?” poučas lestar o Youdas, kova, kay his gar o Youdas Iskariot.

Johanni 18:17

Koy djouvel, kay das glan o voudar garda, poučas o Petrestar: “Hal tou gar yek kol malendar ko morshestar koy?” “Na-a, me gar!” penas yob.

Johanni 21:2

O Simon Petro oun o Thomas, kova, kay dan le les Didimo gole, oun o Natanael dran o gab Kana an o them Galilea, oun kol Zebedeskre čave oun vavar douy o Yezouseskre malendar his koy khetne.

Bičepangre 12:17

I vastentsa sikras lo len, te denn le kek gole, oun penas lenge, har o ray Yezous les dran o stilepen vin las. Oun ninna penas o Petro lenge: “Penenn kova o Yakobeske, oun kol vavar phralenge!” Palle djas yob vin, oun djas peske an i vavar foro.

Bičepangre 15:13

Pal lengro rakepen stas o Yakobo pre, oun penas: “Mire phrala, shounenn, hoy kamau te penap!

Bičepangre 2:14

Koy stas o Petro oun kol vavar deesh-te-yek Yezouseskre bičepangre pre, oun o Petro das gole, oun penas ap i biboldende: “Morshale dran o them Youdea, oun t'mer tsele vavar, kay djivenn kanna an o foro Yerusalem, me kamau t'menge te penell, hoy kate lauter djala kolentsa, kay rakrenna an vavar rakepen. Shounenn, hoy t'menge penau!

Bičepangre 2:38

Koy penas o Petro ap lende: “T'mer anan doosh ap t'mende. Mangenn t'men tele glan o Debleste! Oun moukenn t'men ap o Yezous Kristeskro lab te taufrell, te lell o Devel t'mari doosh t'mendar tele, oun te lenn t'mer o Debleskro Dourho!

Bičepangre 20:8

An koy pralstouni isema, kay mer khetne hams, his boud momlia.

Bičepangre 4:13

Har yon dikan, har o Petro oun o Yohanni rakran, kay kek traash an lende his, kran le bare yaka. Oun yon hayvan, kay kolla kek bare rakepangre oun goseve morsha hi, oun djinan ninna, kay yon o Yezouseha khetne his.

Bičepangre 4:19

O Petro oun o Yohanni penan ap lende: “Penenn menge, hi kova mishto glan o Debleste, te shounas mer boudeder ap t'mende har ap o Debleste?

1. Korintarja 15:7

Pal lende dikas les ninna o Yakobo, oun palle ninna i tsele vavar bičepangre.

Galatarja 1:19

Kol vavar bičepangren, kay o Yezous Kristo glan mande pash i menshende bičras, kolendar dikom me kekes kote har o Yakobo kokres, o Yezouseskro phraal.

Galatarja 2:9

Kol pralstoune mank i patslende his o Yakobo, oun o Kefas, oun o Yohanni. Har yon hayvan, kay o Devel mange lačo hi oun man koy boudi das, dan yon man oun o Barnabas o čačo vast, te dikenn halauter, kay ham mer phrala. Mer kram vin, te djas mer pash kolende, kay kek bibolde hi, oun yon te djan pash i biboldende.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

2. Johanni 1:1

Me, i phoureder, činau ap koy rayetsa, kolat o Devel peske vin rodas, oun ap lakre čavende. Me kamau t'men o tselo djiyestar, oun gar me kokres, ninna kol vavar, kay prindjrenn o čačepen, kamenn t'men o djiyestar.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.