Bičepangre 1:12 - O Debleskro Lab 2024 (Sinte-Manouche)

¹² Palle djan yon o djeteskri berga tele oun pale an o foro Yerusalem. Koy berga his gar dour kava forestar krik.

O Debleskro Drom 2021 (Sinte)

¹² Palle djan jon o djeteskri berga tele un pale an o foro Jerusalem. Koi berga his gar dur kau forestar krik.

Bičepangre 1:12 Iomraidhean Croise

Zakarie 14:4

Yob hi tardo ap o djeteskri berga, hoy glan o foro Yerusalem čiddo hi, kote kay o kham pre djala. Oun koy berga phagell mashkral an douy kotya, foun kotar kay o kham pre djal bis kote, kay o kham tele djal. Yek kotar djal ap i servi rig, o vavar kotar ap i čači rig. Oun mank kol douy berge hi i bourhli tala.

Mateo 21:1

Ap o drom an o foro Yerusalem van le an o gab Betfage, kay pash o djeteskri berga čiddo hi. Oun kote penas o Yezous ap douyende peskre malendar:

Mateo 24:20

Mangenn o Deblestar, te hounte nashenn gar krik an o vend, vitar gar ap o Debleskro dives!

Mateo 24:3

Pale djas lo ap i djeteskri berga oun beshas pes. Leskre mala kokres his pash leste oun poučan lestar: “Ap havo tsiro vell o Debleskro baro kheer tele phagedo? Har nay dikas mer, te vas ko tsiro, kay tou pale veh, oun o Devel o ray hi pral halauter?”

Mateo 26:30

Oun palle givan le o Debleske i gili, oun djan vin pash o djeteskri berga.

Louka 19:29

Oun yob vas pash kol gaba Betfage oun Betani. Kal gaba his ap koy berga čiddo, hoy kharella djeteskri berga. Oun yob bičras douy peskre malendar glan-vi oun penas lenge:

Louka 21:37

Hako dives rakras o Yezous an o Debleskro baro kheer. I rati djas yob pash koy berga, hoy kharella djeteskri berga, oun ačas koy.

Louka 24:50

Oun yob djas pash o gab Betani peskre malentsa. Koy hadas lo peskre vasta oun penas: “O Devel ačell t'mentsa!”

Louka 24:52

Oun yon sharan les, oun djan barhteles pale an o foro Yerusalem.

Johanni 11:18

O gab Betani his gar dour o forestar Yerusalem, nay vell triin kilometarya.