Bičepangre 1:1 - O Debleskro Lab 2024 (Sinte-Manouche)

¹ Lačo Theofilo, an miro ersto liil činom touke lauter, hoy o Yezous kras, oun i menshende sikras,

O Debleskro Drom 2021 (Sinte)

¹ Latcho Theofilo, an miro ersto liil tchinom tuke lauter, hoi o Jesus kras, un i menshende sikras,

Bičepangre 1:1 Iomraidhean Croise

Mateo 11:5

I korele dikenna pale oun i bange nashenna pale. I nassele, kay lengro mass ap lende tele merell, kolla venna sasto. Kolla, kay nay shounan gar, shounenna kanna. I moule venna djido. I čorvele shounenn o Debleskro lačo lab.

Louka 1:24

Oun palle vas leskri romni Elisabet an vavar koova, oun khatras pes panč čon glan i menshengre yaka. Oun yoy penas:

Louka 1:3

Oun me ninna poučom i menshendar har kova lauter his, te djinap kova lauter mishto. Doleske kamau touke kova yaake pre te činell, har kova čačepah his.

Louka 14:22

Oun pal i tsiro vas o boudepaskro pale oun penas: Me krom, hoy tou penal. O kheer hi gar pherdo.

Louka 24:19

Oun o Yezous penas: “Hoy djas?” Oun yon penan: “Kova, hoy kran le o Yezouseha dran Nazaret. Yob his o Debleskro rakepaskro, ap koleste o Debleskri zoor his. O Devel bičras les. Kova dikas hakeno ap kova, hoy yob penas oun kras.

Louka 3:23

O Yezous nay his yaake triyanda bersha phouro, har yob i menshenge o Debleskro lab penas. I menshe patsan, kay o Yosef leskro dad hi. O Yosefeskro dad his o Eli.

Bičepangre 2:22

Morshale dran Israel, shounenn kal laba, hoy penau t'menge! O Devel bičras ko morshes, o Yezouses dran Nazaret, pash t'mende. Kova kras baro oun zorelo koova mank t'mende, hoy kek vavar nay krella. Yaake sikras o Devel, kay o Yezous lestar vas. T'mer djinenn kova, oun dikan kova lauter.