Amos 9:11 - O Debleskro Lab 2024 (Sinte-Manouche)

¹¹ O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.

O Debleskro Drom 2021 (Sinte)

¹¹ O baro Dewel penell: Ap ko diwes krau o Davideskro kheer newes, kowa hoi kanna khetne peredo hi. Kote, kai lo paash hi, krau les tseles. Kote, kai barra win phagedo hi, tchiwau len pale pre. Me krau les jaake har lo glan bud tsiro his.

Amos 9:11 Iomraidhean Croise

Hiob 1:10

Tou deh yak ap leskro kheer oun ap lauter, hoy les hi. Tou čival tiri barht ap lauter, hoy yob an-taprell. Oun leskre firhe van boud oun boudeder an o tselo them.

Debleskri gili 143:5

Mange djal kova an o shero, hoy tou lauter kral glan i rah tsiro. Pral kova, hoy tire vasta kran, rakrau miro djiyeha.

Debleskri gili 80:12

Leskre moussya djan bis pash o baro pani ap koy yek rig, oun bis pash ko zorelo lengsto pani ap koy vavar rig.

Debleskri gili 89:40

Tou phagal tiri sovel, hoy tiro boudepaskres dal. Leskri rayeskri stadi vitsral ap i phoub, an i čik.

Jesaja 16:5

Palle vell i rayeskri beshepaskri pre tardo. Oun yek o Davideskre menshendar hi koy pre beshdo, oun hi i lačo ray. Les hi i dji peskre menshenge. Oun hi i čačepaskro ray, kay krell, hoy čačo hi, oun dell hakenes peskro čačepen.

Jesaja 5:5

Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

Jesaja 58:12

Oun tire menshe čivenn pale kol phoure forya pre, hoy boud bersha paash dino koy čiddo his. Ava, yon krenn kol phoure massourya neves, kolen tire phoure menshe koy čivan glan i rah tsiro. Oun tou veh kharedo: Kova, kay phagede massourya pale pre tardo čivell, oun kova, kay i dromma kote pale tseles krell, kay i menshe djivenn.

Jesaja 63:11

Kote moukan le penge pale i phoure tsirya an o shero te djal, kol divessa, kay o Mose, djivas, oun poučan pendar: Kay hi o baro Devel, kay las peskre menshen vin dran o baro pani, khetne kolentsa, kay ap lende yak dan? Kay hi o baro Devel, kay ap lende peskro dourho čivas?

Jesaja 65:9

O Yakobestar venna pale menshe, oun dran Youda venna save, kay ap mire berge djivenna. Kolen, kay me vin rodom, lenge vell o them, oun mire boudepangre djivenn kote.

Jeremia 18:9

I vavar kopo penau me ap i menshende an i rayeskro them, kay krau len baro oun zorelo.

Jeremia 30:9

kokres pengro baro Debleske, oun pengro baro rayeske. Kova hi i čavo o Davidestar, koles me i baro rayes krau.

Jeremia 46:26

Me dau len an i vasta kolendar, kay kamenn len te marell: an o vast ko baro rayestar dran Babilonia, o Neboukadnezar, oun an o vast leske bare morshendar. Pal ko tsiro vell pale yaake har an i phoure tsirya: An o them Egiptia djivenn pale menshe. Kova penell o baro Devel.

Ropaskre gilja 5:21

An men, baro Devel, pale pash toute, te vas pale khere! Kre, te djal menge pale lačes har an o phouro tsiro!

Ezekiel 17:24

Oun i tsele rouka an o them dikenn oun hayvenn, te hom me o baro Devel. I baro roukes krau tikno, oun i tikno roukes krau baro. I zenelo roukes moukau tele te merell, oun i trouk roukes zenelo te vell. Me, o baro Devel, penau kova, oun krau kova ninna.

Ezekiel 36:11

Oun me krau, te venn i menshe oun firhe boud ap t'mende. Yon lenn boud čave. Oun me krau te nay djivenn i menshe kote yaake, har an i phoure tsirya his. Oun krau t'menge boudeder lačepen har an kek tsiro glan kova. Palle dikenn oun hayvenn t'mer, te hom me o baro Devel.

Hosea 3:5

Pal ko tsiro venn i Israelitarya palpale pash o baro Debleste, kay lengro Devel hi, oun pash lengro baro rayeste – yekeste dran o kheer David. Oun trisslepah venn le pash o baro Debleste. Oun yob vell lenge lačes an ko tsiro, hoy vella.

Obadja 1:17

Ap i berga Sion djivenn kolla, kay vin lino van dran o merepen. Oun i berga hi pale o baro Debleske kokres. O Yakobeskre čave lenn o them pale penge, hoy lenge randedo vas.

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Micha 7:11

T'mer an o foro Yerusalem, ko dives vella, kote vell t'maro foro pale pre-čiddo, oun t'maro them vell bareder har hi lo kanna.

Micha 7:14

Baro Devel, de yak ap tire menshende, har i bakrengro yak dell ap peskre bakre! Tou rodal touke tire menshen vin, te venn le tiro. Yon djivenn kokres an o veesh. Troul lende hi boud them lačo zenlepah. Mouk len pale an i themma Bashan oun Gilead te djal, te hatsenn le kote lačo zenlepen har an o phouro tsiro.

Micha 7:8

Ma san pral mande, t'mer, kay kamenn man tele te rikrell! Ninna te vom ap i phoub vitsedo, stau me pale pre. Ninna te hom an i kali rat beshdo, hi o baro Devel miri momeli.

Zakarie 12:7

O baro Devel krell, te venn glanstounes i lourde dran o them Youda i zorleder pral kolende, kay kourenn pen lentsa. Kova krell lo yaake, te sharenn pen gar o Davideskre menshe oun i vavar menshe an o foro Yerusalem, oun dikenn tele ap i menshende an o them Youda.

Zakarie 14:10

O tselo them Youda vell i bourhlo telstouno them mank o foro Geba oun o foro Rimmon, hoy hi čačes o forestar Yerusalem čiddo. O foro Yerusalem ačell pralstounes čiddo, oun djal o voudarestar Benyamin bis kote, kay o ersto voudar his, oun kotar doureder bis pash o voudar, kay i rigya khetne venna, oun foun o turmo Hananel bis kote, kay i mool dran i drake o baro rayeske kerdo vas.

Zakarie 6:12

Oun pen leske: Kova penell o baro Devel, ko ray pral o bolepen oun i phoub: Ko morsh, kay vell kharedo nevo rouk, vell baro ap peskri platsa. Oun yob krell o baro Debleske i nevo kheer.

4. Mose 24:18

O tselo them Seir lell yob peske, ko them, kay djivenn i Edomarya, kolla, kay kamenn o Israel pre te rhal. O Israel hi zorleder har yon.