Amos 8:5 - O Debleskro Lab 2024 (Sinte-Manouche)

⁵ T'mer penenn t'menge: Mou djal o Debleskro dives sik trouyel, ninna ko baro dives, hoy sikrell, kay o nevo čon vas! Palle nay krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, oun boudeder love har čačo hi, oun čivah save barra ap i vaga, te rhorhas mer i ginepangre.

O Debleskro Drom 2021 (Sinte)

⁵ Tumer penenn tumenge: Mu djal o Debleskro diwes sik trujel, ninna ko baro diwes, hoi sikrell, kai o newo tchon was! Palle nai krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, un budeder lowe har tchatcho hi, un tchiwah sawe barra ap i waga, te chochas mer i ginepangre.

Amos 8:5 Iomraidhean Croise

2. Rajengro liil 4:23

Koy penas yob: “Hoske kameh tou pash leste te djal? Kay dives hi kek nevo-čon, vitar kek Debleskro dives.” Koy penas yoy: “Mouk lauter yaake!”

2. Mose 31:13

Pen ap i tsele Israelitarya: Rikrenn o Debleskro dives t'menge! Kova sikrell t'men, kay me t'maro Devel hom, oun t'mer mire menshe han an hako tsiro. Kova hi t'menge oun t'mare čavenge oun lauterenge, kay pal t'mende venna, te dikenn t'mer, te rodom me, o baro Devel, t'men vin, te venn mire menshe.

Gosewe laba 11:1

I vaga, hoy sikrell gar čačes, har pharo čomone hi, hi i djoungelo koova glan o baro Debleskre yaka. Yob hi barhtelo pral koleste, kay playsrell pal o čačo pharepen.

Gosewe laba 16:11

I vaga, hoy o čačo pharepen sikrell, vell o baro Deblestar. Yob penas, har pharo i saster hounte vell, hoy o pharepen sikrell.

Gosewe laba 20:23

I bikepaskro, kay čivell pash yekeste sau saster ap i vaga oun pash i vavareste i vavar saster, kova krell i djoungelo koova glan o baro Debleskre yaka. I vaga, hoy i rhorheno pharepen sikrell, hi gar mishto.

Jesaja 1:13

Ma anenn bouder kek rhapen rhačepaske! Kova hi čičeske. Ma rhačrenn mange bouder kek soungepaskro koova! Man hi o nak doha. T'mer venn mange khetne ap o nevo čon, ap o Debleskro dives oun ap vavar bare divessa. Kova hi mange gar mishto, yaake rah har moukenn t'mer gar t'maro djoungelo koova.

Jesaja 58:13

Te rikreh tire herya pale, te djas gar ap i boudi ap o Debleskro dives, oun djah gar i lovenge palla ap ko dives, hoy mange hi, oun peneh: Kova hi miro shoukeder dives, kay sharau o baro Debles oun mangau les an, te shareh les tou yaake, te djas gar ap i boudi oun kek lovenge palla, oun kreh kek bare laba,

Hosea 12:7

T'mer Israelitarya, avenn pale pash t'maro Debleste! Krenn, hoy lačo oun čačo hi! Hako tsiro rikrenn t'men ap t'maro Debleste!

Hosea 12:8

O Efrayim hi har i parepaskro. An leskro vast hi i vaga, hoy o rhorheno pharepen sikrell. Yob hi barhtelo, te nay dell lo i vavaren pral o kand.

3. Mose 19:36

I vaga, hoy sikrell har pharo čomone hi, hounte sikrell kova an o čačepen. Ninna kol barra, hoy pre čivenn, hounte venn yaake pharo har čačo hi. Oun kol pirya, kolentsa t'mer palla dikenn, har boud čomone hi, kolla hounte venn yaake baro har čačo hi. Me, o baro Devel, hom t'maro Devel, kay t'men dran o them Egiptia vin anas.

Zakarie 5:6

Oun me poučom: “Hoy hi kova?” Yob penas: “Kova hi i korba, hoy kote vin vell. Kay korba hi o čilačepen o tselo themestar.”

Zakarie 5:8

Oun o bolepaskro penas: “Koya hi o čilačepen.” Oun yob das lake i ladini, te perell li pale an i korba, oun vitsras o saster pale ap i korba.

Maleachi 1:13

Oun t'mer penenn: Dikenn, havi boudi hi men koleha! Ko vell menge dran o nak vin. T'mer anenn mange firhen, kay hi čoredo, bango oun nasselo. Penap me koy pre: Kova hi shoukar, hoy t'mer mange krenn, penell o baro Devel.

4. Mose 10:10

Phourdenn ninna an i phourdepangre ap kol bare divessa, kay han t'mer barhtelo, oun ap ko dives, kay vell i nevo čon, oun kay t'mer o baro Debleske firhen anenn, save, hoy t'mer leske tseles rhačrenna oun save, hoy rhan t'mer glan leste khetne. Palle venn t'mer mange, t'maro Debleske, an o shero. Me hom t'maro baro Devel.

Kolossarja 2:16

Ma shounenn ap kolende, kay penenn t'menge: “Hi gar mishto, te rhan oun piyenn t'mer kava te kova!” Ma shounenn ap lende, te penenn le t'menge, te denn yak ap bare divessa an o čon oun an o bersh, ninna ap o dives, kay i bibolde gar boudrenna.

1. Samuel 20:5

Oun o David penas ap o Yonatan: “Tou djineh, taysar hi o dives, kay vell pale o nevo čon diklo. Koy hounte voms pash o baro rayeste ap leskri rhapaskri beshdo. Mouk man, man kate vin te khatrell bis rati ap o triinto dives!