Amos 7:9 - O Debleskro Lab 2024 (Sinte-Manouche)

⁹ I moulne platse, kay mangan o Isaakeskre menshe rhorhene deblen an, kal platse venna paash dino. Oun kol khera, kay sharan i Israelitarya o Debles, venn dino an kotya. Oun me vau miro rhareha pral o kheer Yerobeam.”

O Debleskro Drom 2021 (Sinte)

⁹ I mulne platse, kai mangan o Isaakeskre menshe chochene deblen an, kal platse wenna paash dino. Un kol khera, kai sharan i Israelitarja o Debles, wenn dino an kotja. Un me wau miro chareha pral o kheer Jerobeam.”

Amos 7:9 Iomraidhean Croise

1. Mose 46:1

Oun o Israel kras pes ap o drom mit halauter, hoy les his, oun vas an o foro Beersheba. Oun yob maras firhen oun rhačras len o Debleske peskro dadestar Isaak.

2. Rajengro liil 14:24

Oun yob kras, hoy glan o baro Debleskre yaka djoungelo his, oun moukas gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangenn le vavar deblen an.

Jesaja 63:18

I tikno tsiro tradan menshe dran vavar themma men, tire menshen, dran maro them. Kolla, kay kouran pen mentsa, stakran tiro kheer khetne, kay tou khere hals.

Jeremia 51:51

T'mer penenn: I ladj vas pral mende. Menshe dran vavar themma praasan men oun san pral mende. Vi-themarya peran an o kheer o baro Deblestar dren.

Ezekiel 6:3

Pen lenge: T'mer berge Israel, shounenn hoy o baro Devel t'menge penell! O baro Devel, maro ray, penell ap i bare oun tikne berge, ap i panya oun ap i tale, kay kran pen i menshe platse, kay le pengre rhorhene deblen an-mangenn: Shounenn, me anau o kourepen pral t'mende, oun krau kol moulne platse paash.

Hosea 10:8

Khetne dine venn i moulne platse, kay i Israelitarya i rhorhene deblen an-mangan, oun o baro Deblestar tele peran. Soubyengro zenlepen oun soubyengre bourra venn bares ap lengre altare. Oun yon penenna: T'mer bare oun tikne berge, perenn pral mende, oun čakrenn men!

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Amos 5:5

Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Amos 7:11

Yob penell: O Yerobeam vell o rhareha moulo dino. Oun i Israelitarya venn pandles krik anlo dran pengro them.”

Amos 7:13

Kate an Betel mangell o baro ray o Debles an, kate hi leskro kheer. Doleske nay rakreh tou gar pale kate an o Debleskro lab.”

Amos 8:14

Oun kolla, kay denn pen sovel pash o rhorheno devel an Samaria, oun penenn: pash ko devel, koles o kheer Dan an-mangell, oun pash o devel o forestar Beersheba, kal menshe perenn oun stenn bouder gar pre.

Amos 9:1

Me dikom o Debles, maro rayes, tardo pash i rhačepaskri an peskro kheer. Oun yob penas: De ap o pralstouno kotar kol barrendar, kay hidjrenn miro kheer! De yaake zoreles, te trissenn ninna i telstoune barra, oun o tselo kheer an kotya perella, oun mouk len te perell ap i sherya kal menshendar. Oun hoy lendar pral ačell, kamau te marell o rhareha. Kek nay nashell peske. Kek ačell djido.

Micha 1:5

Kova halauter vell dran o čilačepen, hoy o Yakobeskre čave kran. O kheer Israel djas peskro Debleskro dromestar tele. Koon anas i Israelitarya yaake dour, te moukan le pengro Debleskro drom? Kova his o foro Samaria! Koon anas o kheer Youda yaake dour, te mangan le vavar deblen an? Kova his o foro Yerusalem!