Amos 7:7 - O Debleskro Lab 2024 (Sinte-Manouche)

⁷ Oun yob moukas man pale te dikell: Yob his tardo ap i massouri, an peskro vast i dori, kay i blayo pre-pandlo hi, te dikell lo, te hi i massouri gar bango.

O Debleskro Drom 2021 (Sinte)

⁷ Un job mukas man pale te dikell: Job his tardo ap i massuri, an peskro wast i dori, kai i blaio pre-pandlo hi, te dikell lo, te hi i massuri gar bango.

Amos 7:7 Iomraidhean Croise

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

2. Samuel 8:2

Yob das ninna kol Moabarya oun penas, te čivenn le pen ap i phoub. Oun douy i trinendar kras lo moulo, oun yek i trinendar moukas lo djido. Yaake vas o Davides penepaske pral kol Moabende. Oun yon hounte dan les roup oun sonakay.

2. Rajengro liil 21:13

Oun me kamau ko emligo koova ap o foro Yerusalem te krell, har krom ap o foro Samaria. Oun dau o fores savi phagi har čivom ap o kheer Ahab. Oun kamau i menshen dran o foro Yerusalem vin thovell, yaake har čare vin thode venna, oun ap o shero čiddo venn.

Jesaja 28:17

An miro kheer djivell o čačepen, oun mire menshende dau čačepaskre laba. Zorelo brishin, kay brishineskre barra dren hi, dell palle o rhorhepen paash, ap koleste t'men rikrenn. Oun panya hidjrenn t'maro khatepen krik.

Jesaja 34:11

I ratsyakre čirkle oun i moulengre čirkle djivenn kote. Oun massengre čirkle oun korake hi kote khere. Oun o baro Devel dell o themeske peskre rigya, mashkral lende ačell o them moulo oun mouklo.

Ropaskre gilja 2:8

O baro Devel las peske zoreles glan, te phagell lo i massurya o forestar Yerusalem tele, oun tserdas i dori pral lende, te dikell lo pal, har boud tele phagedo vella, oun las peskro vast gar krik, bis kek bar ap o vavar ačas. I massurya oun turme hi ropah čiddo ap i phoub, oun len hi bouder kek zoor.

Ezekiel 40:3

Oun yob anas man kote, oun dikom i morshes. Kova dikas vin har vals lo dran saster. An leskro vast his i layntikri dori oun i kasht, koleha yek tele ginell, har bares čomone hi. Oun yob his mashkral an o baro voudar tardo.

Amos 7:6

Koy khaytas ninna kova o baro Debles. Oun o baro Devel, maro ray, penas: “Kova te vell gar yaake!”

Amos 7:8

Oun o baro Devel poučas mandar: “Hoy dikeh, Amos?” Me penom: “I dori, kay i blayo pre-pandlo hi.” Koy penas lo: “Dik, me čivau i dori, kay i blayo pre-pandlo hi, mank mire menshende Israel, te sikrap, kay hi le har i bangi massouri. Yon khaytenn man kanna bouder gar.

Zakarie 4:10

Yob penas: “Kolla hi kol douy vi-rodede morsha, kolen o ray pral i tseli phoub o djeteha dren makas, te krenn le leskri boudi.”

Debleskro tsiro 11:1

Oun yek das man i kasht an o vast, oun penas ap mande: “Čip kova ap o tselo Debleskro baro kheer, oun dik palla, har baro kova hi. Dik ninna palla, har baro o Debleskri rhačepaskri hi. Oun dik, kitse menshe kote o Debles sharenna!

Debleskro tsiro 21:15

Oun ko bolepaskro, kay mantsa rakras, koles his i sonakaskro kasht an leskro vast, te ginell lo tele, har baro o foro hi, oun har baro lengre voudya hi, oun har baro koy massouri hi, hoy djal troul o foro.