Amos 7:2 - O Debleskro Lab 2024 (Sinte-Manouche)

² An miro dikepen dikom, har kaman i stepangre o tselo zenlepen te rhal an o them. Koy penom: “Baro Devel, maro ray, ma dik ap mari doosh! Har nay vell o Yakobeskro kheer pale ap i herya, kay yaake tikno hi.”

O Debleskro Drom 2021 (Sinte)

² An miro dikepen dikom, har kaman i stepangre o tselo senlepen te chal an o them. Koi penom: “Baro Dewel, maro rai, ma dik ap mari doosh! Har nai well o Jakobeskro kheer pale ap i herja, kai jaake tikno hi.”

Amos 7:2 Iomraidhean Croise

Debleskri gili 12:1

I gili o Davidestar te givess lat pash o bashepen ap i orhta-doryengri bashepaskri.

2. Mose 10:15

oun čakran i phoub, yaake te vas o tselo them kales. Oun yon rhan o tselo zenlepen oun lauter, hoy ap i rouka baro vas, hoy pral ačas, har o barrengro brishin ap o them peras. Kek zenlepen ačas pral ap i rouka oun ap i harhetikri phoub an o tselo them Egiptia.

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

Jesaja 37:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Jesaja 51:19

Kal douy koova van ap toute: Tiro them vas paash dino oun tire forya tele-phagedo. Boud tire menshendar meran i bokatar oun an o kourepen. Oun kek hi koy, te rovell lo touha, te penell lo touke lače laba.

Jeremia 14:7

Baro Devel, mari doosh hi glan mare yaka tardo. Boud kope djam toutar krik, oun shounam gar ap toute. Ab pale ap mari rig, te dikell hakeno, har kamlo hal!

Jeremia 42:2

oun penan ap o Debleskro rakepaskro, o Yeremia: Mouk maro mangepen glan toute te vell, oun mange tiro baro Deblestar kal tsele menshenge, kay pral ačan! Glan i tsiro hams boud, kanna ačan gar boud pral mendar, har tou nay tire yakentsa dikeh.

Ezekiel 11:13

Oun har rakrom kal laba vin, hoy o Devel man das, meras o Pelatya, koleskro dad o Benaya his. Oun me moukom man ap i phoub te perell, oun dom bari gole: Baro Devel, miro ray! Kameh tou halauteren moulo te dell, kay i Israelendar pral ačan?

Ezekiel 9:8

Oun har le kova kran, ačom me kokres ap i platsa glan o Debleskro kheer pale. Oun moukom man ap i phoub te perell, oun dom pre gole oun penom: Baro Devel, miro ray! Hal tou yaake rhoyedo pral Yerusalem, te moukess halauteren moulo te dell, kay i Israelendar pral ačan?

Daniel 9:19

Ah ray, shoun! Ah ray, le mari doosh krik! Ah ray, shoun oun kre čomone! Kre les sik! Gar menge, touke kre les, miro Devel! Tiro foro oun tire menshe venn pal tiro lab kharedo.

Joel 2:17

Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

Amos 4:9

Me bičrom i tato phourdepen oun i nasslepen ap t'maro djob, yaake te meras o djob tele. Ninna rhan i stepangre lauter, hoy bares vas an t'mari baar oun an t'maro drakengro them, ap t'mare faygetikre rouka oun djeteskre rouka. Ninna palle van t'mer gar pale pash mande, penell o baro Devel.

Amos 7:5

Koy penom: “Baro Devel, maro ray, mouk tele! Har nay vell o Yakobeskro kheer pale ap i herya, kay yaake tikno hi.”

Zakarie 4:10

Yob penas: “Kolla hi kol douy vi-rodede morsha, kolen o ray pral i tseli phoub o djeteha dren makas, te krenn le leskri boudi.”

Debleskro tsiro 9:4

Oun lenge vas penlo, te doukrenn le gar o zenlepen ap i phoub, vitar gar i rouka. Yon hounte doukrenn kol menshen kokres, kay kek Debleskro sikepen glan ap lengre shere hi.