Amos 7:13 - O Debleskro Lab 2024 (Sinte-Manouche)

¹³ Kate an Betel mangell o baro ray o Debles an, kate hi leskro kheer. Doleske nay rakreh tou gar pale kate an o Debleskro lab.”

O Debleskro Drom 2021 (Sinte)

¹³ Kate an Betel mangell o baro rai o Debles an, kate hi leskro kheer. Doleske nai rakreh tu gar pale kate an o Debleskro lab.”

Amos 7:13 Iomraidhean Croise

1. Rajengro liil 12:29

Oun koy yek figura anas lo an o foro Betel oun koy vavar an o foro Dan.

1. Rajengro liil 12:32

Oun yob čivas i baro dives dren an o orhtato čon, ap o deesh-te-pančto dives, te vals ko dives har kol bare divessa an o them Youda. Oun ap i rhačepaskri rhačras lo firhen. Kova kras lo an Betel, kote rhačras lo firhen kol terne groumyenge dran sonakay, hoy lo kras. Oun kote an Betel čivas lo rashayen an pengri boudi dren, te his le rashaya ap kol moulne platse, hoy lo kras, kay mangenn le i moule deblen an.

1. Rajengro liil 13:1

Koy vas i Debleskro morsh dran Youda, koles bičras o baro Devel an Betel. Yob vas koy, har his o Yerobeam pash koy rhačepaskri tardo oun rhačras soungepaskro koova.

2. Rajengro liil 14:24

Oun yob kras, hoy glan o baro Debleskre yaka djoungelo his, oun moukas gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangenn le vavar deblen an.

Jesaja 30:10

Ap i dikepangre penenn le: “Ma dikenn i dikepen.” Oun ap o Debleskre rakepangre penenn le: “Ma penenn menge, hoy o Devel t'mende sikras oun hoy čačo hi! Penenn menge kova, hoy pes menge shoukar an-shounell! Oun sikrenn men sau koova, har mari djia les kamenn.

Jeremia 26:9

Hoske peneh tou glan-vi an o baro Debleskro lab: Kava khereske djal har koleske an Shilo? Hoske peneh, kay kava foro vell yaake paash dino, te djivell bouder kek koy dren?” Oun i tsele menshe van troul leste an o baro Debleskro kheer.

Amos 2:12

Oun hoy krenn t'mer: T'mer denn kolen mool te piyell, kay mange koy hi! Oun ap mire rakepangre penenn t'mer: Ma rakrenn an o Debleskro lab!

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Amos 5:5

Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Amos 7:16

Kanna shoun tou o Debleskro lab! Tou kamal gar, te penap me i Israelenge kol laba, hoy o baro Devel pral lende penas. Tou kamal gar te rakrap pral o kheer Isaak.

Amos 7:9

I moulne platse, kay mangan o Isaakeskre menshe rhorhene deblen an, kal platse venna paash dino. Oun kol khera, kay sharan i Israelitarya o Debles, venn dino an kotya. Oun me vau miro rhareha pral o kheer Yerobeam.”

Bičepangre 5:28

“Mer dam t'men zoreles trad, te rakrenn t'mer či bouder o Yezousestar. Oun kanna vell lestar rakedo an o tselo foro Yerusalem. Oun t'mer penenn, kay mer maram les. Kamenn t'mer, te vell leskro rat pral mende?”

Bičepangre 5:40

Palle dan yon o Yezouseskre bičepangren gole, dan len dava i čoupniyah, oun dan len trad, te rakrenn le bouder gar o Yezousestar. Oun palle moukan le len te djal.