Amos 6:6 - O Debleskro Lab 2024 (Sinte-Manouche)

⁶ Mool piyenn t'mer dran khore, oun makenn t'men dren o feteder djeteha. Oun t'men hi gar ropaske pral o kheer Yosef, hoy paash dino vell.

O Debleskro Drom 2021 (Sinte)

⁶ Mool pijenn tumer dran khore, un makenn tumen dren o feteder djeteha. Un tumen hi gar ropaske pral o kheer Josef, hoi paash dino well.

Amos 6:6 Iomraidhean Croise

1. Mose 49:22

O Yosef hi har i terno rouk pash o pani, hoy hidjrell boud roukengre. Leskre kashta venn baro oun djan pral i pre-čidde barra, kay lo tardo hi.

2. Rajengro liil 15:29

An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

Ester 3:15

Oun kol naashepangre djan sik vin, yaake har o baro ray penas. Oun an o zorelo kheer an o foro Susa vas ko liil kote ap i kasht dino, kay nay dikell les hakeno. Oun o baro ray oun o Haman beshan pen tele, te rhan oun piyenn le. O tselo fores Susa tapras i daar.

Jesaja 28:1

Djungeles djal touke, tou foro Samaria! Tou hal čiddo ap i berga, hoy hi tardo pral o bravelo them. Oun hal har i rayeskri stadi. I menshe dran o them Efrayim, kay i molyatar mate hi, sharenn pen touha. Tiro shoukapen hi har i bloume, hoy merell tele.

Jesaja 5:12

Yon moukenn penge mishto te djal oun krenn bashepen ap doryengre bashepangre oun phourdepangre oun vavar bashepangre. Oun mool hi ninna pashel. Ap kova, hoy o baro Devel krell, dikenn le gar. Kolestar kamenn le či te djinell.

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Ezekiel 9:4

oun penas ap leste: An o foro Yerusalem hi gomme menshe, kolengro dji rovell oun dell gole pral kava boud djoungelo koova, hoy kate kerdo vell. Dja an o tselo foro trouyel, oun kre i sikepen glan ap kolengre sherya.

Hosea 3:1

Oun o baro Devel penas pale ap mande: “Dja, oun sike i djouvyake har kameh lat, savi djouvyake, kay nashell vavar morshenge palla, ninna te kamell lat lakro pirno. Yaake sikrau me, o baro Devel, i Israelitaryen, te kamau len, ninna te nashenn le vavar deblenge palla oun kamenn kol drakengre merklia, hoy le lenge anenn.”

Amos 2:8

Ap hake platse, kay o Devel sharedo vell, sovenn le ap koola, hoy lan le i čorvelenge krik, kay siyaan pash lende hi. Oun an o kheer lengro Deblestar piyenn le mool, hoy lan le kolendar, kay siyaan pash lende hi.

Amos 4:1

Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Johanni 12:3

Oun i Maria las i toushni, kay boud lačo oun kouč djet dren hi, oun čoras kova pral o Yezouseskre pire. Peskre ballentsa khossas yoy leskre pire. Oun an o tselo kheer his o lačo soungepen o djetestar.

Remarja 12:15

Avenn barhteles kolentsa, kay barhtelo hi! Rovenn kolentsa, kay rovenna!

1. Korintarja 12:26

Te doukell yek kotar, palle doukenn kol tsele vavar ninna. Oun te vell yek kotar sharedo, hi kol tsele kotya barhtele.

1. Timoteo 5:23

Tou te piyeh pani, palle čore ninna mool dren! Kova hi mishto tiro pereske. Tou hal yaake boud nasselo.