Amos 6:3 - O Debleskro Lab 2024 (Sinte-Manouche)

³ T'mer patsenn, kay hi o čilačo dives dour krik t'mendar. Djinenn: Kova, hoy krenn, moukell ko dives sikeder te vell, kay čilače raya pral t'mende venn.

O Debleskro Drom 2021 (Sinte)

³ Tumer patsenn, kai hi o tchilatcho diwes dur krik tumendar. Djinenn: Kowa, hoi krenn, mukell ko diwes sikeder te well, kai tchilatche raja pral tumende wenn.

Amos 6:3 Iomraidhean Croise

Debleskri gili 94:20

Tou čival tout gar khetne kolentsa, kay čačepangre morsha hounte vans, oun yon djan gar pal o čačepen, oun penenn ap o rhorhepen: “Kova hi o čačepen.”

Sikepaskro 8:11

Ko mensho, kay kras čilačo koova, lell gar sik pal kova peskri phagi. Doleske rikrenn pen i menshe gar pale, te krenn le pengro djoungelo koova doureder.

Jesaja 47:7

Oun tou penal: Me ačau rayetsa hako tsiro. Oun moukal gar an tiro dji te djal, te nay perals kava koova ap toute pale. Har kova vin djals, his touke či moldo.

Jesaja 56:12

Yon denn gole: Avenn kay, me kamau mool te anell, te piyas men mates! Oun taysar krah har kava dives, oun gomme shoukeder!

Ropaskre gilja 4:5

Kolla, kay boud lačo rhapen rhayan, merenn kanna i bokatar vin ap i dromma. Kolla, kay ap kouč pernitse hidjedo van, hi kanna an i khandli čik čiddo.

Ezekiel 12:22

Tou mensho, pen mange, havo rakepen hi kova, hoy t'mer rakrenn an o them Israel? T'mer penenn: O tsiro djal trouyel oun či vell kolestar, hoy o Debleskre rakepangre penan.

Ezekiel 12:27

Tou, mensho, shoun, hoy penell o kheer Israel pral toute: “Ko dikepen, hoy kova dikell, kova vell gar sik. Oun kova, hoy lo glan-vi penell, hi i tsireske, hoy gomme dour krik hi.”

Ezekiel 23:42

Oun troul t'mende dan le gole i barhtyatar pral kol boud morshende, kay van dran o moulo them. Oun kolla čivan t'menge goustria troul t'mare moussya, oun rayengre stadja ap t'mare sherya.

Amos 3:10

Yon dikenn gar ap o čačepen, penell o baro Devel. Yon lenn penge bravlepen khetne an pengre khera, hoy čoran le oun lan le zoryah i vavarendar krik.

Amos 3:9

Denn vin gole an i shoukar khera an o foro Ashdod oun an o them Egiptia: Avenn khetne ap i berge troul o foro Samaria, oun dikenn, har divyo oun čilačo i menshe kote hi, oun har yek o vavares zoryah tele rikrell.

Amos 5:12

Me djinau ko boud čilačo koova, hoy kran t'mer. Oun dikau, har baro t'mari doosh hi. T'mer rikrenn t'men gar pale, lače menshen palla te lell, oun moukenn t'men te ginell. Kek čačepen denn t'mer i čorvelen.

Amos 5:18

Djungeles djal kolenge, kay penenn: O baro Debleskro dives te vell sik! Hoy patsenn t'mer, hoy palle vell? Ko dives anell t'menge kali rat oun kek momeli!

Amos 6:12

Nashenn i graya ap i bare barra? Na-a! Nashte boudrenn i harhe koy pre i groumyentsa? Na-a! T'mer rissrenn o čačepaskre laba yaake, te venn le har čomone, hoy marell, oun o čačo drom yaake, te hi lo har i shoutlo pipen!

Amos 9:10

I tsele čilače mire menshendar hounte merenn an o kourepen, lauter kolla, kay penenn: Koy bibarht ačell dour mendar oun taprell men gar.

Micha 6:12

I bravele an o foro lenn i čorvelen vin, oun rikrenn len tele. Oun t'mer halauter an o foro han rhorhene oun rakrenn rhorhepen.

Mateo 24:48

Yob te hi i čilačo boudepaskro oun penell ap peste: Miro ray vell gar yaake sik pale,

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

2. Petro 3:4

oun penenn ap t'mende: “Kay hi t'maro Yezous? Yob penas, kay yob pale vella. Mare phoure meran, oun lauter ačas yaake har his, har i phoub kerdo vas.”

Debleskro tsiro 18:17

An yek tikno tsiro djas lengro tselo baro bravlepen paash oun nashedo!” Dour glan o foro his ninna kolla tardo, kay ap o baro pani hi: I pralstoune ap i shiffe, kolla, kay kol shiffe oulerenna, oun kolla, kay ap kol shiffe boudrenna, oun hakeno, koleskri boudi ap o baro pani hi.