Amos 5:6 - O Debleskro Lab 2024 (Sinte-Manouche)

⁶ Te kamenn djido te ačell, palle rodenn o baro Debles. Te krenn kova gar, t'mer dran o kheer Yosef, vell yob pral Betel har i bari yag, hoy kek nay vin krella.

O Debleskro Drom 2021 (Sinte)

⁶ Te kamenn djido te atchell, palle rodenn o baro Debles. Te krenn kowa gar, tumer dran o kheer Josef, well job pral Betel har i bari jag, hoi kek nai win krella.

Amos 5:6 Iomraidhean Croise

2. Samuel 19:20

oun penas ap o baro rayeste: “Mo ray, ma dik ap koy doosh, hoy me, tiro boudepaskro, ap mande anom. Oun biste, hoy ap toute krom, ap ko dives, kay tou, mo baro ray, dran o foro Yerusalem djal. Mangau tout, miro baro ray, rike kova gar an tiro dji!

1. Rajengro liil 11:28

O Yerobeam his i terno zorelo morsh. Har o Salomo les dikas, kay yob i lačo boudi kras, čivas lo les pral i tsele boudepangre dran o kheer Yosef.

2. Familjakro liil 34:25

I menshe an Yerusalem moukan man oun anan vavar deblenge soungepaskro koova. Halautereha, hoy le pengre vastentsa kran, rhoyran le man. Doleske vell miri rholi har i yag ap kava foro, oun kek nay krell les vin.

Debleskri gili 27:8

Tire laba van mange an o shero, hoy tou penal: “Avenn pash mande!” Doleske vau pash toute.

Debleskri gili 69:33

Te dikenn kova kolla, kay tele rikedo hi, venn le barhtelo. Oun kolenge, kay o Debles rodenna, djivell lengro dji pale pre.

2. Mose 22:6

Te dell i morsh i vavares love, ninna kouč koova, te dell lo yak koy pre, oun ko koova vell dran leskro kheer čoredo, oun ko čorepaskro vell hatslo, palle dell kova douy kope yaake boud pale.

Jesaja 1:31

Oun ko morsh, hoy zorelo his har i rouk, vell har moulo kasht. Oun ko zorelo koova, hoy lo kras, vell har i yag, hoy ko moulo kasht pre rhačell. Yaake djal lauter an i yag pre, oun kek nay krell koy yag vin.

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jesaja 55:6

Rodenn o baro Debles yaake rah yob moukell pes te hatsell! Denn les an-gole yaake rah yob gar dour hi!

Jeremia 38:20

O Yeremia penas: Yon denn tout gar an lengro vast. Shoun ap o baro Debleskro rakepen, hoy me touke penau, palle djal touke mishto, oun tou ačeh djido.

Jeremia 4:4

Rikrenn t'men ap i laba, hoy t'mentsa vin krom! Oun krenn t'mare djia mange pre, t'mer menshe an Youda oun Yerusalem. Te krenn kova gar, vell miri rholi pral t'mende har yag, oun rhačella yaake, te nay krell kek koy yag vin.

Jeremia 7:20

Doleske penell o baro Devel, maro ray: Miri bari rholi vell pral kava foro, pral i menshende oun pral i firhende, pral kol rouka an o veesh oun pral ko djob an kava them. Miri rholi hi har i yag, hoy kek nay krell vin.

Ezekiel 21:3

Pen leske: Kava penell o baro Devel, maro ray: Shoun, hoy touke penau! Me krau i yag an toute, koya rhačrell hako rouk, hoy zenelo hi oun koles, hoy trouk hi. Kek nay krell koy yag vin. Koya djal doureder an o tselo them, yek rigyatar ap i vavar. Oun o tatepen rhačrell hakeneske peskro mouy.

Ezekiel 33:11

Pen ap lende: O baro Devel, maro ray penell: Me dau man sovel pash miro djipen: Mange hi gar shoukar, te merell o čilačo mensho. Na-a me kamaus, te djal lo peskro čilačo dromestar tele, oun djivell lo! Doleske, djan tele t'mare čilače dromendar! Hoske kamenn t'mer te merell, t'mer dran o kheer Israel?

Ezekiel 37:19

Palle pen ap lende: Kava penell o baro Devel, maro ray: Dik, me lau o kasht, hoy sikrell o kheer Israel – ko kasht hi an o Efrayimeskro vast – oun čivau les pashel pash o kasht, hoy sikrell o kheer Youda, oun krau lendar, te venn le yek kasht, koles rikrau an miro vast.

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Amos 5:14

Rodenn kova, hoy lačo hi! Oun hoy čilačo hi, ma krenn! Yaake ačenn djido. Oun o baro Devel, ko ray pral o bolepen oun i phoub, ačell t'mentsa, yaake har t'mer penenn.

Amos 5:4

O baro Devel penell ap o kheer Israel: Rodenn man, palle djivenn!

Amos 6:6

Mool piyenn t'mer dran khore, oun makenn t'men dren o feteder djeteha. Oun t'men hi gar ropaske pral o kheer Yosef, hoy paash dino vell.

Zefanja 2:3

T'mer vavar, kay kran t'men gar bares oun rikrenn o Debleskro čačepen, t'menge penau: Rodenn o baro Debles! Krenn, hoy glan leste čačo hi! Rikrenn t'men gar baro! Nay vell, te rikrell lo peskro vast pral t'mende, ap ko dives, kay leskri rholi pral i menshende vell.

Zakarie 10:6

Oun me krau o kheer Youda zoreles, oun vau ap i rig kolenge dran o kheer Yosef. Man hi i baro dji lenge, oun moukau len pale te djal an pengro them. Te venn le yaake har yon his, har krom len gomme gar pale-čiddo. Me, o baro Devel, hom lengro Devel oun shounau lengro mangepen.

5. Mose 32:22

Miri rholi rhačell pre har i yag, oun rhačrell i tseli phoub, oun halauter, hoy ap late bares vas, oun rhačell tele bis an o telstunepen, oun vell bis tele pash i berge.

5. Mose 4:24

Yob hi i zoreli yag, hoy halauter pre rhačrell, oun kamell, te kamenn t'mer les kokres.

Josua 18:5

Oun yon krenn efta kotya dran ko them, te lell hako kheer yek kotar. Oun o kheer Youda ačell ap peskro kotar them, hoy ap koy rig hi, kay o kham pralstounes tardo hi. Oun o kheer Yosef ačell ap peskro kotar them, kote, kay norden hi.