Amos 5:18 - O Debleskro Lab 2024 (Sinte-Manouche)

¹⁸ Djungeles djal kolenge, kay penenn: O baro Debleskro dives te vell sik! Hoy patsenn t'mer, hoy palle vell? Ko dives anell t'menge kali rat oun kek momeli!

O Debleskro Drom 2021 (Sinte)

¹⁸ Djungeles djal kolenge, kai penenn: O baro Debleskro diwes te well sik! Hoi patsenn tumer, hoi palle well? Ko diwes anell tumenge kali rat un kek momeli!

Amos 5:18 Iomraidhean Croise

Jesaja 13:6

Rovenn, o dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral t'mende.

Jesaja 24:18

Kova, kay nashell nay peske glan i trashakri gole, perell an i grouba. Oun kova, kay tserdell pes pral dran i grouba, vell an i netsa tapedo. O bolepen krell pes pre oun dell baro brishin oun o telstunepen, hoy i phoub hidjrell, trissella.

Jesaja 5:19

oun penenn: Mou vell kova sik, hoy o baro Devel kamell te krell, te dikas kova! Mou vell čačo, hoy o Israeleskro lačo Devel peske glan las, te prindjras kova!

Jesaja 5:30

Oun an ko tsiro vell pral lende i bari gole, savi gole har o baro pani krell. Oun te dikell yek palle tele ap i phoub, dikell lo kalepen oun bare douka. Oun pesse volke krenn, te vell o dives tamlo.

Jesaja 58:2

Yon venn hako dives, har te rodans le man, oun penenn, te kamans le mire dromma te djinell, har te vans le menshe, kay o čačepen krenn, oun pengro Debles gar moukan. Oun yon kamenn, te krap me o čačepen lenge vin, oun te vap pash lende.

Jesaja 8:22

oun tel pende ap i phoub, oun hatsenn či har daar oun tamlepen, ava bari daar oun kali rat, kay hi le dren tradedo.

Jesaja 9:19

Oun lengri bok hi yaake baro, te taprenn le pal rhapen ap hake rigya, oun rhan hako tikno kotar, oun venn gar čalo. Hakeno krell o djipen o vavarestar paash.

Jeremia 13:16

Hadenn t'maro baro Debles, yaake rah har o dives hi, oun t'men t'mare pire gar an o tamlepen ap i berge doukrenna. Ninna te lourenn t'mer ap koy momeli, anell o baro Devel tamlepen oun kali rat pral t'mende.

Jeremia 17:15

Yon penenn ap mande: Kay ačell kova, kolestar o baro Devel rakras? Mou vell kova pral mende!

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Ezekiel 12:22

Tou mensho, pen mange, havo rakepen hi kova, hoy t'mer rakrenn an o them Israel? T'mer penenn: O tsiro djal trouyel oun či vell kolestar, hoy o Debleskre rakepangre penan.

Ezekiel 12:27

Tou, mensho, shoun, hoy penell o kheer Israel pral toute: “Ko dikepen, hoy kova dikell, kova vell gar sik. Oun kova, hoy lo glan-vi penell, hi i tsireske, hoy gomme dour krik hi.”

Joel 1:15

Havo bibarhtelo tsiro! O dives, kay o baro Debleskri rholi vell, hi bouder gar dour. Ap ko dives anell o zorelo Devel bari bibarht pral mende.

Joel 2:10

I phoub oun o bolepen trissenna glan lende, o kham oun o čon venn kalo, oun i bolepangre momlia rhačenn bouder gar.

Joel 2:11

O baro Devel dell bari gole glan peskre kourepangre, te penell lo len, hoy te krenn le. Boud boud hi le oun len hi bari zoor, oun krenn, hoy lo lenge penell. Ava, o dives o baro Deblestar hi baro oun pherdi traash. Koon nay rikrell les vin?

Obadja 1:15

O dives vell sik, kay vell miri rholi pral i tsele themma ap kay phoub, penell o baro Devel. Yaake har tou kral, yaake vell touke kerdo. Kova hoy tou kral, vell ap tiro shero pale.

5. Mose 32:24

I bokatar merenn le, oun o fibro rhal len pre. Pharo nasslepen marell len. Me bičrau divye firhe oun čilače sapa mank lende, kay dandrenn len moulo.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

2. Petro 3:4

oun penenn ap t'mende: “Kay hi t'maro Yezous? Yob penas, kay yob pale vella. Mare phoure meran, oun lauter ačas yaake har his, har i phoub kerdo vas.”