Amos 5:12 - O Debleskro Lab 2024 (Sinte-Manouche)

¹² Me djinau ko boud čilačo koova, hoy kran t'mer. Oun dikau, har baro t'mari doosh hi. T'mer rikrenn t'men gar pale, lače menshen palla te lell, oun moukenn t'men te ginell. Kek čačepen denn t'mer i čorvelen.

O Debleskro Drom 2021 (Sinte)

¹² Me djinau ko bud tchilatcho koowa, hoi kran tumer. Un dikau, har baro tumari doosh hi. Tumer rikrenn tumen gar pale, latche menshen palla te lell, un mukenn tumen te ginell. Kek tchatchepen denn tumer i tchorwelen.

Amos 5:12 Iomraidhean Croise

Hiob 20:19

I čorvelen rikras lo tele, oun vas lenge gar ap i rig. Yob tradas menshen dran pengre khera, te lell lo peske kol khera, hoy yob gar kras.

Hiob 31:21

An kek tsiro hadom me miro vast pre ap i čaveste, koles kek dad bouder hi, ninna te djinom, te hi halauter ap miri rig, kay his an o foreskro voudar beshdo.

Debleskri gili 127:5

Barhtelo hi kova, koles boud kolendar pash peste hi. Te vell i doosh ap leste anlo, venn le leske ap i rig, te lell lo peskro čačepen.

2. Mose 23:3

Pen o čačepen, ninna te hi kova i čorvelo, kay rhorhras.

2. Mose 23:6

Te hal tou i čačepaskro, hounte dess tou koles peskro čačepen, koon an o čačepen hi, ninna te hi lo čorvelo.

Gosewe laba 17:8

Kova, kay vavaren čorrhanes love dell, te krenn le, hoy yob kamell, an koleskre yaka hi peskre love har dourkepangre barra, hoy anenn leske barht an hako koova.

Gosewe laba 22:22

Ma rande o čorveles vin, doleske kay lo čorvelo hi! Te hal leha glan i čačepangre, ma le leskro čačepen krik.

Jesaja 1:23

Tire pralstoune hadan pen pral mande oun djan khetne i čorepangre. Oun hakeno lendar moukell pes te ginell. Oun kol čave, kolen kek day oun kek dad hi, kolenge krenn le kek čačepen vin. Oun ko koova kol djouvyendar, kolengro rom meras, moukenn le gar glan pende te vell.

Jesaja 10:2

An i čorvelengro koova rakrenn le kek čačepen vin. Oun kolenge, kay gar an-dikle hi mank mire menshende, lenn le kova krik, hoy lenge pal o čačepen hi. Yon lenn kova krik, hoy i djouvyen hi, kolengre romma meran, oun čorenn i čaven vin, kolen kek dad bouder hi.

Jesaja 29:21

kolla, kay rhorhepah doosh ap i vavarende anan, oun rhorhenn i čačepangre morshen, oun anenn len pengre rhorhene labentsa yaake dour, te denn le kek čačepen koleste, kay kek doosh ap leste hi.

Jesaja 33:15

Kolla, kay an o čačepen tardo hi, oun rakrenn, hoy čačo hi; kolla, kay kekeske rhorhepah love tele lenn, te venn le bravelo, oun tserdenn pengre vasta pale, te kamell yek len love te dell, te anenn le rhorhepen pre; kolla, kay shounenn gar ap kolende, kay kamenn yekes te marell, oun kolla, kay djan gar kolentsa, kay o čilačepen krenn,

Jesaja 47:9

Vell i dives, kay vell kova lauter pral toute: Tou nashreh tiro romes, oun tire čave hi moulo. Kova vell sik oun zoreles ap yek dives pral toute, ninna te djineh boud dravepangre laba pre te penell, hoy te rikrenn i bibarht dour toutar, oun kral boud bengeskro koova.

Jesaja 5:23

Djungeles djal kolenge, kay i lovenge koles an o čačepen čivenn, kay doosh ap peste anas, oun kolenge lengro čačepen krik lenn, kay an o čačepen tardo hi.

Jesaja 66:18

Me djinau kova, hoy yon kran, oun kova, hoy an lengre sherya glan djas. Oun me vau, te lap i menshen khetne dran i tsele themma oun dran hako rakepen. Oun yon venna oun dikenn miro raylepen.

Jeremia 29:23

Koy phagi vas ap lende doleske, kay kran le i vi-ladjedo koova an Israel, oun lan penge romyen, kay romedino hi, oun penan an miro lab čomone glan-vi, hoy rhorhepen his, hoy me lenge gar an o mouy čivom. Me djinau, hoy le kran, me dikom les, penell o baro Devel.

Ropaskre gilja 3:34

Čačepah, o baro Devel dikell, te venn i tsele pandle an i them khetne stakedo. Les, o Debles pral halauter, hi glan i yaka, te vell i mensheske peskro čačepen krik lino, oun pral i mensheskro koova rhorhepen pre anlo vell.

Ezekiel 13:22

T'mare rhorhene labentsa doukran i djia kolendar, kay an o čačepen djivenn, oun kolenge kamom kek daar te krell. Oun t'mer kran i vasta kolendar zorelo, kay čilačo koova krenn. Yaake kran t'mer, te djan le gar tele lengro čilačo dromestar, te ačenn le djido.

Hosea 5:3

Me prindjrau o Efrayim mishto, oun kova hoy o Israel krell, hi gar khatedo glan mande. O Efrayim loubras pes trouyel, o Israel kras pes pale-čiddo.

Amos 2:16

Ninna o zorleder mank i čače morshende moukell ap ko dives peskro rharo pal peste oun nashell peske. Kova penell o baro Devel.

Amos 2:3

Me marau lengro baro rayes oun i lengre tsele pralstunen, penell o baro Devel.

Amos 5:10

Rhoyedo han t'mer ap koleste, kay t'menge o čačepen penell, oun t'mende sikrell, kay kova gar mishto hi, hoy kran.

Amos 5:7

Bibarht ap t'mende, t'mer rissrenn o čačepaskre laba, oun stakrenn ap o čačepen trouyel!

Amos 8:4

Shounenn kova, t'mer parepangre, kay rikrenn i čorvelen tele, te ačell len bouder či djipaske!

Micha 3:11

T'mare čačepangre morsha moukenn pen te makell. T'mare rashaya lenn love koleske, hoy le i menshenge penenn. Oun i lovenge penenn o Debleskre rakepangre, glan-vi, hoy vella. Oun t'mer penenn: “O baro Devel hi ap mari rig. Kek bibarht nay vell pral mende.”

Micha 7:3

Lengre vasta hi sik, te krenn le čilačo koova. I pralstoune oun čačepangre raya denn kolen o čačepen, kay denn len love. Kol zorele an o them krenn, hoy le kamenn, rhorhenn oun rissrenn o čačepen trouyel.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Bičepangre 7:52

Penenn mange: Dell yek Debleskro rakepaskro, kay lan t'mare phoure gar palla? Yon maran kolen, kay glan-vi penan, te vell ko yek, kay hako tsiro o čačepen krella. Yob vas, oun t'mer phoukran ap leste oun maran les.

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

5. Mose 31:21

Palle vell boud bibarht oun djoungelo koova pral lende. Oun yon givenn koy gili. oun koya vell gar bistedo lengre čavendar, oun sikrell lende, kay dom len trad, hoy vella, te moukenn le miro drom. Glan te anom len an ko them, koleske me man sovel dom, te anau len koy, prindjrau ko koova, hoy lenge an o shero trouyel djal.”

Jakobo 5:4

Shounenn! T'mer rhorhran t'mare boudepangren, kay boudran ap t'maro them, oun dan len kek love. Kolla denn gole ap o bolepen. Lengri gole shounell o Devel, ko ray pral o bolepen oun i phoub.

Jakobo 5:6

Koles, kay his kek doosh ap leste, anan t'mer glan i čačepangre, te vell lo moulo dino. Kova kamas pes gar t'mentsa te čingrell.

Ruth 4:1

Oun o Boas djas pre pash o foreskro voudar, kay i morsha khetne venn, oun beshas pes koy. Kote vas ko vavar morsh, kay lake ninna koy hounte vals, kolestar o Boas rakras. Oun o Boas penas ap leste: “Ab kay pash mande, oun besh tout pash mande!” Oun yob vas oun beshas pes pash leste.

1. Samuel 8:3

Yon djan gar o drom har lengro dad, oun rodan kova, hoy lenge o feteder his, oun lan čorrhanes love, oun phagan o čačepen.