Amos 4:7 - O Debleskro Lab 2024 (Sinte-Manouche)

⁷ Triin čon glan kova kay anan t'maro djob dren, rikrom o brishin pale. Oun me dom brishin ap yek foro oun gar ap i vavar. O brishin peras ap yek harhetikri phoub, oun koy vavar phoub, kay kek brishin das, meras tele.

O Debleskro Drom 2021 (Sinte)

⁷ Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

Amos 4:7 Iomraidhean Croise

2. Mose 10:22

Oun o Mose hadas peskro vast pash o bolepen pre. Kote vas i kali rat pral o tselo them Egiptia. Triin divessa ačas li.

2. Mose 10:23

Yaake kales his, te nay dikas yek o vavares gar. Oun kek stas kote pre, kay yob his. Pash i Israelitarya his dives, kote kay yon djivan.

2. Mose 8:22

O Mose penas: “Kova djal gar. Kol firhen, hoy mer maro baro Debleske marah, hi pale-čiddo pash i Egiptarya. Te marah mer kol firhen kote, kay i Egiptarya nay dikenn men, palle hadenn yon barra pre oun vitsrenn men lentsa moules.

2. Mose 9:26

Kokres an o them Gosen, kay i Israelitarya djivan, kote peras kek barrengro brishin tele.

2. Mose 9:4

Kava baro nasslepen vell gar ap i firhende, hoy i Israelitaryen hi. O baro Devel krell vavarčandes pash i Egiptarya har pash i Israelitarya. Kolendar merell kek firho.”

Jesaja 5:6

Oun me moukau ko them čiddo, har lo hi. I rouka venn gar pale činlo, oun i phoub gar trouyel vitsedo. Palle venna soubyengre bourra oun soubyengro zenlepen bares koy pre. Oun me penau o brishineske, te perell lo gar koy tele.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Jeremia 14:3

Kol bravele bičrenn pengre boudepangren pal pani. Kolla djan pash i brounna, oun hatsenn kek pani. Lengre khore anenn le kek panyeha pale. Lenge hi ropaske, oun khatrenn pengro mouy i ladjatar.

Jeremia 14:4

I phoub hi trouk oun dell gole pal brishin. Doleske hi kol harhenge ropaske, oun khatrenn pengro mouy.

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Joel 2:23

Oun t'mer menshe dran o foro Sion, avenn barhtelo, oun givenn pral kova, hoy kras o baro Devel. Yob hi t'maro Devel, oun dell t'men doha brishin ap o čačo tsiro, har lo kras glan kova,

Zakarie 14:17

Te hi yek them ap kay phoub, dran koleste venn le gar an Yerusalem, te sharenn le o baro Debles, ko rayes pral o bolepen oun i phoub, palle dell kek brishin ap ko them.

Johanni 4:35

T'mer penenna: An star čon anenn le o djob dren. Krenn t'mare yaka pre, oun dikenn t'men trouyel: O tsiro hi kanna kay. Kanna vell o djob dren anlo.

1. Korintarja 4:7

Koon penas touke, te hal tou feteder har ko vavar? Kova, hoy tout hi, hi tout o Deblestar. Te das yob tout lauter, hoske shareh tout?

5. Mose 11:17

Te krenn savo koova, nashte vell i rholi o baro Deblestar pral t'mende, oun yob pandell o bolepen tele, te dell bouder gar brishin, oun i phoub nay moukell či pre te djal. Palle merenn t'mer sik vin an kava lačo them, hoy o baro Devel t'men das.

Jakobo 5:17

O Eliya his i mensho har mer. Yob mangas o Deblestar, te dell kek brishin. Oun koy das kek brishin ap i phoub triin bersha oun shob čon.

Debleskro tsiro 11:6

Len hi i zoor, te rikrenn le o brishin pale, yaake te dell kek brishin ap ko tsiro, kay yon o Debleskro lab penenna. Oun len hi i zoor pral o pani, te nay krenn le dran kol tsele panya rat. Ninna hi len i zoor, te nay anenn le haki bibarht pral i phoub, yaake boud kope, har yon kamenna.