Amos 4:12 - O Debleskro Lab 2024 (Sinte-Manouche)

¹² Doleske, t'mer menshe an Israel, krau t'mentsa pale yaake har krom! Djinenn, me vau t'maro čačepaskro ray, kay dell t'men t'mari phagi.

O Debleskro Drom 2021 (Sinte)

¹² Doleske, tumer menshe an Israel, krau tumentsa pale jaake har krom! Djinenn, me wau tumaro tchatchepaskro rai, kai dell tumen tumari phagi.

Amos 4:12 Iomraidhean Croise

Jesaja 32:11

Trissenn, t'mer djouvya, kay t'menge kek shero krenn, trissenn i daryatar, t'mer, kay dikenn kokres ap t'mende! Rivenn t'mare ripya vin, oun čivenn i gono troul t'mende!

Jesaja 47:3

Tou vell diklo, har djal nanges, oun ladj vell ap toute. Kanna dau me tout ko tselo čilačepen pale, hoy kral. Oun kek nay rikrell man pale.

Jesaja 64:2

te kreh tou pale baro zorelo koova, hoy kek vavar nay krell, vitar gar glan-vi dikell. Ab tele, te trissenn i berge glan toute!

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Ezekiel 13:5

Yon čivan pen gar pre an koy rheb, kay i barra vin phagedo van, oun kran kek massouri troul o kheer Israel, te ačans le zoreles tardo an o kourepen ap ko dives, kay o baro Devel o čačepen vin krell pral lende.

Ezekiel 22:30

Oun me rodom i morshes mank lende, kay krals i massouri troul o foro pale neves. Rodom yekes, kay čivas pes pre glan mande kote, kay i barra vin phagedo van, oun rakrals mishto kol menshenge, te hounte marap len gar. Oun me hatsom kekes.

Hosea 13:8

Me perau pral lende har i baro divyo firho, koleske i čave krik line van. Me dandrau len an kotya oun rhau len pre har i levo, ava, har i divyo firho dandrau len khetne.

Amos 2:14

Ninna kolla, kay nashenn nay sik, nay nashenn gar penge. Zorele morsha nashrenn pengri zoor. Oun kourepangre ačenn gar djido.

Mateo 24:44

Doleske penau t'menge: Denn garda! Me, o Mensheskro Čavo, vau pale an i tsiro, kay t'mer gar djinenna.

Mateo 5:25

Te hi tout siyaan pash yekeste, oun hal leha ap o drom pash o čačepaskro, palle playse tiri siyaan yaake rah, har hal tou leha ap o drom, te nay dell yob tout gar an o čačepaskro vast! Oun kova dell tout an o klisteskro vast. Oun kova vitsrell tout an o stilepen!

Debleskro tsiro 3:3

Ma bistrenn, hoy t'menge penlo vas oun hoy shounan! Oun rikrenn ap kal laba! Oun avenn pale ap o čačo drom! Te krenn kova gar, oun stenn gar pre o sopastar, palle vau pral t'mende har i čorepaskro. Oun t'mer djinenn gar, havo tsireske pale vau.