Amos 4:10 - O Debleskro Lab 2024 (Sinte-Manouche)

¹⁰ Me bičrom savo pharo nasslepen ap t'mende, har bičrom ap o them Egiptia. Me marom t'mare terne morshen an o kourepen, oun moukom t'mare grayen pandles krik te anell. O khand kol moule lourdendar ap lengri platsa moukom an t'mare naka te djal. Ninna palle van t'mer gar pale pash mande, penell o baro Devel.

O Debleskro Drom 2021 (Sinte)

¹⁰ Me bitchrom sawo pharo nasslepen ap tumende, har bitchrom ap o them Egiptia. Me marom tumare terne murshen an o kurepen, un mukom tumare grajen pandles krik te anell. O khand kol mule lurdendar ap lengri platsa mukom an tumare naka te djal. Ninna palle wan tumer gar pale pash mande, penell o baro Dewel.

Amos 4:10 Iomraidhean Croise

2. Rajengro liil 10:32

An ko tsiro, kay o Yehou baro ray his, činas o baro Devel kotya dran o Israeleskro them vin: O baro ray Hasael dran o them Syria las len ko them krik, hoy čačes o panyestar Yordan hi, bis pash o foro Aroer pash o pani Arnon. Kova his o them Gilead oun o them Bashan. Kote djivan i menshe dran i bare familye Gad, Ruben oun Manasse.

2. Rajengro liil 13:3

Oun ko tselo tsiro, har o Yoakaz baro ray his, vas o baro Debleskri rholi pale te pale pral i Israelende. Oun yob das len an o vast o baro rayestar Hasael oun leskro čavestar Ben-Hadad. O Hasael his o baro ray pral o them Syria.

2. Rajengro liil 13:7

Yaake ačan o rayeske Yoakaz kek lourde pral, har kokres 50 (paash-sheel) klissepangre, deesh kourepangre vourdya oun 10.000 (deesh-zerya) pirengre lourde; Kol tsele vavar maras o baro ray pral o them Syria oun kras, te van le har i phoubyakri čik ap o drom.

2. Rajengro liil 8:12

Koy poučas o Hasael: “Hoske rovell miro ray?” Yob penas: “Me djinau, hoy tou kol Israelentsa kreh: Tou rhačreh lengre forya pre, oun lengre terne morshen deh o rhareha moulo, oun lengre terne čaven mareh tou ninna, oun kol djouvyen čineh tou pre, kay an vavar koova hi.”

2. Mose 10:27

Oun pale pandas o baro Devel o Faraeskro dji, te moukas lo len pale gar te djal.

2. Mose 10:3

Kote djas o Mose oun o Aron pash o Farao dren oun penan ap leste: “Kava penell o baro Devel, o Devel pral i Hebrearya: Har rah kameh tou gar te dikell, kay hom zorleder har tou? Mouk mire menshen te djal, te nay mangenn le man an!

2. Mose 14:4

Palle pandau me leskro dji, te lell lo len palla. Oun me sikrau miro barepen oun miri zoor ap leste oun ap leskre tsele lourdende. Oun i Egiptarya hayvenn: Me hom o baro Devel.” Oun i Israelitarya kran yaake har o Mose lenge penas.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

2. Mose 8:19

Oun tou dikess, te hi vavarčandes pash mire menshende har pash tire menshende. Ko baro koova vell taysar pral t'mende.”

2. Mose 9:12

Oun o baro Devel pandas o Faraeskro dji, oun yob shounas gar ap lende. Yaake vas, hoy o baro Devel ap o Mose penas.

2. Mose 9:17

Tou patseh, tou nay kreh mire menshentsa, hoy kameh, oun moukeh len gar te djal.

Jesaja 34:3

Oun kolla, kay temerl dino van, ačenn čiddo oun venn gar paskedo. Oun o khand lendar djal pre, oun ko rat lendar nashell i berge tele har pani.

Jesaja 50:11

T'mer lauter, kay i yag krenn, oun kashta činenn oun an-rhačenn, te denn čourye lentsa, nashenn an t'mari yag! Oun rhačrenn t'men kokres kol kashtentsa, hoy an-rhačan! Kava hi, hoy ap t'mende vell dran o vast o baro Deblestar: An phare douka venn t'mer koy čiddo.

Jesaja 9:12

Oun i menshe dran Israel van gar pale pash koleste, kay len kol dava dell, oun rodan gar o baro Debles, ko rayes pral o bolepen oun i phoub.

Jesaja 9:13

Ap yek dives las o baro Devel lendar i pralstunen krik, ninna kol rhorhene rakepangren, kay penan, kay lengre laba o Deblestar van. Kova hi, har te činals yek i mačestar o shero oun o pori tele, oun i roukestar i patria oun i telstouno kotar. I phourende oun i an-dikle hi o shero. Kol rhorhene, kay penenn, lengre laba vans o Deblestar, hi o pori.

Jesaja 9:17

O menshengro čilačepen hi har i yag, hoy rhal troul peste, oun rhačrell soubyengre bourra oun soubyengro zenlepen, oun ninna o tselo veesh. Oun pesso kalo yagakro dourho djal kote pre.

Jeremia 15:3

Me, o baro Devel, lom man glan, te anap star kope pharo koova pral lende: o rhareha te venn le moulo dino, i djoukle tserdenn len krik, i čirkle rhan len, oun kova hoy lendar pral ačell, rhan i divye firhe pre.

Jeremia 16:4

Lendar hounte merenn ap pharo nasslepen, oun kek rovell pral lende oun paskrell len. Yon ačenn čiddo ap i harhetikri phoub har firhengro foul. Vavar merenn an o kourepen. Oun ninna vavar merenn i bokatar. Oun i čirkle oun i divye firhe rhan len pre.

Jeremia 18:21

Kanna mouk lengre čaven merell i bokatar, oun mouk len moulo dino te vell o rhareha, te ačenn lengre djouvyenge kek čave oun romma, te venn lengre morsha tapedo o merepastar, oun lengre terne morsha an o kourepen maredo.

Jeremia 48:15

O them Moab vell paash dino, oun leskre forya venn dren lino. Leskre feteder lourde djan vin, te kourenn le pen, oun venn maredo. Kova penell o baro ray, kay kharell baro Devel, ko ray pral o bolepen oun i phoub.

Jeremia 49:26

Leskre terne morsha venn maredo ap leskre dromma. Ap ko dives nashrenn leskre tsele kourepangre pengro djipen. Kova penell o baro Devel, ko ray pral o bolepen oun i phoub.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Jeremia 6:11

Tiri rholi pral lende rhačell ninna an mande. Me nay rikrau lat gar pale. Koy penas o baro Devel ap mande: Palle čore miri rholi pral lende vin: pral kol čavende ap o drom, oun pral kol terne morshende. Yon lauter, morsha oun djouvya, ninna kol phoure oun an-dikle, venn pandles krik anlo.

Jeremia 9:22

I gosevo te sharell pes gar, kay yob gosevo hi. I zorelo te sharell pes gar, kay yob zorelo hi. I bravelo te sharell pes gar, kay yob bravelo hi.

Hosea 11:5

An o them Egiptia djan le gar pale. O them Assour vell o ray pral lende, doleske kay kaman le gar pale pash mande te vell.

Joel 2:20

Oun me tradau kol boud lourden krik t'mendar, kay venn koy rigyatar, kay norden hi. Kolla lendar, kay djan glanstounes, tradau an o Moulo Baro Pani, oun kolla, kay venn palstounes, tradau an o Mashkralstouno Baro Pani; oun i tsele vavar lourden tradau an i divyo tato them. Kote merenn le. Oun lengri khand djal pre. Yaake lenn le pengri phagi ko boud čilačepaske, hoy le kran.

3. Mose 26:16

palle krau t'mentsa yaake: Bari bibarht anau pral t'mende, pharo nasslepen, hoy t'menge o djipen randell. T'mer rhačenn glan fibro, t'mare yaka nay dikenn bouder gar mishto, oun kek zoor ačell an t'mende. Čičeske vitsrenn djob vin an i phoub. Kolla, kay kourenn pen t'mentsa, rhan les pre.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.

Amos 4:6

Me hom kova, kay bičras i bok an t'mare tsele forya. Ninna te his t'men gar doha rhapen an o tselo them, van t'mer gar pale pash mande, penell o baro Devel.

Amos 8:3

An ko dives givenn i gipangre an o rayeskro kheer ropaskre gilya. An i tsele gaba oun forya hi moule menshe čiddo. Kolen vitsran le pokones koy. Kova penau me, o baro Devel.

Haggai 2:17

Me rikrom o brishin pale, t'maro djob meras tele, brishineskre barra moukom ap t'mari harhetikri phoub te perell. Pal ko tselo koova van t'mer gar pale pash mande, oun mangan t'men gar tele pash mande.

5. Mose 28:21

O baro Devel moukell yek nasslepen pal o vavar ap t'mende te vell, bis te bouder kek t'mendar djivell an ko them, an koleste t'mer van, te lenn les t'menge dren.

5. Mose 28:22

Yob bičrell t'men savo nasslepen, hoy rhal t'men pre, t'maro mass vell lolo oun tato, oun i fibro rhačell an t'mende. Oun yob rikrell o brishin pale an t'maro them. Oun i tato dourho krell, te vell o djob nasselo oun merell tele. Oun kova halauter vell pral t'mende bis te moulo han.

5. Mose 28:60

Ko tselo djoungelo nasslepen, hoy lo pral i Egiptaryen anas, oun kolendar t'men savi daar his, anell lo palle ap t'mende. Oun t'mer venn gar sasto lestar.

5. Mose 7:15

Oun o baro Devel lell hako nasslepen t'mendar, oun anell kek savo nasslepen ap t'mende, hoy ap i menshende an o them Egiptia van, oun hoy t'mer prindjrenn. Na-a gar ap t'mende čivell lo len, ap hakeneste, kay ap t'mende pre djal, čivell lo len.