Amos 3:2 - O Debleskro Lab 2024 (Sinte-Manouche)

² Mank i tsele natsyone ap kay phoub han t'mer kokres kolla, kolen mange vin rodom, oun ap lende yak dom. Doleske hi t'mari doosh yaake baro, oun me hounte dap t'men i phagi.

O Debleskro Drom 2021 (Sinte)

² Mank i tsele natsjone ap kai phub han tumer kokres kolla, kolen mange win rodom, un ap lende jak dom. Doleske hi tumari doosh jaake baro, un me hunte dap tumen i phagi.

Amos 3:2 Iomraidhean Croise

1. Mose 10:32

Kolla hi halauter i menshe, kay venna o Noaheskre čavendar. Lengre laba hi yaake pre činlo, te vell diklo, koon lengro dad hi, oun have menshe lendar venna. Kol menshendar venna i tsele menshe ap i phoub pal o baro pani.

1. Mose 18:19

Me rodom les mange vin, te penell lo peskre čavenge oun kolenge, kay pal leste venna, te rikrenn pen le ap miro drom oun krenn, hoy mishto oun čačo hi, te nay moukap me halauter ap o Abrahameste te vell, hoy me leske penom.”

Debleskri gili 147:19

O Yakobeskre menshen moukell lo peskro lab te shounell; oun ap i Israelitarya penell lo, hoy lo lendar kamell, oun dell len peskre čačepaskre laba.

2. Mose 32:34

Oun kanna dja pale! An kol menshen an ko them, kay me rakrom lestar. Miro bolepaskro djal glan toute. Te vell miro tsiro, dau i Israelitaryen pengri phagi.”

Jesaja 63:19

Oun mer vam har save, pral kolende tou an kek tsiro o ray hals, oun pral kolende tiro lab gar vin gole dino vas.

Jeremia 1:15

Shoun mishto: Me dau gole i tsele menshen an kol themma, hoy an o norden čiddo hi, te venn yon, penell o baro Devel. Lengre raya čivenn pengre beshepangre glan kol voudya o forestar Yerusalem, oun troul leskre massurya oun troul kol tsele forya an o them Youda.

Jeremia 10:25

Tiri rholi mouk te vell pral kol menshende, kay kamenn toutar či djinell, pral kolende, kay tout gar sharenn! Har divye firhe vavar firhen rhan, yaake rhan yon o Yakobeskre menshen pre, bis te bouder či pral ačas, Oun dran leskro them kran yon i moulo them.

Jeremia 13:21

Hoy peneh tou, te kamell o baro Devel, te venn kolla ray pral toute, kay an tire yaka tire mala his? I doukatar deh tou gole har i djouvel, kay lell i ternepen.

Jeremia 14:10

Yaake penas o baro Devel kal menshendar: Yon nashenn yek rigyatar ap i vavar, yaake har kamenn le. Doleske dikell o baro Devel gar lačes ap lende. Leske vell an o shero, havo čilačo koova yon kran. Oun lengri doshake dell yob len i phagi.

Jeremia 9:25

kol menshe an i themma Egiptia, Youda, Edom, Ammon oun Moab, oun lauter kolla, kay činenn pengre balla trouyel tele, oun djivenn an o moulo tato them. Ninna te hi yon oun i tsele Israelitarya činlo ap pengro mass, djivenn le, har te vans le gar činlo.

Ezekiel 5:9

Oun me kamau t'mentsa yaake te krell, har kova kekeha krom, oun vitar gar krau an ko tsiro, hoy vella. Kava krau doleske, kay kran savo boud djoungelo koova.

Ezekiel 9:6

Denn i phouren moulo, oun i terne morshen oun i terne čen, ninna i čaven oun i djouvyen! Ma taprenn yekeske an, koles ko sikepen glan ap peskro shero hi! Djan glanstounes pash miro kheer, oun foun kotar doureder. Yaake kran le, oun maran glanstounes kol pralstunen, kay glan o baro Debleskro kheer tardo his.

Daniel 9:12

Oun tou rikral tiro lab oun anal kova, hoy penal, pral mende oun pral mare čačepangre morshende, hoy menge o čačepen vin krenn. Koy bibarht, hoy moukal pral mende te vell, his yaake baro, te vas tel o tselo bolepen sau koova gar diklo har kova, hoy an o foro Yerusalem djas.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

Hosea 5:3

Me prindjrau o Efrayim mishto, oun kova hoy o Israel krell, hi gar khatedo glan mande. O Efrayim loubras pes trouyel, o Israel kras pes pale-čiddo.

Hosea 8:13

Yon anenn mange firhen, oun rhan pen čalo ap ko mass. Me, o baro Devel, dikau gar lačes koy pre. Lengri doosh bistrau me gar, oun lengro čilačepen vell pral lende: Yon hounte djan pale an o them Egiptia pale.

Hosea 9:9

T'maro čilačo koova, hoy krenn, hi yaake djoungelo har kova, hoy vas kerdo an o foro Gibea glan i rah tsiro. Doleske bistrell o baro Devel gar t'mari doosh oun dell t'men t'mari phagi.

Amos 2:4

O baro Devel penell: I menshe an o them Youda kran pale te pale djoungelo koova. Miro drom oun mire laba his lenge či moldo. Oun yon kran gar, hoy lendar kamom. Yon moukan pen o čačo dromestar tele te anell oun mangan kol rhorhene deblen an, kolen ninna lengre phoure an-mangan. Doleske lenn le pengri phagi, oun khaytenn man gar.

Amos 3:3

O Amos penas: Nay denn pen douy morsha khetne ap i drom, oun kran gar vin, kay te taprenn le pen? Na-a!

Amos 6:1

Djungeles djal kolenge, kay djivenn i shoukar djipen ap i berga Sion! Djungeles djal kolenge, kay djivenn an o foro Samaria, oun krenn pen kek shero! Djungeles djal t'menge, kay han i raya pral Israel – koy an-dikli natsyona, pash kolende i Israelitarya venna!

Micha 2:3

Doleske penell o baro Devel ap lende: Kanna hom me, kay lell pes čilačo koova glan, hoy anau ap t'maro kheer! Vell yaake, har te vals i dori troul t'mari meen, oun t'mer nay tserdenn t'maro shero bouder gar vin, oun rikrenn les bouder gar pre. Savo čilačo tsiro vell pral t'mende.

Nahum 3:4

Kova hi i phagi o foreske Ninive. O foro his har i shoukar djouvel, kolat boud morsha hi, oun o bengeskro koveha trouyel djal, oun yaake i menshen an vavar themma ap peste pandas.

Bičepangre 17:26

Ko Devel kras ko yek menshes, o Adames. Kolestar van i tsele menshe an hake themma ap i phoub. Yob das len i tsiro, har rah yon djivenna, oun ninna an havo them yon djivenna.

Remarja 2:9

Bibarht oun daar vell ap i tsele menshende, kay o čilačepen kran, gar kokres ap i biboldende, na-a, ninna ap kolende, kay kek bibolde hi.

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

5. Mose 10:15

T'mare phouren kamas lo o djiyestar. Oun t'mer, kay lendar van, rodas lo peske vin mank i menshende dran an i tsele vavar themma. Oun ninna kava dives han t'mer leskre vi-rodede menshe.

5. Mose 26:18

Kava dives penan t'mer glan leste: Ava, mer kamah leskre menshe te vell, yaake har yob penas, oun kamah leskre tsele laba te rikrell.

5. Mose 32:9

I Israelitarya hi leskre menshe. Yon, o Yakobeskre čave, hi kolla, kay rodas lo peske vin.

5. Mose 4:32

Rakrenn pral ko phouro tsiro, har t'mer gomme gar koy hans, har o Devel o menshes ap kay phoub kras. Rodenn ap i tseli phoub: Vas sau baro koova diklo oun shounlo,

5. Mose 7:6

T'mer han menshe, kay hi o baro Debleske kokres koy. T'men rodas lo vin dran i menshen an i tsele themma, kay ap i phoub hi, te venn t'mer leskre menshe.

1. Petro 4:17

Kanna vas ko tsiro, kay venna i čilače divessa pral o Debleskre čavende. Pal kova vella bari bibarht pral kolende, kay patsan gar ap o Debleskro lačo lab!