Amos 3:15 - O Debleskro Lab 2024 (Sinte-Manouche)

¹⁵ Me dau lengre niyalengre khera khetne, oun ninna lengre vendengre khera. Oun khetne perenn kol khera, hoy shoukar kerdo hi i dandentsa foun i elefante; hako baro kheer vell paash dino, penell o baro Devel.

O Debleskro Drom 2021 (Sinte)

¹⁵ Me dau lengre nijalengre khera khetne, un ninna lengre wendengre khera. Un khetne perenn kol khera, hoi shukar kerdo hi i dandentsa fun i elefante; hako baro kheer well paash dino, penell o baro Dewel.

Amos 3:15 Iomraidhean Croise

1. Rajengro liil 22:39

Oun ko tselo vavar koova, hoy pral o Ahab penepaske hi, oun halauter, hoy yob kras, kova hi činlo an i familyakro liil o bare rayendar pral Israel. Kote dren hi ninna tardo, har yob peske i kheer kras dran kouč parno dand, oun have forya yob moukas zorleder te krell.

Debleskri gili 45:8

Tou kameh o čačepen, oun nay dikeh gar kolen glan tire yaka, kay o čilačepen krenna. Doleske rodas tout o Devel, tiro Devel, vin oun čoras boud barht pral toute vin, boudeder har pral hako vavar rayeste.

Jesaja 5:9

O baro Devel, ko ray pral o bolepen oun i phoub, das pes sovel oun penas glan mire kanda: Kol boud khera venn paash dino, oun kek djivell bouder an kol bare shoukar khera!

Jeremia 36:22

His an o vend oun o baro ray his beshdo an peskro vendeskro kheer glan i yag.

Amos 2:5

Me bičrau i yag an o them Youda, oun rhačrau kol zorele khera tele an Yerusalem.

Amos 3:11

Doleske penell o baro Devel, maro ray, ap i menshende an Samaria: Kourepangre venn troul t'maro them, pandenn les dren, phagenn i zorele massurya tele, oun randenn t'mare khera vin.

Amos 5:11

Kova krenn t'mer: I čorvelen rikrenn tele, oun lenn lendar boudeder djob har čačo hi. Doleske vell yaake: An kol shoukar neve khera, hoy t'menge kran, djivenn t'mer gar. Oun i mool kol neve drakengre roukendar, hoy an i phoub čivan, piyenn t'mer gar.

Amos 6:11

Djinenn: O baro Devel, te penell yob: O baro kheer hounte perell khetne, palle perell lo khetne. Oun te penell yob: O tikno kheer hounte perell an kotya, palle perell lo an kotya.

Maleachi 1:4

Te penenn ninna leskre čave, kol Edomarya: Ninna te van mare forya paash dino, mer čivah len neves pre, palle penau me, o baro Devel, ko ray pral o bolepen oun i phoub: Ninna te čivenn le kol forya pale pre, me dau halauter pale paash. Oun vavar menshe penenn pral lende čilačo them oun kalla hi menshe, pral kolende o baro Devel pes rhoyrella an hako tsiro.

Čačepangre 3:20

Oun o Ehoud vas pash leste dren, har o baro ray pral an i isema beshdo his, kay gar yaake tato his, oun hoy leske kokres his. Oun o Ehoud penas: “Ko lab, hoy man touke hi, hi o Deblestar.” Koy stas o baro ray dran peskri beshepaskri pre.