Amos 2:7 - O Debleskro Lab 2024 (Sinte-Manouche)

⁷ Yon stakrenn i čorvelen an i čik, oun i tiknen dran o drom. Doleske lenn le pengri phagi, oun khaytenn man gar. I morsh oun peskro dad djan dren pash i emligi djouvyate. Yaake anenn le ladj ap mande.

O Debleskro Drom 2021 (Sinte)

⁷ Jon stakrenn i tchorwelen an i tchik, un i tiknen dran o drom. Doleske lenn le pengri phagi, un khaitenn man gar. I mursh un peskro dad djan dren pash i emligi djuwjate. Jaake anenn le ladj ap mande.

Amos 2:7 Iomraidhean Croise

2. Samuel 12:14

Yek phagi leh tou. Dran kava koova, hoy kral, rakrenn kolla djoungeles pral o baro Debleste, kay les gar kamenna. Doleske merell ko ternepen, kay touke boldo vella.”

1. Rajengro liil 21:4

Kote djas o Ahab an peskro kheer, doukedo oun rhoyedo pral ko lab, hoy o Nabot dran Yesreel ap leste rakras, har penas lo: “Me dau tout kova gar, hoy mire phourendar lom pal lengro merepen.” Oun o Ahab čivas pes ap peskro čiben, oun čivas peskro mouy ap i vavar rig, oun rhas či.

Gosewe laba 28:21

Te dikeh lačeder ap o braveleste har ap o čorveleste, hi kova gar mishto. I kotar mareske nay anell i morsh doosh ap peste.

Jesaja 10:1

Havi bibarht vell ap kolende, kay krenn čačepangre laba vin, hoy denn i menshen gar lengro čačepen, oun činenn laba pre, hoy krenn lenge o djipen phares.

Jesaja 10:2

An i čorvelengro koova rakrenn le kek čačepen vin. Oun kolenge, kay gar an-dikle hi mank mire menshende, lenn le kova krik, hoy lenge pal o čačepen hi. Yon lenn kova krik, hoy i djouvyen hi, kolengre romma meran, oun čorenn i čaven vin, kolen kek dad bouder hi.

Jesaja 3:14

Ap i phourende oun rayende pral peskre menshende penell yob: T'mer rhan i tsele drake, hoy ap miro drakengro them bares van, An t'mare khera hi kova, hoy t'mer i čorvelenge randan!

Jesaja 3:15

Hoske stakran t'mer mire menshen tel t'mare herya? Oun hoske dan o čorveles an o mouy? Me, o baro Devel, ko ray pral o bolepen oun i phoub, poučau kova t'mendar.

Ezekiel 22:11

Ko yek sovell i vavareskri romyah, oun ko vavar sovell peskro čaveskri romyah oun krell lat yaake pale-čiddo. Pale i vavar taprell zoryah peskri phenyat an, ko čat peskro dadestar.

Ezekiel 36:20

An havo them, kay le ninna van, vas lendar penlo: “I menshe o baro Deblestar hi kalla, oun hounte djan penge dran leskro them.” Yaake anan le ladj ap miro lačo lab.

Hosea 4:14

Kek phagi dau t'mare čenge, vitar gar t'mare čavengre romyenge koleske, hoy le kran. Na-a, t'menge morshenge dau i phagi. T'mer djan i loubyentsa ap i rig, oun rhan khetne lentsa o mass kol firhendar, hoy i rhorhene deblenge maredo van. Oun i menshe, kay dikenn kova, oun djinenn gar, hoy lačo oun hoy gar lačo hi, yon perenn o čačo dromestar tele.

3. Mose 18:15

Tou sovess gar tiro čaveskri romyah.

3. Mose 18:21

Tou rhačress kek tire čavendar o rhorheno debleske Molok. Sau koova sikrals, te hom me, tiro Devel, touke či moldo. Me hom o baro Devel!

3. Mose 18:8

Tou sovess gar i vavar romyah tiro dadestar, te aness kek ladj ap tiro dadeste.

3. Mose 20:3

Me dikau čilačes ap hakeneste, kay kova krell, oun me moukau les bouder gar te djivell mank peskre menshende. Yob das yek peskre čavendar o Molokeste, oun kras yaake miro kheer pale-čiddo, oun kras mantsa, har te voms gar kokres o čačo Devel.

Amos 4:1

Shounenn kava lab, t'mer romya i pralstunendar pral o foro Samaria! T'mer han har i thoulle groumya ap i berge Bashan. T'mer krenn i čorvelenge čilačepen, rikrenn i tiknen tele, oun penenn ap t'mare romende: Anenn menge mool, te piyas mer!

Amos 5:11

Kova krenn t'mer: I čorvelen rikrenn tele, oun lenn lendar boudeder djob har čačo hi. Doleske vell yaake: An kol shoukar neve khera, hoy t'menge kran, djivenn t'mer gar. Oun i mool kol neve drakengre roukendar, hoy an i phoub čivan, piyenn t'mer gar.

Amos 5:12

Me djinau ko boud čilačo koova, hoy kran t'mer. Oun dikau, har baro t'mari doosh hi. T'mer rikrenn t'men gar pale, lače menshen palla te lell, oun moukenn t'men te ginell. Kek čačepen denn t'mer i čorvelen.

Amos 8:4

Shounenn kova, t'mer parepangre, kay rikrenn i čorvelen tele, te ačell len bouder či djipaske!

Micha 2:2

Kamenn le yekeskro kotar phoub, randenn le les, oun lenn penge khera vavar menshendar, har yon kamenna. Čilači zoryah djan le ap yekeste, oun lenn penge leskro kheer oun kova, hoy les peskro dadestar vas.

Micha 2:9

I djouvyen tradenn t'mer dran lengre khera, hoy lenge boud moldo hi. Oun ko lačo koova, hoy man lengre čavenge hi, lenn t'mer lendar krik hako tsireske.

Zefanja 3:3

Lengre pralstoune hi har leve, kay denn i bari gole. Lengre čačepangre morsha hi har divye djoukle an i rati, kay rhan lauter, hoy maran le, oun moukenn či pral o vavar diveske.

Remarja 2:24

Yaake hi kova činlo an o Debleskro lab: Dran t'mende rakrenn i vavar menshe djoungeles pral o Debleste.

1. Korintarja 5:1

Me shounom, te hi pash t'mende i morsh, kay peskri dadeskri romyah sovella. Savo čilačo koova shounom me gomme gar pash kolende, kay gar patslo hi.