Amos 2:13 - O Debleskro Lab 2024 (Sinte-Manouche)

¹³ Kanna tserdau t'menge i phoub tel t'mare herya krik, te perenn foun yek rig ap i vavar har i vourdin, hoy pherdo djob hi.

O Debleskro Drom 2021 (Sinte)

¹³ Kanna tserdau tumenge i phub tel tumare herja krik, te perenn fun jek rig ap i wawar har i wurdin, hoi pherdo djob hi.

Amos 2:13 Iomraidhean Croise

1. Mose 37:7

“Mer pandam djob khetne ap i harhetikri phoub. Oun ap yek kopo stas miri djob pre oun ačas tardo. Oun t'mari djob vas oun his troul miri djob tardo oun vitsras pes tele glan miri djob.”

Hiob 39:12

Nay patseh leske, te anell lo tiro djob khere ap tiri djobeskri platsa?

Debleskri gili 78:40

Boud kope hadan le pen ap leste an o moulo tato them, oun doukran leskro dji.

Jesaja 1:14

Kol bare divessa, kay t'mer rikrenn, te vell i nevo čon, oun ninna i vavar bare divessa nay dikau gar bouder. Yon van mange phares te hidjrap len, oun me vom khino tel lende.

Jesaja 43:24

Mange ginal tou gar lovenge goudlo soungepaskro khass, vitar gar rhačral o firhengro thulepen, te vap čalo. Na-a, mange kral boud boudi tiri doshah. Ko tselo čilačepen, hoy kral, kras man khino.

Jesaja 7:13

Kote pre penas o Yesaya: “Shounenn, t'mer, kay venna o Davideskre čavendar! Hi t'menge gar doha, te krenn menshen khino? Krenn kanna ninna miro Debles khino?

Ezekiel 16:43

Tou bistral, hoy touke krom, har terno hals. Oun rhoyral man ko tselo koveha, hoy kral. Boud djoungelo koova kral, oun koy pashel kral vi-ladjedo koova. Doleske anau kova lauter, hoy kral, ap tiro shero pale, penell o baro Devel, maro ray.

Ezekiel 6:9

Kote, kay le pandle hi, vau me lenge an o shero. Oun yon dikenn dren, te dom len i phagi koleske, hoy yon kran: Yon phagan mantsa oun nashan rhorhene deblen palla. Palle rissrell lenge halauter an pende pral ko tselo djoungelo koova, hoy yon kran.

Maleachi 2:17

T'mer rhoyrenn o baro Debles t'maro rakepah! T'mer penenna: Har rhoyram mer les? T'maro rakepen hi: An o baro Debleskre yaka hi i čilače lačo. Yob kamell len. T'mer penenn ninna: Kay hi o Devel, kay men i phagi della?

4. Mose 7:3

Oun yon anan ko kouč koova glan o baro Debleste: shob zorele vourdya oun deesh-te-douy groumya. Douy pralstoune khetne anan yek vourdin, oun hakeno lendar anas yek groumni. Oun yon anan len glan o Debleskro kheer.