Amos 1:6 - O Debleskro Lab 2024 (Sinte-Manouche)

⁶ O baro Devel penell: I menshe dran o foro Gaza kran pale te pale djoungelo koova. Yon lan i menshen dran tsele gaba pandlo, oun bikran len an i vasta kolendar dran o them Edom, te venn le lengre boudepangre. Doleske lenn le pengri phagi oun khaytenn man gar.

O Debleskro Drom 2021 (Sinte)

⁶ O baro Dewel penell: I menshe dran o foro Gaza kran pale te pale djungelo koowa. Jon lan i menshen dran tsele gaba pandlo, un bikran len an i wasta kolendar dran o them Edom, te wenn le lengre budepangre. Doleske lenn le pengri phagi un khaitenn man gar.

Amos 1:6 Iomraidhean Croise

2. Familjakro liil 28:18

Ninna i Filistarya peran an i forya an o them Youda dren – an kol forya, kay hi an o bergetikro them oun an o moulo them Negev. Oun yon lan penge kal forya: Bet-Shemesh, Ayalon, Gederot oun Soko oun i tsele gaba koy trouyel, oun Timna oun i tsele gaba koy trouyel, oun Gimso oun i tsele gaba koy trouyel, oun yon djivan kote.

Jeremia 47:1

Glan ko tsiro, kay o Farao ko foro Gaza khetne das, rakras o baro Devel ap peskro rakepaskro, o Yeremia, pral i Filistarende.

Ezekiel 35:5

O tselo tsiro hals ap čingepen oun marepen vin kol Israelentsa. Oun tou phoukral len oun dal len an i vasta kolendar, kay maran len, an ko tsiro har bari bibarht pral lende vas, oun me lenge lengri phagi dom.

Joel 3:4

Glan te vell o dives o baro Deblestar, ko baro dives, hoy daar oun traash anell, vell o kham kalo, oun o čon lolo har rat.

Amos 1:11

O baro Devel penell: I menshe an o them Edom kran pale te pale djoungelo koova. Lengre phralen, i Israelitaryen lan le palla o rhareha, oun len his kek dji lenge. Hako tsiro hi le rhoyedo ap lende oun moukenn gar tele lengri rholyah. Doleske lenn le pengri phagi, oun khaytenn man gar.

Amos 1:3

O baro Devel penell: I menshe an o foro Damaskus kran pale te pale djoungelo koova. Baro čilačo koova kran le ap i menshende an Gilead. Doleske lenn le pengri phagi, oun khaytenn man gar.

Amos 1:7

Me bičrau i yag ap i massurya troul o foro Gaza, hoy rhačrell leskre zorele khera tele.

Amos 1:9

O baro Devel penell: I menshe dran o foro Tirus kran pale te pale djoungelo koova. Yon dan i tsele pandlen an i vasta kolendar dran o them Edom, oun bistran, kay hi i pandle lengre phrala, oun kay phrala hounte rikrenn khetne. Doleske lenn le pengri phagi oun khaytenn man gar.

Obadja 1:11

Tou, Edom, hals koy pashel tardo, har djan i vi-themarya an Yerusalem dren, oun anan leskre lourden pandles krik, oun khelan koy pral, koon kones lengre menshendar lella. Tou hals har yek lendar!

Zakarie 9:5

I menshe an o foro Ashkelon shounenn kolestar oun trashenna, oun kolla an o foro Gaza lenn bari daar, ninna kolla an o foro Ekron. Len hi bouder kek, kay rikrell peskro vast pral lende. An o foro Gaza dell bouder kek baro ray, oun an o foro Ashkelon djivell bouder kek Israelitari.

Bičepangre 8:26

O Debleskro bolepaskro penas ap o Filipo: “Ste pre oun dja ap ko drom, kay djal dran Yerusalem tele an ko foro Gaza. Ap ko drom hi gar boud menshe.”

1. Samuel 6:17

Kova hi, hoy i Filistarya o baro Debleste dan, te vell lauter pale mishto mank leste oun lende: panč sonakangre figure, hoy vin dikan har o doukepen ap lengro mass: Yek figura hako foreske: Ashdod, Gaza, Ashkelon, Gat oun Ekron.