Amos 1:3 - O Debleskro Lab 2024 (Sinte-Manouche)

³ O baro Devel penell: I menshe an o foro Damaskus kran pale te pale djoungelo koova. Baro čilačo koova kran le ap i menshende an Gilead. Doleske lenn le pengri phagi, oun khaytenn man gar.

O Debleskro Drom 2021 (Sinte)

³ O baro Dewel penell: I menshe an o foro Damaskus kran pale te pale djungelo koowa. Baro tchilatcho koowa kran le ap i menshende an Gilead. Doleske lenn le pengri phagi, un khaitenn man gar.

Amos 1:3 Iomraidhean Croise

1. Rajengro liil 19:17

Palle vell yaake: Koon nay nashell peske glan o rharo, koleha o Hasael dell, koles marell o Yehou. Oun koon nay nashell peske glan o rharo, koleha o Yehou dell, koles marell o Elisa.

2. Rajengro liil 13:3

Oun ko tselo tsiro, har o Yoakaz baro ray his, vas o baro Debleskri rholi pale te pale pral i Israelende. Oun yob das len an o vast o baro rayestar Hasael oun leskro čavestar Ben-Hadad. O Hasael his o baro ray pral o them Syria.

2. Rajengro liil 13:7

Yaake ačan o rayeske Yoakaz kek lourde pral, har kokres 50 (paash-sheel) klissepangre, deesh kourepangre vourdya oun 10.000 (deesh-zerya) pirengre lourde; Kol tsele vavar maras o baro ray pral o them Syria oun kras, te van le har i phoubyakri čik ap o drom.

2. Rajengro liil 16:9

Oun o baro ray pral o them Assour shounas ap leste oun djas pral pash o foro Damaskus oun las les dren. Oun moukas kol menshen, kay kote djivan, pandles krik te anell an o foro Kir, oun maras o baro rayes Rezin.

2. Rajengro liil 8:12

Koy poučas o Hasael: “Hoske rovell miro ray?” Yob penas: “Me djinau, hoy tou kol Israelentsa kreh: Tou rhačreh lengre forya pre, oun lengre terne morshen deh o rhareha moulo, oun lengre terne čaven mareh tou ninna, oun kol djouvyen čineh tou pre, kay an vavar koova hi.”

Hiob 19:3

Deesh kope praasan man kanna, oun ladjenn t'men gar, te doukrenn man.

Hiob 5:19

Hako kopo, kay perell i bibarht ap toute, lell lo tout vin. Oun kek čilačepen nay taprell tout an.

Gosewe laba 6:16

Shob koova hi, ap kolende dikell o baro Devel rhoyedes; oun i eftato koova hi leske o djoungleder:

Sikepaskro 11:2

Phage tiro maro an kotya, oun de les efta, orhta menshenge; tou djineh gar, havi bibarht vell pral kay phoub.

Jesaja 28:27

O dill dell lo gar vin har yek o djob vin dell, oun pral i kimmla oulerell lo gar. Na-a, o dill oun i kimmla vell o kashteha vin dino.

Jesaja 41:15

Yaake har dell i harho o djob vin peskro činepaskro vourdineha, yaake krau toutar i nevo činepaskro vourdin, koles sasterne danda hi har čourya, te dess i berge khetne, te venn le čik, oun i tikne berge har phouss, hoy i dourho krik phourdell.

Jesaja 7:16

Glan te vas ko tsiro, kay djinell lo kova, vell ko them mouklo čiddo, glan koleskre douy bare rayende tout savi bari daar hi.

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Jesaja 8:4

Glan te nay dell o ternepen gole tata oun mama, moukell o baro ray pral Assour o tselo bravlepen dran Damaskus oun o tselo kouč koova dran Samaria krik hidjrell.”

Amos 1:11

O baro Devel penell: I menshe an o them Edom kran pale te pale djoungelo koova. Lengre phralen, i Israelitaryen lan le palla o rhareha, oun len his kek dji lenge. Hako tsiro hi le rhoyedo ap lende oun moukenn gar tele lengri rholyah. Doleske lenn le pengri phagi, oun khaytenn man gar.

Amos 1:13

O baro Devel penell: I menshe an o them Ammon kran pale te pale djoungelo koova. Har kouran le pen an o kourepen, te lenn le i bareder them, činan le djouvyen pre, kay vavarčandes his an o them Gilead. Doleske lenn le pengri phagi, oun khaytenn man gar.

Amos 1:6

O baro Devel penell: I menshe dran o foro Gaza kran pale te pale djoungelo koova. Yon lan i menshen dran tsele gaba pandlo, oun bikran len an i vasta kolendar dran o them Edom, te venn le lengre boudepangre. Doleske lenn le pengri phagi oun khaytenn man gar.

Amos 1:9

O baro Devel penell: I menshe dran o foro Tirus kran pale te pale djoungelo koova. Yon dan i tsele pandlen an i vasta kolendar dran o them Edom, oun bistran, kay hi i pandle lengre phrala, oun kay phrala hounte rikrenn khetne. Doleske lenn le pengri phagi oun khaytenn man gar.

Amos 2:1

O baro Devel penell: I menshe an o them Moab kran pale te pale djoungelo koova. Yon rhačran i kokale o baro rayestar dran o them Edom, bis te van le yagakri čik. Doleske lenn le pengri phagi, oun khaytenn man gar.

Amos 2:4

O baro Devel penell: I menshe an o them Youda kran pale te pale djoungelo koova. Miro drom oun mire laba his lenge či moldo. Oun yon kran gar, hoy lendar kamom. Yon moukan pen o čačo dromestar tele te anell oun mangan kol rhorhene deblen an, kolen ninna lengre phoure an-mangan. Doleske lenn le pengri phagi, oun khaytenn man gar.

Amos 2:6

O baro Devel penell: I menshe an o them Israel kran pale te pale djoungelo koova. Yon bikran lovenge menshen, kay lenge či kran, ninna i čorvelen, kay nashte denn kek love i kirrhenge.

Zakarie 9:1

Kava hi o lab, hoy rakras o baro Devel; kava lab vell an o them Hadrak oun djal bis an o foro Damaskus. Čačepah, o baro Devel dikell ap i tsele menshende, gar kokres ap i menshende an Israel.

Zakarie 9:2

Yob lell o them Hamat an i yak, hoy hi čiddo ap i rig o forestar Damaskus. Ninna lell lo i forya Tirus oun Sidon an i yak, kay i menshe yaake gosevo hi.