5. Mose 9:9 - O Debleskro Lab 2024 (Sinte-Manouche)

⁹ Me homs pre ap i berga, te lap lestar kol barra, an koleste yob i deesh laba činas, hoy hounte rikrenn, te venn leskre menshe. Kote ačom me 40 (star-deesh) divessa oun ratsya. Maro rhom me kek, oun pani piyom me vitar gar.

O Debleskro Drom 2021 (Sinte)

⁹ Me homs pre ap i berga, te lap lestar kol barra, an koleste job i deesh laba tchinas, hoi hunte rikrenn, te wenn leskre menshe. Kote atchom me 40 (star-deesh) diwessa un ratsja. Maro chom me kek, un pani pijom me witar gar.

5. Mose 9:9 Iomraidhean Croise

1. Rajengro liil 19:8

Kote stas lo pre oun rhas oun piyas, oun djas an kay rhapaskri zoor star-deesh divessa oun star-deesh ratsya, bis te vas lo ap o Debleskri berga, o Horeb.

2. Rajengro liil 6:22

Koy penas o Elisa: “Na-a, ma de len moulo! Tou mareh vitar kek lourden, kay tapral an o kourepen. Čip maro oun pani glan kalende, te rhan le oun te piyenn le, oun mouk len pash lengro rayeste te djal.”

2. Mose 24:12

Oun o baro Devel penas ap o Moseste: “Ab pash mande ap i berga pre oun ač kote, te dap tout kol barra, kay činom mire laba dren, te sikrap mire menshende, har te djivenn le, te djinenn yon, hoy te krenn oun hoy te krenn gar.”

2. Mose 24:15

Har o Mose ap i berga djas, čakras koy folka i tseli berga.

2. Mose 24:18

O Mose djas mashkral dren an koy folka, oun djas doureder pre ap i berga, oun ačas star-deesh divessa oun star-deesh ratsya pral ap koy berga.

2. Mose 31:18

Oun har o baro Devel kova lauter ap o Mose rakras ap i berga Sinay, das yob les i douy barra, kay o Debleskre deesh laba dren činlo hi. O Devel činas len peskro goushteha dren.

2. Mose 32:1

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

2. Mose 34:28

Star-desha divessa oun ratsya ačas o Mose ap i berga pash o baro Debleste. An kova tsiro rhas lo či oun piyas lo či. Yob činas kol deesh laba ap kol douy barra, – kol laba, kay penenna, hoy o Devel peskre menshendar kamella.

Mateo 4:2

Oun star-deesh (40) divessa oun ratsya rhas o Yezous či. Oun palle vas les i bari bok.

Galatarja 4:24

Kal douy djouvya hi har douy koova, hoy o Devel i menshentsa an Israel vin kras. Yek koova kras o Devel lentsa vin ap i berga Sinay. Kote lan i menshe o Moseskre laba. Kol laba hi o ray pral lende, yaake har his i ray pral i Hagar tardo.

5. Mose 8:3

Oun yob moukas t'men te bokell, te hayvenn, t'maro rhapen vell lestar. Oun yob das t'men o Manna te rhal, hoy t'mer gar prindjran oun t'mare phoure vitar gar. Kova kras lo, te sikrell lo t'men, te djivell o mensho gar o rhapastar kokres. Na-a, i mensho djivell hako labestar, hoy dran o mouy o baro Deblestar vin djal.

5. Mose 9:11

Har kol 40 (star-deesh) divessa oun ratsya trouyel his, das man o baro Devel kol douy barra, kay kol deesh laba dren činlo hi,

5. Mose 9:15

Me rissrom man oun djom koy berga tele. Oun koy berga rhačas an i yag. Oun kol douy barra kol deesh labentsa his an mire vasta.

5. Mose 9:18

Oun me vitsrom man tele glan o baro Debleste, oun homs čiddo glan leste har koy ersto kopo 40 (star-deesh) divessa oun ratsya. Maro rhom kek, oun pani piyom gar. Oun mangom les t'menge, te dikell lo gar ap t'mari bari doosh, hoy t'mer ap t'mende lan, har savo djoungelo koova kran, oun les yaake rhoyedo kran.

Hebrearja 9:4

An i palstouni isema his o sonakaskro bob tardo, kay kouč goudlo kasht pral pre rhačedo vas, hoy mishto soungella. Koy his ninna o sonakaskro morhton. An leste his o sonakaskro khoro, kay his ko maro dren čiddo, hoy Manna kharella. An ko morhton his ninna o Aroneskro kasht, hoy zenelo vas, ninna kol douy činle barra. Ap kolende his i deesh Debleskre laba činlo, hoy o Devel peskre menshentsa vin kras.