5. Mose 9:3 - O Debleskro Lab 2024 (Sinte-Manouche)

³ Doleske djinenn kava dives, te djal t'maro baro Devel glan t'mende har i yag, hoy halauter pre rhačrell. Yob dell len, te hounte nashenn le penge t'mendar. Oun t'mer tradenn len vin oun denn len sik moulo. Yaake penas o baro Devel kova t'menge.

O Debleskro Drom 2021 (Sinte)

³ Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.

5. Mose 9:3 Iomraidhean Croise

2. Mose 23:23

Ava, miro bolepaskro djal glan toute oun anell tout an o them, kay djivenna i Amorarya, i Hetarya, i Perisarya, i Kanaanitarya, i Hivarya oun i Yebousarya. Oun me dau len temerl.

2. Mose 24:17

O raylepen o baro Deblestar his glan i Israelengre yaka har i bari yag, hoy pral ap koy berga rhačella.

Jesaja 27:4

Me hom bouder gar rhoyedo ap leste. Te hatsoms soubyengre bourra oun soubyengro zenlepen dren, djoms ap lende oun rhačroms len halauter pre.

Jesaja 30:27

Dikenn, o baro Devel vella foun doural. Leskri rholi hi baro, oun i pesso yagakro dourho vell dran leskro nak. Pherdi rholi hi leskro rakepen. oun leskri čip hi har i yag hoy lauter pre rhačrell.

Jesaja 30:30

Palle moukell o baro Devel peskri bari zoreli gole te shounell, oun i menshe dikenna, har leskri moussi tele dell an i rholi. Kote hi yag, hoy troul peste rhal, oun baro zorelo brishin, oun i zorelo phourdepen oun brishineskre barra.

Jesaja 30:33

I rah tsiro hi i rhačepaskri platsa kerdo, dour tele djal li oun bourhles hi li. Ninna o baro rayeske hi li kerdo. Yag hi koy oun boud kashta rhačepaske. Oun o dourho o baro Deblestar phourdell zoreles koy pre, oun krell i yag, hoy lauter pre rhačrella.

Jesaja 33:14

Ap i berga Sion lenn kolla traash, kay doosh ap pende hi. Halauter trissenna, kay o Debles bistran, oun penenn kanna: Kek mendar nay ačell tardo pash i yag, hoy lauter pre rhačrell. Kek mendar nay rikrell kova vin pash koy yag, hoy rhačell hako tsiro har koy yag ap o Debleskri rhačepaskri.

Micha 2:13

Lengro pralstouno krell lenge o drom pre oun djal glan lende. Yaake phagenn le o foreskre voudya pre oun djan vin. Oun lengro baro ray djal glan lende. Kova hi o baro Devel, kay hi lengro pralstouno.

Mateo 15:10

Oun o Yezous das kol tsele menshende pash peste gole, kay kote tardo his. Oun yob penas ap lende: “Shounenn oun hayvenn mishto, hoy me t'menge penau!

Markus 7:14

Oun o Yezous das pale i menshen pash peste gole, oun penas ap lende: “Shounenn oun hayvenn mishto, hoy me t'menge penau!

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Efesarja 5:17

Doleske krenn t'maro dji pre, te hayvenn, hoy o ray Yezous t'mendar kamella!

5. Mose 1:30

T'maro baro Devel djal glan t'mende vin oun kourell pes t'menge, yaake har lo glan t'mare yaka an o them Egiptia t'menge kras.

5. Mose 20:1

Te djan t'mer vin an o kourepen, te kourenn t'men kolentsa, kay kamenn t'men gar an o them, oun t'mer dikenn lengre graya oun kourepaskre vourdya oun lengre lourden, kay hi boud boudeder har t'mer, palle ma darenn lendar! T'maro baro Devel hi t'mentsa, kova kay t'men dran o them Egiptia vin anas.

5. Mose 20:4

T'maro baro Devel hi kova, kay djal t'mentsa oun kourell pes t'menge lentsa. Yob hi ap t'mari rig.”

5. Mose 4:24

Yob hi i zoreli yag, hoy halauter pre rhačrell, oun kamell, te kamenn t'mer les kokres.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

5. Mose 7:22

Yob tradell kal menshen vin glan t'mende, yek pal o vavar, oun hakeno peskro tsireske. T'mer nay denn len gar ap yek kopo moulo. Palle vans i divye firhe boudeder oun djans ap t'mende.

5. Mose 9:6

Yaake djinenn kanna, hi gar dran t'maro čačo djipen, te dell t'men t'maro baro Devel kava lačo them, te lenn les t'menge dren. T'mer han menshe i djiyentsa har bar.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Hebrearja 12:29

Ma bistrenn, maro Devel hi yaake har i zoreli yag!

Josua 11:12

Ninna kol tsele vavar forya las o Yosua dren oun das kolen o rhareha moulo, kay koy dren his, ninna lengre bare rayen. Kova kras lo yaake har o Mose, o baro Debleskro boudepaskro, leske penas.

Josua 11:8

Oun o baro Devel das len an o Israeleskro vast. Oun yon dan len, oun lan len palla bis pash ko baro foro Sidon oun bis pash Misrefot-Mayim oun bis an ko telstouno them Mispe kote kay o kham pre djala. Oun yon maran len lauteren oun moukan kekes krik te nashell.

Josua 14:12

Oun kanna de man kol berge, kolendar o baro Devel an ko dives rakras! Tou shounal an ko dives, te djivenn kol Anakarya koy an bare zorele forya. Te hi o baro Devel mantsa, palle nay tradap len vin, har o baro Devel kova penas.”

Josua 3:11

Dikenn, o morhton, kay i laba o rayestar pral i tseli phoub dren hi, djal glan t'mende an o pani Yordan.

Josua 3:14

Oun i menshe djan vin dran lengre plarhtene khera, te djan le vergel o pani Yordan. Oun i rashaya, kay hidjrenn ko morhton, kay o Debleskre deesh laba dren hi, djan lenge glan vin.

Čačepangre 4:14

Oun i Debora penas ap o Barak: “Dja! Kava hi ko dives, kay o baro Devel o Siseres an tiro vast das. O baro Devel djas vin glan toute.” Oun o Barak djas koy berga Tabor tele, oun deesh-zerya morsha leske palla.