5. Mose 9:10 - O Debleskro Lab 2024 (Sinte-Manouche)

¹⁰ Oun o baro Devel das man douy barra, an kolende yob peskro goushteha kol laba činas. Glan kova penas lo kol laba ap t'mende, har khetne van pash i berga, oun i berga pherdi yag his. Dran i yag vin rakras lo t'mentsa.

O Debleskro Drom 2021 (Sinte)

¹⁰ Un o baro Dewel das man dui barra, an kolende job peskro gushteha kol laba tchinas. Glan kowa penas lo kol laba ap tumende, har khetne wan pash i berga, un i berga pherdi jag his. Dran i jag win rakras lo tumentsa.

5. Mose 9:10 Iomraidhean Croise

2. Mose 31:18

Oun har o baro Devel kova lauter ap o Mose rakras ap i berga Sinay, das yob les i douy barra, kay o Debleskre deesh laba dren činlo hi. O Devel činas len peskro goushteha dren.

Mateo 12:28

Na-a, gar o beng das man koy zoor. O Debleskro Dourho das man koy zoor, te nay tradap i bengen vin. Koy pre dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

Louka 11:20

Na-a, me tradau i bengen dran o Debleskri zoor vin. Ap kova dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

2. Korintarja 3:3

Dran mari boudi van t'mer pash o Yezous Kristeste. Oun kanna han har i liil, hoy vella o Yezous Kristestar. Kava liil činas o Dourho o djido Deblestar, oun kek mensho. Kava liil vas gar činlo ap i barra. Na-a. Kava liil vas činlo an i menshengre djia, an t'mare djia.

5. Mose 10:4

Oun har o glanstouno kopo činas yob kol deesh laba, kolen o baro Devel ap i berga dran i yag vin ap t'mende penas, har t'mer halauter koy khetne van. Oun o baro Devel das kol barra mande.

5. Mose 18:16

Ap ko dives, kay hans khetne pash i berga Horeb, mangan t'mer kova t'maro baro Deblestar, oun penan: Mer kamah bouder gar o rakepen maro baro Deblestar te shounell, oun kay bari yag kamah vitar gar bouder te dikell, te hounte meras gar!

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.