5. Mose 8:7 - O Debleskro Lab 2024 (Sinte-Manouche)

⁷ T'maro baro Devel anell t'men an i lačo them. An kava them nashenna panya, hoy venn vin dran i phoub, oun nashenn i berge tele an i telstouno them.

O Debleskro Drom 2021 (Sinte)

⁷ Tumaro baro Dewel anell tumen an i latcho them. An kau them nashenna panja, hoi wenn win dran i phub, un nashenn i berge tele an i telstuno them.

5. Mose 8:7 Iomraidhean Croise

1. Mose 49:11

Yob pandell peskri bourika ap i drakengro rouk. Oun lakro ternepen pandell lo ap o lačo drakengro rouk. Peskro ripen thovell lo an mool, peskri baya an loli mool.

2. Rajengro liil 18:32

bis te me vau oun lau t'men mantsa, oun anau t'men an i vavar them, hoy hi yaake har t'maro them. An ko them hi doha djob, mool, maro, drakengre rouka, djeteskre rouka oun gvin. Palle nay ačenn djides oun hounte merenn gar. Shounenn gar ap o Hiskiya! Yob rhorhell t'men, te penell lo ap t'mende: O baro Devel lell men dran lengre vasta vin.

Debleskri gili 104:10

An o telstouno them moukeh tou tikne panya dran i phoub te vell, te nashenn le mank i berge.

Debleskri gili 106:24

Oun lenge his ko shoukar them či moldo, oun patsan gar ap ko lab, hoy o Devel len das.

2. Mose 3:8

Me vom tele, te lap len dran o vast kol menshendar an o them Egiptia vin, oun anau len dran kava them vin oun dau len i lačo oun baro them, kay hi boud thoud oun gvin. An ko them djivenn kanna i Kanaanitarya, i Hetarya, i Amorarya, i Perisarya, i Hivarya oun i Yebousarya.

Jesaja 36:17

bis te me vau oun lau t'men mantsa, oun anau t'men an i vavar them, hoy hi yaake har t'maro them. An ko them hi doha djob oun mool, maro oun drakengre rouka.

Jesaja 5:1

Shounenn, kamau miro maleske i gili te givell, i gili pral leskro drakengro them. Miro males his i lači phoub ap i tikni berga.

Jeremia 2:7

Oun me anom t'men an i lačo them, kay boud rhapen hi, te rhan ko tselo lačo koova, hoy kote baro vella. Oun har t'mer an ko them djan, kran les t'mer pale-čiddo. Oun miro them vas djoungeles glan mire yaka.

Ezekiel 17:5

Palle las lo i drab dran o them oun čivas les an lači phoub, kay boud pani his. Pash ko pani čivas lo les an i phoub.

Ezekiel 20:6

Me dau man sovel, te anap t'men vin dran o them Egiptia oun anau t'men an i them, koles me t'menge vin rodom. Kova hi i them, kay boudeder har doha thoud oun gvin hi. Kava them hi shoukeder har i tsele vavar themma.

5. Mose 8:6

Doleske denn yak ap i laba t'maro baro Deblestar, oun djan ap leskre drom, oun shounenn o tselo djiyeha ap leste.

5. Mose 8:8

An kava them vell gib oun djob bares, ninna drake, fayge, granatikre phabya. Djeteskre rouka oun gvin dell kote ninna.

Čačepangre 18:10

T'mer hatsenn kote menshe, kay darenn gar, te vell yek pral lende. Oun o them hi bourhlo pal hake rigya. Ava, o Devel das les an t'maro vast, i them an koleste lauter hi, hoy ap i phoub dell.”