5. Mose 7:9 - O Debleskro Lab 2024 (Sinte-Manouche)

⁹ Djinenn: t'maro baro Devel hi kokres o čačo Devel. Yob rikrell peskro lab, oun hoy lo t'mentsa vin kras. Lačepen oun kamlepen dell lo kolende, hoy les o djiyestar kamenn oun krenn, hoy lo penell. Ninna lengre čavenge, kay pal lende venna, hi lo lačo, yaake rah har seri familye yek pal i vavar djivenn.

O Debleskro Drom 2021 (Sinte)

⁹ Djinenn: tumaro baro Dewel hi kokres o tchatcho Dewel. Job rikrell peskro lab, un hoi lo tumentsa win kras. Latchepen un kamlepen dell lo kolende, hoi les o djijestar kamenn un krenn, hoi lo penell. Ninna lengre tchawenge, kai pal lende wenna, hi lo latcho, jaake rah har seri familje jek pal i wawar djiwenn.

5. Mose 7:9 Iomraidhean Croise

1. Mose 17:7

Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

1. Mose 9:15

vell ko lab an miro shero, hoy me dom t'men oun lauteren, kay djivenna: Me moukau kek pani bouder te vell, hoy yaake baro vell, te tassell o tselo djipen.

1. Rajengro liil 8:23

oun penas: Baro Devel, tou o Devel pral o Israel, kek devel hi har tou pral an o bolepen, vitar gar tele ap i phoub. Tou rikreh tiro lab, hoy tire menshende dal, oun hal lenge lačes, kolenge, kay djivenn glan toute pengro tselo djiyeha.

1. Familjakro liil 16:15

Ma bistrenn, hoy yob mentsa vin kras! Leskro lab, hoy das lo, ačella yaake rah har menshe ap i phoub djivenna.

2. Familjakro liil 6:14

oun penas: Baro Devel, tou o Devel pral o Israel, kek devel hi har tou: kek an o bolepen, vitar gar ap i phoub. Tou rikreh tiro lab, hoy tire menshende dal, oun hal lenge lačes, kolenge, kay djivenn glan toute pengro tselo djiyeha.

Nehemia 1:5

oun penom: “Ah, baro Devel, tou hal o Devel an o bolepen, oun hal baro oun yaake zorelo, te daras hounte toutar. Tou rikreh koy sovel, hoy tou mentsa kral, oun dikeh lačes ap kolende, kay kamenn tout o djiyestar oun shounenn ap tire laba.

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Debleskri gili 103:18

kolenge, kay bistrenn gar, hoy yob lengre phourentsa vin kras, oun rikrenn pen ap leskre laba.

Debleskri gili 105:8

An kek tsiro bistrell lo peskri sovel, hoy lo mentsa dren djas. Peskro lab, hoy das lo, ačella yaake rah har menshe ap i phoub djivenna.

Debleskri gili 119:75

Baro Devel, me djinau, tou te deh i phagi, djah tou pal o čačepen. Touke his čačo har dal man i phagi.

Debleskri gili 146:6

Yob hi o Devel, kay o bolepen oun i phoub kras, oun o baro pani, oun kova, hoy dren hi. Yob hi kova, kay hako tsiro peskro lab rikrell,

Debleskri gili 36:6

Baro Devel, tiro lačepen hi yaake baro har o bolepen. Oun tiro kamlepen ap tire menshende djal bis pash i volke.

2. Mose 20:6

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har i seri familye yek pal i vavar djivenn.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jeremia 32:18

Tou moukeh lačepen pral boud zerya menshende te vell. Oun i doosh i dadendar moukeh ap i sherya lengre čavendar te vell. Tou hal o baro oun zorelo Devel. Tiro lab hi: Baro Devel, ko ray pral o bolepen oun i phoub.

Ropaskre gilja 3:23

Haki tsalla hi menge leskro kamlepen oun lačepen neves koy. Kova hi yaake čačo, har o kham pre djal!

Daniel 9:4

Oun me rakrom ap miro baro Debleste oun mangom man tele, oun penom: Ah, miro ray, tou hal o baro Devel oun mer sharah tout. Tou rikreh tiro lab, hoy kolenge dal, kay kamenn tout o djiyestar oun rikrenn tire laba. Oun hal lenge lačes.

4. Mose 14:18

Tou penal: Me, o baro Devel, vau gar sik rhoyedo, oun man hi i lačo oun baro dji, oun me bistrau ko čilačo koova, hoy kran oun lau i doosh krik. Koles kokres, kay kamell mandar či te djinell, dau i phagi, oun gar koles kokres, na-a ninna leskre čaven oun kolengre čaven yaake rah har triin, star familye, yek pal i vavar djivan.

Remarja 8:28

Mer djinah, halauter vell mishto kolenge, kay o Debles kamenna. Glan rah tsiro his o Debles an peskro dji, te dell lo menshen gole, te djivenn le leha khetne.

1. Korintarja 1:9

Kova, hoy o Devel penella, kova rikrell yob ninna. O Devel das t'men gole, te venn hako tsiro peskro Čaveha, o Yezous Kristeha, khetne. Oun kova hi maro ray.

1. Korintarja 10:3

Oun yon halauter rhan ko yek rhapen, hoy vas o Deblestar.

1. Korintarja 8:3

Koon čačepah gosevo hi, kova kamell o Debles o djiyestar. Oun o Devel prindjrell les.

2. Korintarja 1:18

O Devel djinella: Kova hoy mer penah, kova krah ninna.

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

5. Mose 32:4

Yob hi maro zorelo rikepaskro. Lauter, hoy yob krell, hi mishto. Leskre tsele dromma hi čačo. Maro Devel rikrell peskro lab; an leste hi kek čilačepen. Rhorhepen djinell lo gar.

5. Mose 4:35

T'men moukas lo kova te dikell, te djinenn, te hi o baro Devel o čačo Devel, oun te dell kek vavar debles har les kokres.

5. Mose 4:39

Yaake hounte djinenn kava dives oun bistrenn kova gar: Dell kek vavar Devel har o baro Devel kokres. Kek vavar devel hi an o bolepen oun vitar gar ap i phoub.

5. Mose 5:10

Lačepen oun kamlepen dau me ap kolende, hoy man o djiyestar kamenn oun krenn, hoy me penau. Ninna lengre čavenge, kay pal lende venna, hom lačo, yaake rah har zerya familye yek pal i vavar djivenn.

1. Tessalonikarja 5:24

O Devel das t'men pash peste gole, yob moukell t'men gar, oun krell kova, hoy yob penas.

2. Tessalonikarja 3:3

Maro ray Yezous moukell t'men gar. Yob dell t'men zoor, oun dell garda ap t'mende, te vell kek čilačo koova ap t'mende.

2. Timoteo 2:13

Te rikrah men gar pash leste, yob rikrell pash mende. Oun yob ačell yaake har yob hi.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Hebrearja 10:23

Mer nay patsah o Debles, te krell lo kova, hoy yob penas. Yob rikrell peskro lab. Doleske rikras zoreles maro patsepen ap leste!

Hebrearja 11:11

Ninna o Abrahameskri romni, i Sara, patsas, te nay kras o Devel kova, hoy yob lenge penas. An lakro tselo djipen nay las li kek ternepen. Oun kanna, kay his li phouri, penas o Devel, te lell li i čaves. Yoy patsas les, oun las i zoor, te lell li i čaves.

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

1. Johanni 1:9

Mer te mangah men tele glan o Debleste, oun penah leske, havi doosh mer ap mende lam, palle krell lo, hoy yob penas oun lell i doosh mendar krik. Yob hi lačo oun čačo oun thovell o tselo čilačepen mendar tele.

Čačepangre 2:1

Oun o baro Debleskro bolepaskro vas dran o foro Gilgal pre ap koy platsa, hoy kharella Bokim, oun penas: “Me lom t'men dran o them Egiptia vin, oun anom t'men an kava them, yaake har man sovel dom glan t'mare phoure dadende, te dau les t'mende. Oun me penom, te rikrap hako tsireske miro lab, hoy t'mende dom.

Čačepangre 5:31

Maro baro Devel, yaake hounte merenn lauter, hoy tout gar kamenna. Kolla, kay kamenn tout o tselo djiyestar, yon te venna raylo har o kham, har djal lo pre an peskri zoor! Oun pal kova his an o them 40 (star-deesh) bersha kek kourepen.