5. Mose 7:8 - O Debleskro Lab 2024 (Sinte-Manouche)

⁸ Dran peskro kamlepen t'menge rodas o baro Devel t'men vin, te rikrell lo peskri sovel dren, hoy yob t'mare phourende das. Doleske anas lo t'men peskro zorelo vasteha vin dran o them, kay pandlo hans, dran o vast o Faraestar, ko rayestar pral Egiptia.

O Debleskro Drom 2021 (Sinte)

⁸ Dran peskro kamlepen tumenge rodas o baro Dewel tumen win, te rikrell lo peskri sowel dren, hoi job tumare phurende das. Doleske anas lo tumen peskro sorelo wasteha win dran o them, kai pandlo hans, dran o wast o Faraestar, ko rajestar pral Egiptia.

5. Mose 7:8 Iomraidhean Croise

1. Mose 19:16

O Lot las peske boud tsiro. Koy tapran kol morsha les, leskri romyat oun leskre douy čen pash o vast oun anan len vin dran o foro. O baro Devel kamas gar, te merenn le.

1. Mose 19:29

Har o Devel rhačras kol forya an ko them pash o pani Yordan, kay o Lot khere his, bistras yob o Abrahames gar oun anas o Lotes vin dran kol forya.

2. Samuel 22:20

Yob las man vin dran lengre vasta oun anas man an i bourhlo them. Yob kamell man, doleske kras lo kova.

1. Rajengro liil 10:9

Sharedo vell o baro Devel, kay tiro Devel hi, yob, kay dikell lačes ap toute, oun kras te val o ray pral o Israel! O baro Devel kamell peskre menshen Israel an hako tsiro. Doleske čivas lo tout pral lende, te vess lengro ray, te aness o čačepen pash lende, oun hakeno peskro čačepen lell.”

1. Familjakro liil 16:16

Kova hi ko lab, hoy das lo o Abrahameste, koy sovel, hoy das lo o Isaakeste,

2. Familjakro liil 9:8

Sharedo vell o baro Devel, kay tiro Devel hi, yob, kay dikell lačes ap toute, oun kras te val o ray pral o Israel! O baro Devel kamell peskre menshen Israel, oun kamell te ačenn le an hako tsiro. Doleske čivas lo tout pral lende, te vess lengro ray, te aness o čačepen pash lende, oun hakeno peskro čačepen lell.”

Debleskri gili 105:42

Yob bistras gar peskro Debleskro lab, hoy das lo peskro boudepaskres, o Abraham.

Debleskri gili 44:3

Tou tradal tiro vasteha i vavar menshen vin dran lengro them, oun dal ko them mare phourende. Kol vavar menshen dal tou paash, te nay djivan mare phoure an ko them.

Debleskri gili 44:4

Yon lan o them gar dren pengre rharentsa, vitar gar pengri zoryah. Na-a! Kova kras tiri čači moussi oun tiri zoor. Tou hals pash lende oun dikal kamles ap lende.

2. Mose 13:14

An ko tsiro, hoy vella, te poučenn toutar tire čave: Hoske kreh tou kova? palle peness tou ap lende: O baro Devel las men i zorelo vasteha vin dran o them Egiptia, kay hounte boudram tel dava.

2. Mose 13:3

Oun o Mose penas ap i tsele menshende: “Kava dives an o čon Abib djan t'mer vin dran o them Egiptia. Kote, kay t'mer pandle boudepangre hans, las t'men o baro Devel peskro zorelo vasteha vin. Rikrenn kava dives an t'mare shere! Oun rhan kek shoutlo maro!

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 32:13

Ma biste tire boudepangren, o Abraham, o Isaak oun o Yakob! Kolenge dal tout sovel oun penal: Me moukau t'mare čaven boudeder te vell har i momlia an o bolepen. Kava tselo them, kay me penom, te vell lo t'maro, dau t'mare čavende, te djivenn le kote hako tsireske.”

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

Jesaja 43:4

Tou hal mange yaake kouč oun boud moldo, oun kamau tout o tselo djiyestar, te dap menshen touke koy, oun dau themma koy, te nay djivess tou.

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Jeremia 31:3

O baro Devel sikras pes mande foun doural: Me kamom tout hako tsiro, doleske tserdom tout pash mande dran miro lačepen.

Ezekiel 36:22

Doleske pen ap o kheer Israel: Kava penell o baro Devel, maro ray: T'mer kran, kay vas djoungeles rakedo pral mande mank i menshende an vavar themma, pash kolende t'mer van. Kova, hoy kanna krau, krau gar t'menge dran o kheer Israel. Na-a, kova krau, te vell miro lačo lab pale sharedo.

Micha 6:4

Me hom kova, kay anas t'men dran o them Egiptia vin, kay hans pandle boudepangre. Me dom t'men o Mose, o Aron oun i Miryam, te djan le glan t'mende.

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

Zefanja 3:17

T'maro baro Devel hi pash t'mende, yob hi zorelo oun hi ap t'mari rig. Leskro dji givell pral t'mende, oun yob hi t'menge lačo. T'mari doosh lell lo t'mendar krik an peskro baro kamlepen, oun yob dell gole i barhtyatar pral t'mende,

Maleachi 1:2

“Me kamau t'men o djiyestar”, penell o baro Devel. T'mer penenn mange koy pre pale: “Har dikah mer kova, kay tou kameh men?” “Hi gar o Esau oun o Yakob phrala?” penell o baro Devel. “Oun me kamau o Yakobes,

Mateo 11:26

Ava tata, yaake kamal tou kova.

Louka 1:55

yaake har penas lo mare phourenge, o Abrahameske oun leskre čavenge, te vell lo lenge lačo hako tsireske.”

Remarja 11:28

Te dikau, har patsenn i bibolde gar ap o lačo lab o Yezous Kristestar, hounte penap: Yon hi gar o Debleskre mala. Kova vas yaake, te nay venn t'mer pash o Debleste. Te dikau, har rodas o Devel lengre phouren an o phouro tsiro vin, hounte penap, kay leskro kamlepen lenge his.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 10:15

T'mare phouren kamas lo o djiyestar. Oun t'mer, kay lendar van, rodas lo peske vin mank i menshende dran an i tsele vavar themma. Oun ninna kava dives han t'mer leskre vi-rodede menshe.

5. Mose 23:6

T'maro baro Devel kamas gar ap o Bileam te shounell. Yob kamas t'men o djiyestar. Doleske kras lo, te rakras o Bileam i barht pral t'mende vin, oun kek bibarht.

5. Mose 33:3

O baro Devel kamell peskre menshen o djiyestar. Yob rikrell peskro vast pral halauterende, kay leske hi. Yon beshenn pen pash leskre pire, oun shounenn ap leskre laba.

5. Mose 4:20

T'men las o baro Devel dran o them Egiptia vin, har dran i sasterno yagakro bob, yaake boud douka hounte lan kote ap t'mende. T'men las lo koy vin, te venn t'mer leskre menshe, kay kokres leske koy hi, yaake har kova ap kava dives kate ninna hi.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

5. Mose 4:37

Yob kamas t'mare phouren o tselo djiyestar, oun rodas lengre čaven vin oun kolengre čaven, oun halauter kay lendar venna. Oun yob djas t'mentsa, har anas lo t'men vin dran o them Egiptia peskri bari zoryah,

5. Mose 5:6

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

1. Johanni 4:19

O Devel kamas men o djiyestar. Doleske kamah mer o Debles oun i menshen ninna.

1. Samuel 12:22

O baro Debleske his shoukar, te van t'mer leskre menshe. Oun yob das peskro vast koy pre oun moukell t'men gar.