5. Mose 7:25 - O Debleskro Lab 2024 (Sinte-Manouche)

²⁵ Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

O Debleskro Drom 2021 (Sinte)

²⁵ Chatchrenn i figure lengre deblendar! Ko rup un ko sonakai, hoi ap lende hi, lenn gar tele tumenge, te wenn tumare djia gar pandles ap kowa. Sawo koowa wals djungeles glan tumaro baro Debleskre jaka.

5. Mose 7:25 Iomraidhean Croise

2. Rajengro liil 23:14

Yob phagas kol bare barra paash, hoy le pengre deblenge pre-čivan, oun das kol figure tele, hoy sikran i Ashera. Oun kote, kay le tardo his, vitsras lo menshengre kokale pre.

1. Familjakro liil 14:12

Har i Filistarya nashan penge, lan le pengre rhorhene deblen gar pentsa. Oun o David penas, te venn kolla rhačedo.

2. Mose 20:17

Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika, či, hoy i vavares hi.

2. Mose 32:20

Ko terno gouroum, hoy kran i Israelitarya penge, vitsras yob an i yag, te rhačrell lo. Oun das les tiknes, bis te stauba pral ačas. Koy stauba vitsras lo an o pani, oun das les i Israelitarya te piyell.

2. Mose 8:26

Oun o Mose djas vin dran o Faraeskro kheer oun mangas o baro Debles leske.

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 41:24

Djinenn, kova nay krenn le gar! Kol debla hi či-moldo oun nay krenn či. Koon len peske vin rodell, krell i pale-čiddo koova glan o Debleste.

3. Mose 13:52

Ko ripen oder kol koola, ap kolende ko djounglepen hi, hounte venn pre rhačedo an i yag.

3. Mose 19:4

Ma nashenn i rhorhene deblen palla! Krenn t'men kek debla t'mare vastentsa! Me, o baro Devel, hom t'maro Devel.

Zefanja 1:3

i menshen, i firhen, i čirklen oun i mače. Me lau i čilačen krik i phoubyatar, oun khetne lentsa lauter, hoy kras, te peran le mandar tele. Ava, kek mensho ačell djido ap kay phoub. Kova penell o baro Devel.

5. Mose 12:3

Vitsrenn kol pre-čidde barra trouyel, kay maran le oun rhačran le firhen pengro debleske. Phagenn kol bare barra paash, hoy le leske pre-čivan! Oun rhačrenn kol kashta, hoy sikrenn i debletsa Ashera. Oun denn lengre figuren an kotya! Či te ačell lendar pral.

5. Mose 13:16

palle denn kol menshen an ko foro o rhareha moulo. Lauter hounte venn moulo dino, ninna lengre firhe.

5. Mose 17:1

Tou maress tiro baro Debleske kek groumni, kek bakro oder bouzni, hoy nasselo oder djoungelo hi. Kova vals i čilačo koova glan tiro baro Debleste.

5. Mose 23:18

Mank i Israelitarya hounte vell kek djouvel oun kek morsh, kay bikrell pes lovenge an o kheer i vavar deblestar.

5. Mose 27:15

“Praasedo vell kova, kay krell pes i sasterni figura, ninna i kashteni figura, te mangell lo lat čorrhanes an! Savi figura kerdi mensheskre vastentsa hi djoungeles glan o baro Debleskre yaka.” Oun i tsele menshe hounte penenn: Amen!

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

5. Mose 7:5

Doleske krenn kava lentsa: Vitsrenn kol pre-čidde barra trouyel, kay marenn le oun rhačrenn le firhen lengro debleske. Phagenn kol bare barra paash, hoy le leske pre-čivan! Oun denn kol kashta tele, hoy sikrenn i debletsa Ashera. Oun rhačrenn lengre figuren pre.

Josua 7:1

I Israelitarya rikran pen gar ap o Debleskro lab, hoy yob penas, te vell halauter an o foro Yericho leskro. Yek lendar, o Akan, las čomone peske. O Akaneskro dad his o Karmi, koleskro dad his o Sabdi, oun koleskro dad his o Zera. Oun kolla his morsha dran o kheer Youda. Har o Akan kova kras, las o baro Devel i bari rholi pral i Israelitarya.

Josua 7:21

Mank ko tselo koova, hoy lam lendar, dikom i shoukar plaashka dran o them Shinar, oun 200 (douy-sheel) roupeni kotya oun i baro lengsto sonakaskro kotar, hoy yek paash kilo phares hi. Oun me nay rikrom man gar pale oun lom kova. Oun halauter hi an miro plarhteno kheer, an i phoub khatemen. Oun o roup hi tel o vavar.”

Debleskro tsiro 17:5

Oun ap lakro shero his i lab činlo, hoy i menshe gar hayvan: “Koy bari Babilon, kolatar vella hako djounglepen oun vi-ladjedo koova ap i phoub.”