5. Mose 7:24 - O Debleskro Lab 2024 (Sinte-Manouche)

²⁴ Oun yob dell t'men lengre bare rayen an o vast. Oun t'mer marenn len, oun lengre laba venn bistedo. Kek nay vell zorleder har t'mer. T'mer marenn len halauter.

O Debleskro Drom 2021 (Sinte)

²⁴ Un job dell tumen lengre bare rajen an o wast. Un tumer marenn len, un lengre laba wenn bistedo. Kek nai well sorleder har tumer. Tumer marenn len halauter.

5. Mose 7:24 Iomraidhean Croise

Debleskri gili 9:5

Ava, tou lal miro koova an tiro vast, oun beshal tout ap tiro čačepaskro stamin oun dal man čačes. Tou hal i čačepaskro ray, kay an o čačepen tardo hi.

2. Mose 17:14

Palle penas o baro Devel ap o Moseste: “Čin kava pre, te bistrenn le kova gar! Oun rake les o Yosua an o dji, te bistrell lo kava kourepen gar. Oun pen leske ninna, te kamau me te marap i tsele Amalekarya yaake, te venn le hakenestar bistedo ap kay phoub.”

Gosewe laba 10:7

Lače menshe venn gar bistedo. Kova, hoy le kran, hi o Debleskro lačepen. I čilače venn bistedo.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Jeremia 10:11

Pen lenge: Kol deblenge, kay kran gar o bolepen, vitar gar i phoub, hi kek platsa ap kay phoub oun tel o bolepen, oun nay ačenn gar.

Zefanja 1:4

Me hadau miro vast pral o them Youda, oun pral halauterende, kay an o foro Yerusalem djivenn, te dap len lengri phagi. Oun krau lauter paash, hoy kote o rhorheno deblestar Baal pral ačas. Ninna leskre rashaya venn bistedo, oun kol vavar rashaya, kay moukan o baro Debles.

Remarja 8:37

O Yezous Kristo, kay kamell men o tselo djiyestar, yob krell men zoreles an lauter kova hoy ap mende vella.

1. Korintarja 15:57

Kanna parkrah men pash o Debleste. O merepen nashras peskri zoor pral mende. Maro ray, o Yezous Kristo, his zorleder har o merepen, oun las leskri zoor krik.

5. Mose 11:25

Kek nay ačell glan t'mende tardo, Traash oun daar moukell t'maro baro Devel ap i menshende an o tselo them te vell glan t'mende, yaake har yob les t'menge penas.

5. Mose 25:19

Ap ko tsiro, kay lan t'mer ko them dren, hoy t'maro baro Devel t'men dell, oun t'mer bouder gar an o kourepen han kolentsa, kay troul t'mende djivenn, palle denn kol tsele Amalekaryen moulo, yaake te ačell či lendar pral, hoy sikrell, te his i tsiro, kay djivan le. Oun kova bistrenn gar!

5. Mose 29:20

Yob čivell les infam, te hi lo kek Israelitari bouder. Oun ap leste vell koy bibarht, hoy koles taprell, kay tel o praasepen hi doleske kay rikras lo pes gar ap kova, hoy peskro baro Devel leha vin kras, yaake har an kava čačepaskro liil činlo hi.

5. Mose 9:14

Ma rike man pale, te anap miri bari rholi pral lende, oun dap len moulo, te vell lengro lab bistedo. Tire čavendar krau me i natsyona, hoy hi zorleder oun bareder har kaya.”

5. Mose 9:3

Doleske djinenn kava dives, te djal t'maro baro Devel glan t'mende har i yag, hoy halauter pre rhačrell. Yob dell len, te hounte nashenn le penge t'mendar. Oun t'mer tradenn len vin oun denn len sik moulo. Yaake penas o baro Devel kova t'menge.

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

Josua 10:23

Oun yon kran kova, oun anan kol panč rayen dran i grotta pash leste: O ray pral Yerusalem, o ray pral Hebron, o ray pral Yarmout, o ray pral Lakish oun o ray pral Eglon.

Josua 10:40

Yaake las o Yosua o tselo them dren: o pralstouno them, oun o them, kay o kham pralstounes hi, ninna o telstouno them oun o them ap i berge, – ko tselo them mank Kadesh-Barnea oun Gaza, oun mank Gosen oun Gibeon. O Yosua das i tsele bare rayen moulo, ninna lengre tsele menshen. Oun yob moukas kekes ap o djipen te ačell, yaake har penas leske o baro Devel, – o Devel pral o Israel.

Josua 10:42

Oun o Israeleskro baro Devel his ap lengre rig. Yaake las o Yosua kol tsele bare rayen oun lengre themma ap yek kopo dren.

Josua 10:8

Oun o baro Devel penas ap o Yosua: “Ma traash lendar! An tiro vast dom me len. Kek morsh lendar nay ačell glan toute tardo.”

Josua 11:17

oun o tselo them mank i berga Halak pash i berge Seir oun o foro Baal-Gad an i tala mank i berge Libanon oun i berga Hermon. Oun lengre tsele bare rayen tapran le, oun dan len moulo.

Josua 12:24

oun Tirza. Oun kol tsele bare raya his khetne 31 (triyanda-te-yek).

Josua 21:44

Oun o baro Devel kras, te vell len kek kourepen kol thementsa troul lende, yaake har lo pes glan lengre phourende sovel das, te krell lo kova. Oun kek, kay kamas pes lentsa te kourell, vas zorleder har yon. Kolen lauteren das o baro Devel an lengro vast.

Josua 23:3

Oun t'mer dikan halauter, hoy t'maro baro Devel kol tsele thementsa kras t'menge. Yob hi kova, kay pes t'menge lentsa kouras.

Josua 23:9

O baro Devel tradas bare oun zorele natsyone glan t'mende vin. Kek nay stakras glan t'mende pre, oun nay vas zorleder har t'mer, bis ap kava dives.

Josua 6:2

O baro Devel penas ap o Yosua: “Me dom o foro Yericho oun leskro baro rayes oun koleskre zorele lourden an tire vasta.