5. Mose 7:19 - O Debleskro Lab 2024 (Sinte-Manouche)

¹⁹ T'mer dikan, har lo peskri bari zoor sikras, oun kras sau koova, hoy kek vavar nay krell, oun anas boud bibarht ap i Egiptaryen. Peskro zorelo vasteha oun peskri pre-hadedi moussyah anas lo t'men vin. Yaake krell t'maro baro Devel i menshentsa an i tsele themma, kolendar t'mer darenn.

O Debleskro Drom 2021 (Sinte)

¹⁹ Tumer dikan, har lo peskri bari soor sikras, un kras sau koowa, hoi kek wawar nai krell, un anas bud bibacht ap i Egiptarjen. Peskro sorelo wasteha un peskri pre-hadedi mussjah anas lo tumen win. Jaake krell tumaro baro Dewel i menshentsa an i tsele themma, kolendar tumer darenn.

5. Mose 7:19 Iomraidhean Croise

Debleskri gili 136:12

Peskro zorelo vasteha kras lo kova. Leskro lačepen ačella hako tsireske!

Debleskri gili 44:4

Yon lan o them gar dren pengre rharentsa, vitar gar pengri zoryah. Na-a! Kova kras tiri čači moussi oun tiri zoor. Tou hals pash lende oun dikal kamles ap lende.

Debleskri gili 77:12

Kanna moukau mange kova an miro shero te djal, hoy tou, baro Devel, kral, ava, penau mange ko baro oun zorelo koova, hoy kral an tiri bari zoor.

2. Mose 6:6

Doleske pen ap i Israelitarya: Me hom o baro Devel! Me lau t'men vin dran t'mari phari boudi, hoy i Egiptarya ap t'mende čivan. Miri bari rholi vell ap lende, oun bari zoryah lau t'men vin.

5. Mose 29:3

Oun bis ap kava dives das o baro Devel t'men gomme gar djia, hoy hayvenn oun yaka, hoy nay dikenn oun kanda, hoy nay shounenn.

5. Mose 3:21

An ko tsiro penom ap o Yosua: “Tire yaka dikan kova halauter, hoy t'maro baro Devel kal douy rayentsa kras. Oun yaake krell o baro Devel hako rayeha an hako them, kay tou djah.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

Josua 10:25

Oun o Yosua penas ap i pralstunende: “Ma darenn kekestar oun či! Avenn zoreles oun ma trashenn! Yaake har kate dikenn, krell o baro Devel lauterentsa, kay kourenn pen t'mentsa.”

Josua 24:17

O baro Devel hi maro Devel, oun yob his kova, kay las men oun mare phouren dran o them Egiptia vin, kay pandle hams. Oun glan mare yaka kras yob kava tselo baro koova an peskri zoor. Oun das ap mende yak, o tselo drom, har djam an i tsele themma, kay kol vavar menshe djivan.

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.