5. Mose 7:15 - O Debleskro Lab 2024 (Sinte-Manouche)

¹⁵ Oun o baro Devel lell hako nasslepen t'mendar, oun anell kek savo nasslepen ap t'mende, hoy ap i menshende an o them Egiptia van, oun hoy t'mer prindjrenn. Na-a gar ap t'mende čivell lo len, ap hakeneste, kay ap t'mende pre djal, čivell lo len.

O Debleskro Drom 2021 (Sinte)

¹⁵ Un o baro Dewel lell hako nasslepen tumendar, un anell kek sawo nasslepen ap tumende, hoi ap i menshende an o them Egiptia wan, un hoi tumer prindjrenn. Na-a gar ap tumende tchiwell lo len, ap hakeneste, kai ap tumende pre djal, tchiwell lo len.

5. Mose 7:15 Iomraidhean Croise

Debleskri gili 91:10

Doleske vell kek bibarht ap toute, oun kek nasslepen nay vell an tiro kheer.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

2. Mose 23:25

Mangenn man, t'maro baro Debles, kokres an! Palle krau, te hi t'men doha maro oun boud pani. Oun me lau hako nasslepen, hoy mashkral t'mende hi, t'mendar krik.

2. Mose 9:11

Kava kopo nay van i dourkepangre gar glan o Mose, te krenn le yaake har yob. Ko djoungelo nasslepen his ninna ap lende har ap hako Egiptari.

5. Mose 28:27

O baro Devel bičrell t'men savo nasslepen, hoy lo glan i rah tsiro i Egiptaryen das: I djoungelo nasslepen vell ap t'maro mass, doukepen phagell pre, oun t'maro mass rhačell oun rhandjrell. Oun kek drab hi koy, hoy nay krell t'men sasto.

5. Mose 28:60

Ko tselo djoungelo nasslepen, hoy lo pral i Egiptaryen anas, oun kolendar t'men savi daar his, anell lo palle ap t'mende. Oun t'mer venn gar sasto lestar.

5. Mose 30:7

Koy tseli bibarht čivell t'maro baro Devel ap kolende, kay rikran t'men tele, oun his rhoyedo ap t'mende, oun lan t'men palla.