5. Mose 7:14 - O Debleskro Lab 2024 (Sinte-Manouche)

¹⁴ Kek vavar menshe an i tsele themma lenn yaake boud barht. Kek hi mank t'mende, vitar gar mank t'mare firhende, kay nay lell kek ternepen.

O Debleskro Drom 2021 (Sinte)

¹⁴ Kek wawar menshe an i tsele themma lenn jaake bud bacht. Kek hi mank tumende, witar gar mank tumare viechende, kai nai lell kek ternepen.

5. Mose 7:14 Iomraidhean Croise

Debleskri gili 107:38

Oun yob das len barht, oun yon van boud oun boudeder. Oun yob das len ninna boud firhen.

Debleskri gili 115:15

Mou vell ap t'mende i barht kolestar, kay o bolepen oun i phoub kras.

Debleskri gili 127:3

T'mare čaven das o baro Devel t'mende. Hi i kouč koova, te nay lell yek čave.

3. Mose 26:9

Me dikau lačes ap t'mende, oun krau, te lenn boud čave, yaake te venn boud. Oun hoy man sovel dom, te dap t'mende, rikrau dren.

4. Mose 22:12

O Devel penas ap o Bileam: “Ma dja lentsa! Ma rake i bibarht pral kol menshende vin! Miri barht oun zoor hi ap lende čiddo.”

5. Mose 28:11

Oun o baro Devel krell, te vell t'men boud lačepen, boudeder har doha. Yob dell t'men boud čave oun boud firhe. Boud djob oun vavar koova vell baro ap t'mari phoub an ko them, kay o baro Devel pes glan t'mare phourende sovel das, te dell lo les t'mende.

5. Mose 28:4

Yob dell t'men boud čave, boud djob, boud groumya oun bakre oun bouzya.

5. Mose 30:9

T'maro baro Devel dell t'men barht an halauter, hoy t'mer krenn; t'mer lenn boud čave, boud firhe oun boud djob ap t'mari harhetikri phoub, te djal t'menge lačeder har mishto. Leske hi shoukar te krell lo t'menge lačepen, yaake har leske shoukar his, te kras lo lačepen ap t'mare phourende.

5. Mose 33:29

Barhtelo han t'mer, Israelitarya! Koon hi yaake har t'mer? T'men kokres las o baro Devel dran o pandepen vin. Yob vell ap t'mari rig, oun rikrell peskro vast pral t'mende. Yob kourell pes t'menge, oun krell, te venn t'mer zorleder har kolla, kolentsa kourenn t'men. Yon hounte vitsrenn pen tele glan t'mende, oun t'mer djan pral lende vergel.