5. Mose 7:13 - O Debleskro Lab 2024 (Sinte-Manouche)

¹³ Dran peskro kamlepen dell yob t'men barht oun boud čaven, ninna boud djob, mool oun djet. Oun t'mare groumya oun bakre venna boud an o them, kolestar yob glan t'mare phourende pes sovel das, te dell lo les t'mende.

O Debleskro Drom 2021 (Sinte)

¹³ Dran peskro kamlepen dell job tumen bacht un bud tchawen, ninna bud djob, mool un djet. Un tumare grumja un bakre wenna bud an o them, kolestar job glan tumare phurende pes sowel das, te dell lo les tumende.

5. Mose 7:13 Iomraidhean Croise

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Hiob 1:10

Tou deh yak ap leskro kheer oun ap lauter, hoy les hi. Tou čival tiri barht ap lauter, hoy yob an-taprell. Oun leskre firhe van boud oun boudeder an o tselo them.

Hiob 42:12

Oun o baro Devel čivas boudeder barht ap o Hiob har glan kova. Oun yob las 14.000 (deesh-te-star-zerya) bakre oun 6.000 (shob-zerya) khamele oun 2.000 (douy zerya) groumya oun 1.000 (yek zero) bourike.

Debleskri gili 1:3

Kova hi har i rouk, hoy tardo hi pash o pani. Ap o čačo tsiro venn leskre roukengre baro. Oun leskre patria ačenn zenelo. Lauter, hoy yob krella, djala mishto.

Debleskri gili 107:38

Oun yob das len barht, oun yon van boud oun boudeder. Oun yob das len ninna boud firhen.

Debleskri gili 11:7

O baro Devel hi an o čačepen tardo, oun kamell hakenes, kay o čačepen krella. Koon ap leste shounella peskro tselo djiyeha, kova dikell les peskre yakentsa.

Debleskri gili 127:3

T'mare čaven das o baro Devel t'mende. Hi i kouč koova, te nay lell yek čave.

Debleskri gili 146:8

O baro Devel krell, te nay dikenn i korele pale. O baro Devel hadell kolen pale pre, kay tele dino hi. O baro Devel kamell kolen o djiyestar, kay an o čačepen tardo hi.

2. Mose 23:25

Mangenn man, t'maro baro Debles, kokres an! Palle krau, te hi t'men doha maro oun boud pani. Oun me lau hako nasslepen, hoy mashkral t'mende hi, t'mendar krik.

Gosewe laba 10:22

Te čivell o baro Devel peskri barht ap toute, veh tou bravelo. Oun kova, hoy tou koy pashel kreh, hi čičeske.

Gosewe laba 15:9

O baro Devel dikell rhoyedes ap kova, hoy i čilače krenn. Koon peskro tselo djiyeha o čačepen krell, koles kamell yob.

3. Mose 26:9

Me dikau lačes ap t'mende, oun krau, te lenn boud čave, yaake te venn boud. Oun hoy man sovel dom, te dap t'mende, rikrau dren.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

Johanni 14:21

Koon mire laba shounella oun krell, hoy me penau, kova kamell man čačepah o djiyestar. Oun koon man kamella, koles kamell miro dad. Oun me kamau les ninna o djiyestar oun me sikrau leste, koon me hom.”

Johanni 15:10

Te krenn t'mer kova, hoy me t'menge penom, ačenn t'mer an miro kamlepen yaake, har me kova krau, hoy miro dad mange penas. Oun me ačau an leskro kamlepen.

Johanni 16:27

Miro dad kamell t'men ninna yaake har me kamau t'men. T'mer kamenn man o djiyestar oun patsenna, kay me o Deblestar vom. Doleske kamell t'men miro dad ninna o djiyestar.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 13:17

Oun lengro tselo bravlepen anenn khetne mashkral ap o foreskri platsa! Oun rhačrenn ko tselo foro pre oun lauter, hoy an leste hi, t'maro baro Debleske! Či har barra hounte ačell pral ko forestar hako tsireske. Oun an kek tsiro vell lo bouder neves kerdo.

5. Mose 28:1

Kava dives penau t'menge o baro Debleskre tsele laba, pal kolende hounte djivenn. Shounenn ap t'maro baro Debleste, oun krenn pal kal laba! Palle krell t'mendar t'maro baro Devel i natsyona, hoy boudeder an-diklo hi har i tsele vavar natsyone ap i phoub.

5. Mose 28:11

Oun o baro Devel krell, te vell t'men boud lačepen, boudeder har doha. Yob dell t'men boud čave oun boud firhe. Boud djob oun vavar koova vell baro ap t'mari phoub an ko them, kay o baro Devel pes glan t'mare phourende sovel das, te dell lo les t'mende.

5. Mose 30:5

T'maro baro Devel anell t'men an ko them, koles t'mare phourenge his. Oun t'mer lenn les t'menge dren. Oun yob dell t'men boud bravlepen, oun krell t'mendar boudeder har t'mare phoure his.

5. Mose 7:7

Kova kras lo gar doleske, kay hans boudeder har kol vavar. Na-a, t'mer han i tikneder natsyona har kol vavar.